2. Այս ախտաբանությանն են վերագրում
այն հիվանդությունները, որոնք
արտահայտվում են մարսողական
օրգանների շարժողական ֆունկցիայի և
տոնուսի խանգարումներովֈ
Դիսկինեզիայի պատճառները տարբեր
են և որոշ չափով կապված են
երեխաների տարիքի հետ։
3. Դիսկինեզիայի առաջացումը մեծ
մասամբ պայմանավորված է
մարսողական համակարգի
նյարդամկանային կառուցվածքի և
կարգավորող մեխանիզմների
անհասունությամբֈ Շարժման
խանգարումները (պերիստալտիկա)
սովորաբար ծագում են այն
օրգաններում, որոնք ունեն հարթ
մկաններ՝ որկոր, ստամոքս, լեղուղիներ,
աղիքներֈ
4. ՍՏԱՄՈՔՍԱՄՈՒՒՈՔԻ ՍԵՂՄԱԿԻ
ԱՆԲԱՎԱՐԱՈՈՒԹՅՈՒՆ
Համախտանիշ է, որը ծագում է
ստամոքսամուտքի սեղմակի (սֆինկտեր)
լրիվ փակման ֆիզիոլոգիական
պրոցեսների խանգարման հետևանքով և
բնորոշվում է որկորում ստամոքսի
պարունակության հայտնման ախտանիշովֈ
Նորածնային շրջանում ստամոքսամուտքի
անբավարարությունը կապված է
նյարդամկանային ապարատի
անհասունության հետֈ
5. Բարձր տարիքի երեխաների մոտ այն
հաճախ զարգանում է գաստրիտների,
գաստրոդուոդենիտների, խոցային
հիվանդության ժամանակֈ
Ստամոքսամուտքի անբավարարություն
կարող է նկատվել նաև ստոծանու
որկորային ճողվածքների, վիրահատման
միջամտություններից ստամոքսամուտքի
սեղմակի վնասումների դեպքում, ինչպես
նաև այն հիվանդությունների ժամանակ,
որոնք ներորովայնային ճնշման
բարձրացումով են ուղեկցվում (ուռուցքներ,
ջրգողություն)։
6. Ռենտգենաբանական հետազոտությամբ
(պառկած դիրքում ներորովայնային
ճնշումը բարձրացնող միջոցների
օգտագործումով՝ վերորովայնային
շրջանի գերլարում, սեղմում)
հայտնաբերվում է ստամոքսի
պարունակության հետհոսք դեպի որկորֈ
Էնդոսկոպիայի ժամանակ նկատվում է
ստամոքսամուտքի անբավարարություն,
հաճախ ուղեկցող էզոֆագիտֈ
7. ԲՈՒԺՈՒՄԸ
Անհրաժեշտ է խուսափել այն դիրքից, որի
դեպքում ստամոքսաորկորային հետհոսք
(ռեֆլյուքս) է առաջանումֈ Վաղ տարիքի
երեխաներին պետք է կերակրել ուղղահայաց
դիրքումֈ Կերակրելուց հետո էլ այդ նույն
դիրքում պետք է պահել ևս մի քանի րոպեֈ
Նշանակվում են B խմբի վիտամիններ,
ամինազին, ցեռուկալֈ Բարձր տարիքի
երեխաների մոտ, երբ տվյալ ախտաբանական
վիճակը երկրորդային է, առաջին հերթին
պետք է բուժել հիմնական հիվանդությունըֈ