1. MAIDER LOPEZEK AZKEN 10 URTEETAN EGINDAKO LANEN HAUTAKETA AURKEZTEN
DU KOLDO MITXELENA KULTURUNEAN, HORRETARAKO PRESTATUTAKO INSTALAZIO
BEREZI BATEAN.
Egunak: 2015eko urriaren 29tik 2016ko otsailaren 6ra bitarte.
Ordutegia: Asteartetik larunbatera: 11:00 – 14:00 eta 16:00 – 20:00
Astelehen, igande eta jaiegunetan itxita
Bisita gidatuak: kmk@komaz.com
Erakusketaren koproduktore da MARCO (Vigoko arte garaikidearen museoa).
Tokialdatu/Desplazamiento da Maider Lopezek (Donostia, 1975) Koldo Mitxelena Kulturunerako
prestatu duen erakusketa proiektuaren izenburua; bertan, lehendabizikoz, espazio berean
biltzen dira artistak azken hamar urteetan egin dituen lanen hautaketa, erakusketaren izenburu
bera duen esku-hartze espezifikoarekin batera.
Erakusten dituen lanen artean daude, besteak beste, Ataskoa (2005) edo Polder Cup (2010)
bezalako obrak, edo Istanbulgo Bienalerako nahiz Turkiako Cappadocia Struck jaialdirako egin
dituen obra berrienak.
Hautaketa horrek erakusten duena da zer nolako aniztasuna dagoen prozesu artistikoetara
hurbiltzeko garaian, bai garapenari dagokionez eta baita formalizazioari dagokionez ere, behin
eta berriro azpimarratuz tokialdaketaren kontzeptua, gure errealitateak zalantzan jartzeko
baliabide gisa.
Tokialdatu Koldo Mitxelena Kulturuneko erakustaretorako esku-hartze espezifikoa da, aretoko
hormen bikoizketa planteatzen duena. Hormak lerratu egiten dira, aurrera 140 cm, eta albora,
berriz, 190 cm. Horrela, 50 cm-ko altuera duten horma berriak sortzen dira. Horma berri horiek
espazioa birpentsatzera eramaten gaituzte, aretoaren erabilera eta pertzepzio dinamikak
hautsiz, ikuspegi berriak sortuz, eta ohikoak ez diren ibilbideak eta zirkulazioak eraginez.
2. “Desplazar”, RAEren definizioaren arabera, zerbait edo norbait dagoen lekutik mugitzea edo
ateratzea da. Axioma horrek lan hauen irakurketarako gakoak ematen dizkigu; izan ere,
urruntze egoerak sortzeko erabiltzen du baliabide hau artistak, baina, gainera, espazio mental
berri bat sortu nahi du, aurrez ezarrita ditugun ideiei aurre egiteko.
Horrela, artistak bidean eramaten gaitu, bere lanetan zehar, ohiko ekintzak eta errealitate
arruntak zalantzan jarriz. Hiri espazioa eta paisaia naturala destokitu egiten dira, ohiturak eta
harremanak aldatzeko estrategien bidez, espazio edo egoera berriak sortaraziz, joko logika
berriak planteatuz. Gure ingurua behatzeko eta birpentsatzeko molde berriak.
ERAKUSKETAKO OBREN ZERRENDA
Tokialdatu / Desplazamiento, 2015
Instalazioa
Koldo Mitxelena Kulturunea. Donostia.
Crossing, 2007
Argazki seriea
Hangar-CBK beka-Duende Studios Rotterdam, 2006.
Parkings, 2005
Argazki seriea
Museo Artium. Proyecto Coches. Vitoria-Gasteiz.
366 Sillas, 2007
Argazki eta bideo intalazioa
2007ko irailaren 22a. Noche en Blanco. Madril.
PolderCup, 2010
Instalazioa
2010eko irailaren 4a . Ottoland. Witte de With Center for Contemporary Art eta Skor /
Foundation Art and Public Space. Holanda.
Piscine Saint-Georges, 2014
Lau kanaleko bideoinstalazioa
2014ko ekainaren 14a. Play Time. Les Ateliers de Rennes, Arte Garaikidearen 4. Bienala.
Frantzia, 2014.
Line off Sight, 2008
Instalazioa
2008ko abuztuaren 29a. Intrude 366. Zendai Museum. Shangai.
Moving Stones
Instalazioa
Cappadox, 2015. Cappadocia Struck
3. Ataskoa, 2005
Argazkia
(2) 87 x 131 cm, (2) 87 x 114 cm, (1) 50 x 33 cm.
2005eko irailaren 18a. Intza, Nafarroa.
Making Ways, 2013
Instalazioa
Bideoak eta biniloa hormaren gainean
Neurri aldakorrak
Istanbuleko 13. Bienala, 2013.
Making Ways, 2’15” at Karaköy, 2013
Another Via, 2009
Postala
10 x 15 cm.
Al-Ma’malFoundation, Jerusalén
Mountain, 2013
Mendiko eraikuntza
2600 metro kubikoko lur eta belar
Lower Austria Art in Public Space. Grafenegg. Austria, 2013.
Football Field, 2007
Provisions for the Future. Sharjah Biennial 9, Arabiar Emirerriak, 2009.
How do you live this place?, 2010
2010eko abenduaren 4a. Deveron Arts. Huntly, Eskozia.
Iturriak 2016
Proiektu honetan, instalazio bat jartzen da espazio publikoan. Datorren urtean zehar egingo da,
Ondarretako lorategietan, Donostia 2016 Europako Kultur Hiriburuaren programazioan.
Ondarretako lorategiak.
Kultura Hiriburua DSS2016.
Artistari buruz
Maider Lopezek (Donostia 1975) bi kontzepturen inguruan artikulatzen du bere lana: espazioak
eta gizakia espazio horietan bizitzeko modua. Leku bakoitzerako berariaz pentsatzen dituen
esku-hartzeetatik abiatuta, agerian jartzen dira inposatutako jokabide arauak, sormenaren bidez
nabarmendu, erremediatu edo neutralizatu daitezkeenak, sinbolikoki bada ere, alternatiba
berriak sortzeko. Parte-hartze aktibora deitzen duten estrategiez baliatuz, egunerokotasunaren
estatikotasunarekin hausten du, eta ateak zabaltzen dizkio negoziazioari, ikusleari proposatuz
ikusteko eta erlazionatzeko molde berriak bilatzea.
4. Bere lana ikusgai egon da Istanbuleko 13. Bienalean, Witte de With eta Skor zentroetan
(Herbehereak), Pompidou Metz zentroan, Sharjah-eko 9. Bienalean, SCAPEn (Zeelanda
Berria), Zendai-Moma Museoan (Shanghai), Bilboko Guggenheimen, Bartzelonako Caixa
Forumen eta Veneziako 51. Bienalean.
www.maiderlopez.com
KATALOGOA
Katalogo bat argitaratuko da Maider Lópezen lanari buruz; bertan jasoko dira erakusketako
obrak eta Tokialdatu esku-hartze espezifikoa, Fulya Erdemci komisario eta idazlearen testu
kritikoarekin. Katalogoa euskaraz, gaztelaniaz eta ingelesez argitaratuko da. Donostia 2016
erakusketa honen laguntzaile izan da, Iturriak proiektuaren aurkezpenean eta katalogoaren
edizioan.