Beginners Guide to TikTok for Search - Rachel Pearson - We are Tilt __ Bright...
New microsoft office power point presentation
1. Հայաստանի դրոշ, Հայաստանի պետական
խորհրդանիշներից մեկը։ Այն սահմանված է Հայաստանի
Սահմանադրությամբ և դրոշի մասին օրենքով։ Կազմված
է կարմիր, կապույտ, ծիրանագույն գույներից (վերևից
ներքև)՝ հորիզոնական հավասարաչափ շերտերով, լայնքի
և երկայնքի 1։2 հարաբերակցությամբ[1][2]։ Այն չափերով և
գույներով Հայաստանի Առաջին Հանրապետության
(1918-1920 թվականներ) դրոշի կրկնությունն է[3]։
2. Դրոշը բաղկացած է երեք հավասար հորիզոնական
շերտերից՝ կարմիր (վերևում), կապույտ (կենտրոնում) և
նարնջագույն (ներքևում)։ Գույների նշանակության մասին
կան բազմաթիվ մեկնաբանություններ: ՀՀ դրոշի մասին ՀՀ
օրենքում ասվում է. «Կարմիր գույնը խորհրդանշում է
Հայկական բարձրավանդակը, հայ ժողովրդի մշտակա
ն պայքարը հարատևման, քրիստոնեական հավատքի,
Հայաստանի անկախության և ազատության համար:
Կապույտ գույնը խորհրդանշում է հայ ժողովրդի ապրելու
կամքը խաղաղ երկնքի ներքո: Նարնջագույնը
խորհրդանշում է հայ ժողովրդի արարչական տաղանդը և
աշխատասիրությունը»։
3. Հայաստանի զինանշան
Հայաստանի զինանշանի մասին օրենքն ընդունվել է Հայաստանի Գերագույն
Խորհրդի կողմից 1992 թվականի ապրիլի 19-ին: Հայաստանի պետական
զինանշանի կենտրոնական մասում՝ վահանի վրա, պատկերված են հայկական
չորս թագավորական տոհմերի՝ Արտաշեսյանների, Արշակունիների,
Բագրատունիների և Ռուբինյանների (Կիլիկյան թագավորություն)
զինանշանները։ Դրանք բոլորում են բիբլիական Արարատ լեռան պատկերը,
որի գագաթին ուրվագծվում է Նոյյան տապանը։
Վահանի երկու կողմից պատկերված են առյուծ և արծիվ, որոնք
խորհրդանշում են ոգու, իշխանության, աննկունության և արիության ուժը։
Ներքևում պատկերված սուրը խորհրդանշում է հայ ժողովրդի պայքարը
հանուն ազատության և անկախության, փետուրն ու հասկերը՝ հայ ժողովրդի
ստեղծարար տաղանդը և խաղաղասիրությունը:
4. Մեր հայրենիք», Հայաստանի
ազգային օրհներգը։
Ընդունվել է 1991 թվականի հուլիսի 1-ին և հիմնված է Առաջին
Հանրապետության օրհներգի վրա՝ տեքստի չնչին փոփոխություններով։ Հիմնի
տեքստը վերցված է Միքայել Նալբանդյանի «Իտալացի աղջկա երգը»
բանաստեղծությունից։ Այն առաջին անգամ հնչել է 1885 թվականի մարտի 15-
ին, որպես Թիֆլիսի «Արծրունի» թատրոնում կայացած հայ առաջին
քառաձայն համերգի առաջին երգը[1]։ Հետագայում այն մշակել է նաև Բարսեղ
Կանաչյանը։ Հայաստանի Հանրապետության օրհներգը Հայաստանի
Հանրապետության պետական խորհրդանիշներից է, հանդիսավոր
երաժշտական ստեղծագործություն է, որը կատարվում է սույն օրենքով
սահմանված կարգով վոկալ, գործիքային, նվագախմբային, երգչախմբային,
նվագախմբային-երգչախմբային տարբերակներով։ Տեքստի հեղինակը
Միքայել Նալբանդյանն է, երաժշտության հեղինակը՝ Բարսեղ Կանաչյանը[5]։
5. Օրհներգի բառերը ներկայումս
Մեր Հայրենիք, ազատ, անկախ,
Որ ապրել է դարեդար,
Իր որդիքը արդ կանչում է
Ազատ, անկախ Հայաստան:
Ահա եղբայր, քեզ մի դրոշ,
Զոր իմ ձեռքով գործեցի,
Գիշերները ես քուն չեղա,
Արտասուքով լվացի:
Նայիր նրան` երեք գույնով
Նվիրական մեկ նշան,
Թող փողփողի թշնամու դեմ,
Թող միշտ պանծա Հայաստան:
Ամենայն տեղ մահը մի է,
Մարդ մի անգամ պիտ մեռնի,
Բայց երանի, որ յուր ազգի
Ազատության կզոհվի[3]: