1. ACABOUSE “O PREGUNTÓN”
Crónica de Antonio González López.
Monfero, maio de 2012
Tras 10 semanas de pesquisas e obsesión por atopar as respostas das preguntas
do I Concurso “O Preguntón”, organizado pola Biblioteca Castelao, remataron as
preguntas.
Durante 10 semanas, unha morea de alumnos da ESO, separados en ___ grupos,
buscamos as respostas ás cuestión que se nos plantexaban no taboleiro da Biblioteca e
no blogue da mesma. Había preguntas algo difíciles… Pero case sempre as
superamos… O que é certo é que xa sabemos unhas cantas cousas máis. Co
“Preguntón” rimos, buscamos as respostas, tentamos “consultar” algunha vez ós nosos
compañeiros e compañeiras (que daban a “consulta” cara e limitada) e tamén lles
preguntamos ós nosos profesores e profesoras.
“O Preguntón” foi un concurso moi interesante e as puntuacións foron boas
(exceptuando a “H y A”, que destacaron a pesar dun erro cometido na derradeira
semana de concurso). As preguntas puxéronas profesores/as de varias materias e
departamentos, e cada semana na que se publicaban as novas preguntas, aparecían as
puntuacións e as respostas correctas da semana anterior. As preguntas foron moi
variadas e culturais, xa que agora sabemos algo máis (pois na “Wikipedia” viñan as 7
Maravillas do Mundo Antigo) e tivemos que darlle á cabeza cos xeroglíficos.
Os participantes ficamos contentos, parece que xa falta algo no recreo dos
venres, cando iamos “votar” (botar as follas das respostas na urna) ó pitar o timbre do
recreo, tras rematar de cubrir a folla. Esperamos que se volva celebrar outro Preguntón
o ano que vén, será o II Concurso O’Preguntón.