1. ENCONTRO RCES – 20 de MAIO de 2016
A iso das 8:45 da mañá chegábamos ao pavillón un pequeno grupo de rapaces e
rapazas con idea de pasalo do mellor xeito posible. Os máis despistados depositaban as súas
legumes na caixa que levábamos , a cal subiron ao bus dúas persoas con forza a hora de partir
rumbo a Ferrol.
O camiño non se nos fixo para nada longo, o contrario, debido a que levábamos moita
enerxía e moitas ganas de pasar unha boa xornada. Ao baixar do bus xa me agardaba a
primeira sorpresa do día, os amigos da radio Sergio e Lucía querían que eu fora o encargado de
realizarlle a entrevista ao conselleiro Xosé Manuel Rey Varela, ao chegar xa, ás 10.20!
E así foi, ao principio cun chisco de nervios pero ao final quedei bastante satisfeito polo
traballo realizado e ledo de coñecer a este gran home.
A continuación estaban case todos no salón de actos agardando ao meu entrevistado
para dar a benvida á xornada, de seguido tomou o mando César García Rincón. El sería o meu
seguinte entrevistado, pero antes diso fixo un monólogo espléndido sobre como e que sacar
partido da vida. A entrevista realiceina en compañía de Aldara, e non sei a ela, pero a min
César encantoume tanto a nivel persoal como profesional, unha persoa moi levadiza e coa que
pasaría horas e horas falando con el, xa que ten bo sentido do humor e sabeo utilizar que é o
máis importante.
Como ía narrando, de súpeto entrou o actor Rubén Ríos para presentar a película
“Vida” e os seus actores, en combinación púxonos un avance da propia, que polo que vin e
escoitei a xente quedou con bo sabor de boca e ganas de vela, igual ca min.
O seguinte que fixemos foi un descanso para estirar as pernas e comer algo que a mañá ía ser
longa, enlazando coa preparación do programa de radio cos compañeiros de Abrente, no cal
tanto Sergio como Lucía nos axudaron moito para execútalo da mellor maneira posible diante
de moita xente, alí estivemos antes de ir a comer, ensaiar e máis ensaiar pero ó final dou os
seus froitos tanta implicación. Tódolos participantes do voluntariado comemos xuntos, aquí
teño que ser crítico e dicir que a comida non era moi abundante, pero tamén felicito aos que
servían que puxeron moito interese por que todo saíra ben e así foi.
Por último tocounos executar o esperado programa de radio, moitos nervios e moita
impaciencia nos nosos rostros, chegara a hora, eran ás 17:15 e comezaba a entrar a xente para
vernos. Tocoume subirme ao escenario e encontrei a tranquilidade necesaria no meu
compañeiro Carlos que era o que me transmitía, tranquilidade e seguridade. Saíu todo a
perfección, o que máis me conmoveu foi o aplauso do público, xa que fomos aos que máis nos
aplaudiron, por algo será, jeje!
Por último fixeron unha fotografía a tódolos participantes, ao final creo que todos nos
quedamos con ganas de máis, pero tocou a hora de regresar á nosa terra, Monfero, alí
agardábannos os nosos pais cheos de preguntas e eu polo menos con moitas ganas de
contarlles esta experiencia magnífica e recordada!
BORJA MARTÍNEZ GARCÍA (2º ESO)