Saida teixeiro

1. Dentro das actividades previstas no Obradoiro de Prevención de Consumo de drogas
en adolescentes “DI KE NON” visitamos xunto co CPI de Courel o centro Penitenciario
de Teixeiro no módulo no que se atopa ubicada a UTE (Unidade Terapéutica
Educativa), encargada de traballar coas persoas privadas de liberdade e que queren
deixar o consumo de drogas. Primeiro entramos nunha celda por parellas e alí
permanecimos durante uns 10 minutos para ter unha lixeira idea do que se pode
chegar a sentir. Despois fixemos grupos de traballo por idades (1º e 2º de ESO, 3º e 4º
e os profes) profundizando na temática das drogas, razón que levan ao inicio,
consecuencias, etc. Finalizou a visita cunha actuación musical coa que nos
agasallaron os presos.
Subimos ao bus rumbo ás Termas para comer pola nosa conta e ao noso aire no
centro comercial antes de acudir á USC para escoitar á investigadora Mª Josefa
Lombardero, que traballa na Facultade de Enxeñería Forestal coa avispilla do
castiñeiro e que nos aportou unha chea de ideas para as nosas investigacións durante
o curso de cara á preparación do II Congreso Científico da Montaña.
E a pesar de tanta actividade conseguimos chegar puntuais e incluso antes de tempo
a Pedrafita. Mañá toca volver ás aulas.