Os nenos da rata Luisa participan en todos os xogos o día da festa e gañan moitos premios.

1. Xogos
tradicionais
OS NENOS DA RATA LUÍSAMonDaporta

2. Esta fin de semana nas festas do pobo
pasárono de medo participando nos xogos.

3. Xogaron a todo. Non gañaron en nada,
pero chegaron á casa cargadiños de medallas:

4. Foron segundos en tirar á corda
Tirada da corda.
Fórmanse dous equipos, do mesmo número de compoñentes, que postos un fronte ao outro
tiran, cada un para o seu lado, dunha corda co obxectivo de arrastrar ao equipo contrario ata
que o primeiro compoñente pasa unha liña marcada no chan.

5. e en correr emparellados,
Correr emparellados
Cada grupo de dous xogadores, levando atada unha perna coa do compañeiro, teñen que
percorrer unha distancia marcada. Gaña a parella que chegua primeiro.

6. terceiros no das cadeiras
Xogo das cadeiras.
Os xogadores corren arredor dun grupo de asentos ata que, a un sinal, tentan sentarse, pero
como sempre hai un asento menos que o número de xogadores, cada volta queda un fóra.
Logo retírase outro asento e repítese a carreira ata o novo sinal… e así ata que só queda un
asento. Gaña o que consegue sentar no último.

7. e na carreira de sacos,
Carreira de sacos
Cada xogador, metido ata a cintura nun saco, ten que percorrer unha distancia fixada. Gaña o
que fai o percorrido en menos tempo.

8. e unha, só por participaren, nunha carreira con zancos.
Carreira con zancos
Cada participante ten percorrer unha distancia fixada sen baixarse dos zancos.

9. Gañaron caramelos na chave
A chave
O xogo consiste en atinarlle á chave lanzando os pellos, fichas dun tamaño e peso
determinados, desde unha certa distancia.

10. e máis na ra,
A ra
O xogo consiste en coarlle unhas fichas pola boca a unha ra de ferro, lanzándoas desde
unha distancia determinada.

11. no tiro aos cacharros
Tiro aos cacharros
Lanzando unha pelota, ata tres, tentar derribar un castelo de tarros de lata. Gaña o que os
tira todos ou o que tira máis.

12. e no xogo de pescar,
A pesca
O xogo consiste en enganchar, cunha cana e un anzol, peixes de xoguete que aboian nunha
bañeira. Cada peixe leva un aro para posibilitar o enganche.

13. e ríron a escachar probando na piñata.
Piñata
O xogo consiste en romper, golpeándoo cun pau, un recipiente colgado que contén
agasallos. Os participantes actúan cos ollos vendados, e antes de comezar cos intentos de
romper a piñata dánselle unhas voltiñas para desorientalos.

14. Correron coa culler,
Carreira con culler
Hai que percorrer unha distancia levando na boca unha culler dentro da que hai un obxecto
(ovo, castaña…) sen que caia. Gaña o que percorra a distancia en menos tempo.

15. rillaron na mazán colgada,
Comer a mazán
O xogo consiste en comer unha mazá, que colga dun fío, coas mans atadas ás costas.

16. estouparon globos,
Estoupar globos
O xogo consiste en inflar globos ata que estoupen. Gaña o que o estoupa primeiro ou o que
estoupe máis globos nun tempo determinado

17. pelexaron na barra,
Pelexa na barra
O xogo consiste en facer cair da barra, que se atopa un pouco elevada, ao opoñente
usando as mans.

18. ata colleron moedas coa boca metendo a cabeza na auga
Pillar moedas
O xogo consiste en coller coa boca moedas, ou obxectos, que estan dentro dun recipiente
con auga.

19. e tentárono, ata con trampa, no pau da cucaña.
Non quedou enredo no que non probaran!
Cucaña
Pau vertical ou horizontal, liso e engraxado, que sostén na parte máis alta, ou alonxada do
punto de suxección, un agasallo. Cando o pau se pon horizontal adoita situarse enriba da auga.

20. De volta na casa, contan, e non dan falado
de todo o que fixeron e do ben que o pasaron.

21. Luísa, Roxelio
e máis os ratiños
agardan que vos
gusten estes seus
contiños.
Abur!