Correccións traballo corentena

1. SOLUCIÓNS ÁS ACTIVIDADES DE 2º ESO, A arrasadeira, páxina115.
TRABALLO DA SEMANA DO 16 AO 20 DE MARZO
1.- Arrasadeira: Diversión propia de rapaces que consiste en ir de noite roubar froita,
segundo a que haxa na época de que se trate. Descríbese como unha actividade
clandestina (van ás agachadas, de noite) e perigosa (poden mancarse ao agatuñar as
paredes).
2.- Os grupos de rapaces son os «golfos»: son os rapaces que van ás arrasadeiras. O
narrador sente envexa porque se divirten máis e gustaríalle ser coma eles. Dedúcese que
teñen máis liberdade. Pertencen ás clases máis humildes (o pai de Pepe o Roxo é
zapateiro).
Outro grupo: Os nenos que el trata, os «señoritos»: son formais e aburridos. Suponse que
son de clase social máis elevada. Non van ás arrasadeiras.
3.- Pepe o Roxo sente mágoa de Tono e decide levalo con el, malia a oposición dos seus
compañeiros. Actúa con el como se se tratase dun irmán pequeno ao que quere
protexer.
4.- A historia é relatada por un narrador que conta o que a el lle contou Toniño Cobas.
Reproduce as palabras deste en primeira persoa.
5.- A acción transcorre nun ámbito urbano (a cidade de Auria, que corresponde a Ourense)
próximo ao rural (hai viñas e hortas).
6.- A acción sucede a comezos do século XX (como a totalidade das obras narrativas de
Blanco Amor). Descríbense dúas clases sociais: os señoritos e os golfos. Naquel tempo os
rapaces pasaban máis tempo na rúa e desprazábanse con máis liberdade pola cidade. Ir
ás arrasadeiras era unha das diversións daquel momento.
7.- Argumento: Tono é un rapaz que nunca foi a unha arrasadeira e un día pídelle a Pepe o
Roxo que o leve con el, aproveitando que os seus pais non van estar na casa. Os outros
rapaces non queren que vaia con eles, mais o Roxo protéxeo e todos xuntos van
roubarlle figos ao Abade das Vellas.
• Tema: a primeira arrasadeira de Tono.
8.- Rachar – esgazar, gabear – agatuñar, valo – muro, pelar – esfolar, berrar-rifar
9.- -Nomes de pía: Tono, Pepe, dona Carlota.
Alcumes: (Pepe) o Roxo, O Abade das Vellas, o Peste, o Caparras.