1. A.F.C. Berros do Castro
Eirexado, s/n, Naraío ⏐15.576 San Sadurniño
https://www.facebook.com/berrosdocastro ⏐ berrosdocastro@gmail.com
Tfnos. 669 795 418 ⏐626 140 798
IV Xornadas de Cultura Popular Galega
Data: sábado 29 de setembro
Lugar: casa da Cultura do Concello de San Sadurniño
En outubro de 2009, a A.F.C. Berros do Castro organiza as “I XORNADAS DE CULTURA POPULAR GALEGA co
obxectivo principal de promocionar, dinamizar e por en valor a cultura popular galega.
Seguindo a estructura das anteriores edicións, as xornadas do 2012 divídense en 3 bloques culturais. O primeiro
bloque é de natureza expositiva, e nel se inclúe unha mostra de instrumentos antigos de percusión tradicional. O
segundo dos bloques ten carácter didáctico, ao incorporar un obradoiro sobre recursos interpretativos para
percusionistas de música tradicional galega. No terceiro dos bloques inclúense as actuacións dos afamados
músicos Xose Lois Romero e Suso Vaamonde, do grupo pontes “Os Feroces da Galgueira” e do grupo de
cantareiros “Maghúa” da Coruña.
A exposición de instrumentos...
Obxectivo: Por en valor e divulgar patrimonio musical galego, en relación aos instrumentos de percusión utilizados
polos nosos músicos populares.
Resumo: Exposición de instrumentos de percusión antigos, propiedade da AFC Berros do Castro e de
investigadores etnográficos galegos e artesáns de instrumentos tradicionais. Coa colaboración do obradoiro de Xosé
Tuñas.
O obradoiro musical...
Presentación: ás 10.00 h.
Contidos: de 10.30 a 13.30 h e de 16.00 a 19.00 h.
Título: Ideas novas para ritmos vellos: Introdución aos ritmos galegos
Obxectivo: Aportar ferramentas creativas para intérpretes de percusión tradicional a partir dos motivos rítmicos
básicos (muiñeira, xota, pasodobre, polca, rumba,...), así como recursos para combinalos e crear frases e figuras
máis complexas.
Cunha duración de 6 horas, o obradoiro está dirixido a todo tipo de instrumentos de percusión, dándose especial
atención á concertación de todos eles e a interpretación en grupo. O curso será eminentemente práctico e
traballarase con notación moi sinxela para percusión como complemento á interpretación, o que non esixe ningún
tipo de coñecemento teórico previo.
1

2. A.F.C. Berros do Castro
Eirexado, s/n, Naraío ⏐15.576 San Sadurniño
https://www.facebook.com/berrosdocastro ⏐ berrosdocastro@gmail.com
Tfnos. 669 795 418 ⏐626 140 798
O docente: Xosé Lois Romero
Percusionista, acordeonista e compositor de música popular galega, dende 1995 é membro do Grupo Tradicional da
Axencia Galega das Industrias Culturais. Ten formado parte dos cuartetos tradicionais Lelia Doura e Luvas Verdes,
formacións referenciais na música galega. Membro fundador da compañía Nova Galega de Danza no ano 1999.
Dende 2008 co-dirixe, xunto a Xesús Vaamonde, a colección didáctica "Pel e madeira", que publica periodicamente,
en formato libro-CD, repertorio popular arranxado para instrumentos tradicionais galegos. Na actualidade forma
parte do trío “Vaamonde, Lamas & Romero”, é mestre de percusión tradicional na escola de folclore Tradescola de
Lugo, e é membro fundador do Colectivo Galeoke.
Inscricións
Límite de prazas: 15 participantes.
Prezo do obradoiro: 12€ en concepto de reserva e material didáctico. O abono desta cantidade farase efectivo
mediante transferencia bancaria antes do 25 de setembro.
Banco Santander Central Hispano c/c: 0049 | 0085 | 18 | 2210950670
As persoas interesadas en participar deberán enviar o xustificante de transferencia bancaria, xunto cos seus datos
persoais (nome e apelidos, enderezo postal e teléfono mobil) ao seguinte enderezo de correo electrónico:
berrosdocastro@gmail.com
Os concertos...
Horario: a partir das 20.00 h. Abertos e gratuitos.
Suso Vaamonde & Xosé Lois Romero
Ao remate do curso terá lugar un concerto a cargo do
propio Xosé Lois Romero acompañado de Suso Vaamonde
no que exercerán da súa condición de multiinstrumentistas
interpretando diversos dúos a base dun instrumento
melódico (gaita, requinta, zanfona, acordeón, …) e outro
rítmico (tambor, pandeireta, tarrañolas, pandeira, …).
2

3. A.F.C. Berros do Castro
Eirexado, s/n, Naraío ⏐15.576 San Sadurniño
https://www.facebook.com/berrosdocastro ⏐ berrosdocastro@gmail.com
Tfnos. 669 795 418 ⏐626 140 798
Cantareiros “Maghúa”
“Maghúa” é un grupo de cantareiros/gaiteiros da Coruña, fundado no 2006 co obxectivo de recuperar e transmitir
parte da cultura musical galega que recuperan a partir dos seus propios traballos de campo.
Grupo “Os Feroces da Galgueira”
Grupo de música tradicional fundado por
músicos de As Pontes. Nesta cuarta edición
das xornadas, a AFC Berros do Castro inicia
unha aposta pola promoción de grupos de
música tradicional das comarcas de ferrolterra.
Como exemplo destes grupos, decidiuse
convidar a este quinteto pontés, que interpreta
música tradicional galega dun xeito
evolucionado. No seu repertorio incluen pezas
do repertorio tradicional galego arranxadas e,
ata certo punto, arriscando con estructuras
melódicas un pouco máis complexas do habitual. Na súa interpretación, os Feroces engádenlle un novo valor ás
melodias tradicionais, ou interpretan pezas que non están incluídas no repertorio gaiteiro máis habitual, pero que
formaban parte da nosa música popular. Os Feroces é un quinteto que pretende facer algo diferente dentro da
corrente estandarizada da música tradicional galega.
3

4. A.F.C. Berros do Castro
Eirexado, s/n, Naraío ⏐15.576 San Sadurniño
https://www.facebook.com/berrosdocastro ⏐ berrosdocastro@gmail.com
Tfnos. 669 795 418 ⏐626 140 798
IV XORNADA DE CULTURA POPULAR GALEGA
A percusión na tradición galega
San Sadurniño, sábado 29 de setembro de2012
Organiza
A.F.C. Berros do Castro
Eirexado, s/n, Naraío ⏐15.576 San Sadurniño
https://www.facebook.com/berrosdocastro ⏐ berrosdocastro@gmail.com
Tfnos. 669 795 418 ⏐626 140 798
Colabora
Concello de San Sadurniño
Deputación da Coruña
Cooperativa de Meirás
Os Feroces da Galgueira
Obradoiro de percusión de Xosé Tuñas
Xunta de Galicia
4