2. Складаныя сказы з розымі відамі сувязі маюць у
сваім складзе не менш як тры часткі, якія звязваюцца паміж
сабой рознымі відамі сувязі:
злучнікавай і бяззлучнікавай,
злучальнай і падпарадкавальнай,
бяззлучнікавай і падпарадкавальнай і інш.
Часткі складаных сказаў з рознымі відамі сувязі могуць
спалучацца паміж сабой і нагадваць складаназлучаныя сказы,
складаназалежныя і бяззлучнікавыя складаныя. Таму сродкамі
сувязі частак у сказах з рознымі відамі сувязі з’яўляюцца
злучальныя і падпарадкавальныя злучнікі (ці злучальныя словы),
інтанацыя, сэнс, адпаведныя знакі прыпынку.
[Бясконцыя балоты вучылі палешукоў мудраму
разважанню], [мора лясоў выхоўвала ў іх засцярогу], ( бо так
лёгка напаткаць тут небяспеку) (Я. Колас).
[Змучанае дарогаю і бясконцымі начамі цела даўно патрабавала
адпачынку], але [заснуць Лабановіч адразу не мог], ( бо
вельмі многа было ўсялякіх ураджанняў) (Я. Колас).
.[Была вясна], [хадзіла рэха па волкіх сцежках берагоў], ( як
быццам ранак зноў праехаў з наборам бомаў між лугоў)
(К. Кірыенка).