1. FAITH AND REVELATION
"Apophatic theology", ano nga ba ito at bakit mahalaga ito sa pag-teteyolohiya o pag-aaral
patungkol sa Diyos? Tara ating tuklasin at payabongin ating mga isipan patungkol sa ating usapin. Ayon sa
ilang dalubhasa ito'y naglalayon na matunghayan ang pag-iral ng buhay sa pagsumpong sa Dakilang
Maylikha o pakikipagdaupan palad o karanasan o inkwentro sa Banal. Ito'y isang pamamaraan o proseso
ng "denial o negation" sa pagtuklas sa Makapangyarihan, sa Banal, sa Maylikha, sa Diyos… na kabaliktaran
naman ng "cataphatic theology" na kung saan sa positibong pamamaraan ng pagpapakilala o
pagpapahayag tungkol sa Diyos. Bagamat magkaiba ng pagtutuklas at pagpapahayag ngunit sanggang dikit,
na naglalayon ng pagtunghay sa Dakilang Banal, ang Diyos.
Ilang mga konkretong halimbawa na ekspresyong "apophatic theology" sa atin mga Filipino:
Ilang mga ekspresyon sa pagsasalita tulad ng: "Bahala na!", "Pagod na ako!", "Hindi ko na
kaya!" at iba pa… ang salitang "Bahala na" ay ekspresyon nagpapakita na ang isang tao ay limitado, walang
kakayahan, walang kasiguradohan, ngunit isa lamang ang tiyak na may isang Ganap at Dakila sa ating lahat.
Ang iba pang mga salita ay nagpapakita din ng parehong kondisyon ng tao bilang limitado at walang
kakayahan na maging ganap sa kanilang mga sarili. Ito din ay pagpapakita na may Isang masnakakahigit sa
lahat walang iba ang Maylikha.
Maraming Filipino ang biniyayaan ng samot-saring talento o regalo: tulad ni Apo Whang
Od, kilala rin sa tawag na Maria Oggay. Isang pambansang dalubhasa sa sining ng “mambabatok”
sinaunang pamamaraan ng pagtatattoo. Ito ay pagpapakita ng pagkilala ng kanyang makalangit na
karanasan ng Banal (mystical experience). Marami pang mga ordinaryong Filipino na puno ng talento sa
musika, pag-lililok, pag-uukit, sa paggawa ng tula at mga literatura, at iba…
Ngayon, sa ating mga nag-aaral ng tiyolohiya, inaalok tayo na maging mayaman sa makalangit na
karanasan (mystical experience) sa pagsumpong sa Banal, dahil dinadala tayo sa malalim at personal na
karanasan ng Banal o pagkilala sa Diyos. Paglumalalim tayo sa personal na karanasan ng Banal, lumalago
din tayo sa personal nating buhay, at lumalago at lumalalim din ang ating paglilingkod sa Diyos sa
pamamagitang ng ating paglilingkod sa kapwa.