1. Tinuod nga Higala
Siya si Lenny, nagatungha sa ikaduhang ang- ang sa
elementarya. Niwang, itomon, ug kulot ang iyang buhok.
Sa tunghaan, walay ganahan modulo o makig- istorya niya tungod
sa iyang dagway. Kanunay nga nag- inusara ug magul- anon si
Leny.
Usa ka adlaw, samtang nagalingkod siya sa ilalom sa usa ka
kahoy, adunay usa ka tinun- an ang niduol niya.
2. “Kumusta? Nabantayan nako nga kanunay ka nga nag- inusara ug
magul- anon. Ako diay si Beth, naa pod ko sa ikaduhang ang- ang ug
magklasmeyt ta,” paila ni Beth ngadto kang Leny.
Wala nitingog si Leny. Hinuon iya lamang gitan- aw nga magul-
anon si Beth. Sa wala madugay, nipahiyom na si Leny ug sa hinay
gitunol niya ang kamot ngadto kang Beth.
Ako si Leny. Nakuratan ko sa dihang niduol ka ug nagpaila. Wala
may ganahan nga modulo nako. Nahunahunaan nako nga lahi ko
nila mao nga walay makighigala nako,” pasabot ni Leny kang Beth.
3. Sugod niadto, nahimo na silang managhigala. Nakat-on na pod ni
Leny nga mopahiyom ug mahimong kabahin sa mga buluhaton sa
ilang klase tungod sa pagtabang ni Beth. Sa wala madugay, nasuod
na ni Leny ang iyang mga klasmeyt. Nalipay kayo si Leny. Dasig siya
nga nagtungha ug nagtuon.
“Beth, daghan kaayong salamat. Kung dili pa tungod nimo, dili
mausab ang akong kinabuhi. Gasa ka gikan sa Ginoo kanako.
Salamat gyod Beth, tinuod ka nga higala,” sulti ni Leny ngadto sa
iyang higala.
4. Naggakos ang managhigala ug wala mapugngi nga nakahilak sila sa kalipay.
Tubaga ang matag pangutana.
1. Unsa ang gihisgotan sa sugilanon?
2. Unsa ang problema ni Leny sumala sa sugilanon?
3. Sa imong panglantaw, husto ba ang gibuhat sa uban nga dili duolon si Leny?
Ngano man?
4. Kung ikaw si Beth, buhaton ba pod nimo ang iyang gibuhat? Ngano man?