1. “Si Owa an Uwak”
Researched by: John Daryl Panizal
Source: Mrs. Loreta Panizal
Sa sarong kabukiran, may nakaistar na magtugang na nagngangarang
Owa asin Juan. Lambang saro sainda igwa nin magkaibang gawi. Kung
gurano kaboot si Juan, iyo man kung gano kasakrit an saiyang tugang na
si Owa. Sarong aldaw, naghali an saindang mga magurang, an nawalat
sanang saindang pagkakan iyo an duwang pidasong kamote, sa kagustuhan
ni Owa na mapasaiya an duwang pidasong kamote, naisipan ni Owa na
itago ini sa irarom kan saiyang ulunan. Kan gutom na si Juan, hinanap
niya si kamote asin mayo na ini sa lamesa. Hinapot niya si Owa kung
haen na si kamote. Sin nagsimbag man si Owa, “Inda kung nasain yan
kamoteng sinasabi mo?
Naisip ni Juan na bakad kinua mi Owa an kamote kaya nagduman siya
sa higdaan ni Owa. Bago pa makalaog si Juan sa higdaan, dali-daling
nagdalagan si Owa para kuanon an duwang pidasong kamoteng asin
nagparadalagan paluwas. Nilapag ni Juan si Owa para makua an kamoteng
para saiya. Nagralapagan an Duwa asin nahulog si Owa sa gibuhan nin
Uring. Nahiling ni Juan an pagkahulog ni Owa, kan dulukon na ni Juan
an gibuhan kan uring, may luminupad na sarong kulay itom na gamgam
asin puon kaidto dae na ninda nahiling utro si Owa. An gamgam na itom
n asana an pirme nindang nahihiling na palayog-layog sa palibot kan
saindang harog. Inapod ninda an gamgam na Owa na sa paglihis kan
panahon, inapod na ining “Uwak”.