Lakio erraz hauek gosaltzeko edo meriendatzeko apartak dira. Lakio goxo hauek eginez gero zuen gustukoa izatea espero dut. Nik egin ditudanean asko gustatu zaizkit eta familiakoei ere bai.

1. LAKIOAK

2. Osagaiak
Hostore lamina bi
Eztia (suabea izatea komeni da)
Azukrea
Ura

3. 1. pausoa
Hostorea luzatu.
Lamina bat eztiz ondo
margotu (errazago izan
dadin eztia aurretik apur
bat berotu).

4. 2. pausoa
Margotutako hostorea
margotu gabeko
hostorearekin estali
(saiatu bi laminen artean
airerik ez uzten).

5. 3. pausoa
Hostore laminekin eta
eztiarekin egindako
“sandwich-a” moztu
gutxi gora behera
zabaleran cm 1-eko tirak
lortuz.

6. 4. pausoa
Labeko erretilua prestatu:
Erretiluko izkinetan olio apur bat jarri.
Erretilua laberako berezia den paperarekin estali.
OHARRA:
Izkinetako olioa papera ez birrintzeko eta erretiluan itsasteko
baliogarria da.
Paper berezi hau hostorea erretiluan ez itsasteko da.

7. 5.pausoa
“Sandwich-aren” tira
bakoitza bere gainean
bihurritu.
Luzeraren arabera behin
edo gehiagotan
bihurrituko da.
Bihurrituta dagoenean
apur bat presionatu
forma gal ez dezan.

8. 6.pausoa
Eztia (apur bat berotuta)
ur apur batekin nahastu.
Aurreko pausoan
egindako lakioak eztia eta
uraren nahasketarekin
ondo margotu.
Gainetik azukre apur bat
bota.

9. 7.pausoa
Orain arte egindakoa
hozkailuan sartu.
OHARRA: ahal beste
denbora utzi
hozkailuan, kasu honetan
gutxienez labea berotzen
den bitartean bertan
mantendu.
Labea berotu 200oC
10-15 minutuz.
Beroa behean eta
haizegailuarekin.

10. 8.pausoa
Hozkailutik atera eta
labean sartu.
Labean:
Txigortu arte (10-15
minutu gutxi gora
behera)

11. 9. pausoa
Labetik atera eta
erretiluan apur bat
hozten utzi.
Apur bat hoztu direnean
parrilla baten moduko
erretilu batean jarri guztiz
hoztu daitezen.

12. 10.pausoa
AUKERAK (apaintzeko):
Guztiz hoztu baino lehen
eztia eta urarekin
egindako nahasketarekin
lakioak ondo margotu.
Azukre-hautsa gainetik
bota.

13. On egin!