Theto Se Nkomanye

1. SEPEDI HL
THUTO YA MPHATO WA LESOME (10)

3. THETO
 Theto ke mokgwa wa go tšweletša bokgabo.
 Sereto se nale dithekiniki tšeo ka tšona re kgonago go lemoga tikologo yeo e ka re botšago ka ga
mohuta wa sereto.
 Se se tliša ke ditiragalo tša ka gare ga sereto le kgetho ya mantšu.
 Sebopego sa ka ntle sa sereto le sona se ka re botša ka ga mohuta wa sereto.
 Sereto e ka ba sa sekgale goba sa sebjalebjale go lebeletšwe tikologo yeo se e akaretšago le didirišwa
tša ka gare ga sereto gammogo le dikapolelo tšeo di nyalelanago le ditiragalo goba didirišwa tša
sebjalebjale goba tša sekgale.

4. Sebopego sa ka ntle
Sereto se se nale methalotheto ye
lesomenne, ka fao mohuta wa sereto se
ke sonete.
Se nale tematheto ye tee.

5. Sebopego sa ka gae
 Naa sebopego sa ka gare re se bona ka eng?
 Sebopego sa ka gare re se bona ka kgetho ya
mantšu le tšhomišo ya dithikiniki tša theto.
 ka sebopego sa ka gare re kgona bo lemoga
maikutlo a sereti go lebeletšwe kgetho ya
mantšu le tšhomiša ya maswaodikga gammogo
le go lemoga molaetša wa sereto.

6. DITHIKINIKI TŠA THETO
 Dikapolelo
 Kelelothalo
 Sešura
 Makgethepolelo (Potšišo retoriki)
 morumokwano

7. DIKAPOLELO
Dikapolelo ke mareo ao a šomišwago go natefiša
polelo le go tšweletša molaetša wo o itšego.
 Tshwantšhišo – Ke papišo ya dilo tše pedi.
Sekapolelo se se tšwelela mothalothetong wa
12 mo sereti se rego “ Bothakga le bošaedi bja
ka nna khudu”

8. KELELOTHALO
Ke thekiniki yeo ka yona sereti se
kgonago go dira gore kgopolo ya ka
mothalothetong wa ka godimo e elele go
fihla ka mothalothetoong wa ka fase ntle
le tšhomišo ya maswaodikga.
 Mo seretong se, kelelothalo e
tšwelela mothalothetong wa 12 le 13
mo sereti se re go “Bothakga le
bošaedi bja ka nna khudu”-“Yeo
kgopolo ya ka e nenenkelago,”

9. SEŠURA
Sešura ke thekiniki yeo sereti se e šomišago
go khutša ka gare ga theto yona e bonagala
ka tšhomišo ya fegelwana mo gare ga lefoko.
Mo seretong sa rena sa SE NKOMANYE,
sešura se tšwelela mo go methalotheto ye: 1,3
le 4.
MAKGETHEPOLELO
Makgethepolelo ke thekiniki yeo sereti se e
dirišago go tiiša kgopolo yeo e itšego,
potšišoretoriki ke potšišo yeo e sa nyakego
karabo.
Ka mo gare ga sereto se thekiniki ye e
tšwelela mothalothetong wa 3 le wa 6.

10. MORUMOKWANO
Ke mohuta wa poeletšo ya medumo ya ka gare ga
sereto.
 Morumokwanophetši – Ke poeletšo ya medumo ya
ka mafelelong a lefoko. Mo seretong se, mohuta wo
wa poeletšo o tšwelela mothalothetong wa 2 le 3
“-ona” gomme go mo mothalotheto wa 6 le 7 go
tšwelela morumokwanophetši ka mokgwa wa poeletšo
ya lentšu le feleletše “bona”.

11. MAIKUTLO A SERETI LE MOYA WO O FOKAGO
Sereti se tšweletša maikutlo a lethabo leo le
nalego go ikgothatsa ka gare. Se se tliša ke kelelo
ya ditaba le moya wa ka gare ga sereto go tloga
mathomong go fihla mafelelong le phetogo ya
kgetho ya mantšu. 1- Se nkomanye, 2- hlakiša,
4- boikokobetšo, 6- tenne, 7- fulara, lla mantšu
a a tliša gopolo ya go se swane le tšhomišo ya
mantšu ao a šomišitšwego ge sereti se lebile go
thumo ya sereto. ( 9- Ipshinne kudu, 11 -
megokgo e phumule, o bune, 14 - ka wena ka
nna ke ipshinago) gomme ka go realo re kgona
go lemoga gore go foka moya wa lethabo leo le
tšwago sellong.

12. MOLAETŠA
Se ke thuto yeo sereti se lekago go e tšweletša ka sereto sa gagwe.mo seretong sa SE
NKOMANYE sereti se tliša kgopolo ya molaetša wa kamano ya motho le motswadi wa gagwe
yeo e tšwago kgole kudu gammogo le lerato la bona.
MOŠOMO WA GAE
Bala sereto se ka šedi gomme o ngwale kakaretšo ya sona.