Improving Customer Engagement final strategic report

1. Мај 2016
TALLYLAND РЕШЕНИЕ ЗА ПОДОБРУВАЊЕ НА
ПОТРОШУВАЧКОТО ИСКУСТВО
- извештај -
Изработиле:
Стефани Ковачевска
Мирјана Стојчевска
Ангела Лазова
Маја Караристова
Содржина

2. Мај 2016
1. За тимот…………………………………………………………………………………..…...…3
2. Идентификуван проблем и првично истражување……………………………………….3
3. Решение…………………………………………………………………………………….…...4
4. Финансиски план…………………………………………………………………………..…...6
5. План за реализација……………………………………………………………………….…..6
1. За тимот

3. Мај 2016
Tимот Tallyland се состои од 4 креативни индивидуи, кои изминативе 4 недели ги вложија
својот труд, знаења и вештини со цел - наоѓање на вистинското решение на зададениот
проблем. Кои сме ние?
● Стефани Ковачевска, студент на ФИНКИ (УКИМ) - област: е-технологии
● Мирјана Стојчевска, студент на Економски факултет (УКИМ) - област: е-бизнис
● Ангела Лазова, студент на Факултетот за психологија (УКИМ)
● Маја Караристова, студент на UACS - област: финансии
2. Идентификуван проблем и првично истражување
Ние проблемот го лоциравме во недоволната поврзаност на потрошувачите со брендот,
кој заедно со недоволен (онлајн) маркетинг, доведува до слаба конкурентска предност.
За доаѓање до вистинската причина за лошо потрошувачко искуство и загуба на
потрошувачи, тимот направи примарно и секундарно истражување на оваа тема.
Примарното истражување беше спроведено преку:
1. Прашалник за добивање на општ впечаток за брендот од потрошувачката страна
Резултатите беа следни:
● 33% се делумно запознаени со брендот
● 16% воопшто не слушнале за брендот
● Услугата и стилот се највисоко рангирани (⅘)
● Најголем проблем се цената и лошиот маркетинг
*прашалникот е изведен на 90 испитаници на возраст од 15-25 години
2. Неформални интервјуа со 40 познаници, од кои 90% се изјаснија дека би го избрале
брендот пред останатите доколку се поистоветуваат со вредностите кои тој ги создава.
86% би се вклучиле во кампања на социјални мрежи за да добијат одредени поволности.
Беше направено и секундарно истражување, од кое ги добивме следните податоци:
● 24% од тинејџерите се изјаснуваат дека се постојано online.
● Анкета во Август во 2014 открила дека 73% од тинејџерите го користат интернетот
за социјалните мрежи, каде нивни активности се:
- споделување свои слики - 60%.
- споделување слики од пријатели или роднини - 53%.
- објавуваат видеа од самите нив или од активности кои често ги прават - 20%.
● Во 2015 година истражувано е колкав процент на тинејџери го активни го користат
социјалните мрежи. Резлутатите се следниве: 71% од тинејџерската популација
користат Facebook, 52% користат Instagram, а 41% користат Snapchat секојдневно.

4. Мај 2016
● Вклучување на самите потрошувачи во градење на слика за брендот резултира со
55% зголемена продажба, 50% повисoка продуктивност и 63% помалку загуби на
потрошувачи.
3. Решение
Нашето решение предлага активно вклучување на потрошувачите преку кампањи на
социјалните мрежи и подобрување на искуството во продажниот салон. Примарна цел е
создавање на вредност за потрошувачите самите да станат амбасадори на брендот. Таа
ќе ја оствариме ореку 3 клучни активности:
● Талиџер е 3 часовно уникатно искуство - можност за потрошувачот одблиску да се
запознае со активностите на менаџерскиот тим на Tally Weijl. На овој начин го
доближуваме потрошувачот до самиот бренд, му нудиме многу поразлично и
уникатно искуство. Во исто време, тоа е одлична можност за директно добивање
повратна информација од потрошувачите.
● Организирање на хуманитарна недела во текот на која, секој што сака да донира
облека за младите од социјално загрозените семејства, ќе може да го направи тоа
во продавницата на Tally Weijl.
● Лајк ефект е апликација преку која потрошувачите ќе можат да притиснат „ми се
допаѓа“ веднаш под парчето облека што е прикажано. Замислено е во
продавницата на еден столб да стои таблет на кој потрошувачите ќе можат да
оценат колку им се допаѓа секое прикажано парче облека/комбинација.
Направивме и онлајн прашалник за испитување на јавното мислење за нашите решенија,
од кои ги добивме следниве резултати:
● 63% би споделиле содржина на социјалните мрежи за да добијат одредена
поволност (подарок или попуст)
● 99% би донирале своја стара облека во хуманитарни цели
● 88% би сакале да бидат менаџер на бренд на еден ден
● 41% сметаат дека ваквите настани многу ги приближуваат до брендот (од кои 10%
се изјасниле дека на овој начин најмногу се приближуваат до брендот)
*прашалникот е изведен на 100 испитаници на возраст од 15-25 години
Исто така, го побаравме и мислењето на директните потрошувачи на Tally Weijl преку
нивно анкетирање во самиот продажен салон. Анкетирани беа 100 девојки на возраст од
14 - 26 години и тие го искажаа следново мислење за нашите предлог - решенија:

5. Мај 2016
● На прашањето „Дали би споделиле слика/статус/видео на социјалните мрежи
(Facebook, Instagram, Snapchat) за да добиете попуст или подарок?“, 63%
одговорија позитивно.
● На второто прашање „Дали би донирале стара облека за социјално загрозените
категории?“ 96% одговорија позитивно.
● На последното прашање „Дали би сакале да бидете менаџер на Tally на еден ден?
(Би постирале на социјални мрежи за да освоите ваква награда)?“ 71%
одговорија позитивно.
Графички приказ на резултатите од директното анкетирање:
Во текот на анкетирањето, го тестиравме и предлог - решението за лајк ефектот со
прототип апликација, преку поставување на таблет во продавницата и добивме реакции
од 18 луѓе во периодот од час и половина. При тоа, мора да се напомене со оглед на
постоечките услови, немавме можност да го поставиме таблетот на повпечатливо место.
4. Финансиски план

6. Мај 2016
(Во прилог со овој извештај ќе го добиете и целиот финансиски план во
оригиналниот документ)
5. План за реализија
Нашиот проект го започнуваме со кампања на социјалните мрежи: Facebook, Instagram
и Snapchat. Кампањите претставуваат основа за промовирање на настаните преку
дистрибуција на спонзорирани постови на таргетирана публика.
Кампањата за Талиџер опфаќа натпревар во најпопуларен пост на одредена тема, и тоа:
- “Што е за тебе totally sexy”?
- “Креирај го своето totally sexy парче облека”
Кампањата трае една година во текот на која се одржуваат 3 натпревари. Натпреварите
се одржуваат на растојание од 4 месеци, во периоди кои според нашето истражување беа
истакнати како најефективни, и тоа:
- Предновогодишен натпревар (Декември)
- Предматурска сезона (крај на Април, почеток на Мај)
- Почеток на учебната година (Септември)
На крајот од секој натпревар се одржува настан на кој се повикани првите 5 учесници со
најмногу гласови според лајковите на социјалните мрежи. Настанот се одржува во
продажниот салон. Сите 5 учесници добиваат ваучери со 20% попуст, а најдобриот кој е
одбран од менаџерскиот тим на Tally добива уникатна можност да биде Талиџер.
Хуманитарниот настан трае една недела и е предвиден за пред почетокот на учебната
година (25.08 - 30.08.2016), бидејќи тогаш има потреба од донација на облека, според
заводот за социјални дејности. Го реализираме со поставување на кутија за донации во
продажниот салон. Хуманите потрошувачи ги наградуваме со ваучери за попуст.

7. Мај 2016
Лајк ефект постигнуваме со поставување на таблет на видно место во продавницата, со
слики од веќе изложени модели кои се рангираат преку број на лајкови. Секој од
потрошувачите може го изгласа омиленото парче. Ова може да се реализира веднаш по
снабдувањето со потребните материјали.
Лицата кои го водат постоечкиот Facebook канал, исто така ќе треба да креираат и
менаџираат со официјални Instagram и Snapchat канали. Со цел кампањата на
социјалните мрежи да биде успешно изведена, предлагаме истите да посетат
специјализирана обука за квалитетно водење на социјалните мрежи.
За да ја процениме успешноста и резултатите од нашиот проект, по првите 5 месеци
планираме да ги спроведеме следниве метрики:
● Разлика во влезови во продавницата пред и по организираните настани
● Зголемена активност на потрошувачите на официјалните социјални мрежи на Tally
● Зголемување на конверзијата
● Спроведување на анкета при секое купување за начинот на кој потрошувачите се
информираат за брендот
● Број на потрошувачи кои го искористиле таблетот за рангирање на нивните
омилени парчиња
● Број на искористени ваучери