Human Resources Strategy - Interview with Teodor Aleksov, Trainer and Consultant at Triple S Group

1. (Објавено на 27.05.2012 во прилогот - Управување со човечки ресурси)
Интервју со Теодор Алексов, Консултант и тренер во Triple S
Group
П: Колку им се придава значење на човечките ресурси во нашите
компании? Што покажува вашето искуство, како тие ги регрутираат
кадрите?
Доколку како критериум се имаат во предвид современите стандарди за оптимално
управување на човечките ресурси, може да се констатира дека изминатиов период
македонските компании го третираа овој аспект без некоја посебна стратегија - тоа
го правеле спонтано, а во одредени случаи и стихијно.
Секако, има компании кои применувале одредени ХР процедури при регрутирање на
кадри за конкретни работни позиции или за менаџирање на тековните вработени, но
таквите компании се повеќе исклучок.
Во поново време, под притисокот на пазарните варијабли и потребата за
оптимизирање на своите бизнис процеси, македонските компании сѐ поинтензивно
во фокусот го ставаат управувањето на човечките ресурси.
Согласно нашето искуство, компаниите се повеќе се свесни за ефектот на погрешен
избор на кадар. Потребата тој проблем да се минимизира, сѐ повеќе компаниите ги
насочува на употреба на ХР процедури при регрутација и селекција на кадри. Токму
во овој домен, нашиот бизнис подсистем Triple S Recruitment, кој е дел од Triple S
Group, овозможува поддршка и примена на современи ХР процедури и стандарди
како при регрутација, така и во подоцнежните фази на унапредување и развој на
човечкиот капитал.
Компаниите сѐ полесно се одлучуваат за формални регрутации. Тие сѐ повеќе
бараат интервјуирања на потенцијални вработени, нивно тестирање и секако помош
при одлука за финален кандидат кој се вработува.
П: Дали при бирањето кадри за важни раководни места повеќе се
потпираат на надворешни кандидати или предност им се дава на
внатрешни? Што е пресудно при изборот?
За избор на кадар за стратешки работни позиции се применуваат и двата пристапа -
регрутација или унапредување на интерно вработени и регрутација на надворешни
кандидати. Значаен удел има праксата да се унапредат тековни вработени или
поточно да им се додадат работни задачи и обврски во нивиот опис на работното
место - а тоа се обично задачи на повисоката работна фукција. На прва, ова е
можеби и поевтина опција за една компанија, но ограничувањата при изборот на
1

2. интерно вработен ја прави сѐ поактуелна втората опција - да се регрутира кадар за
стратешка позиција од надворешни ресурси.
За изборот пресуден е потенцијалот што го имаат интерните ресурси во однос на
надворешните и секако расположливоста на надворешните кадри, како и
капацитетот да се финансира нивен ангажман.
П: Како да се мотивираат вработените за да го ослободат целиот креативен
потенцијал? Дали според вас само парите се доволни?
На ценовно осетлив пазар, притисокот на потребата од пари, и кај двете страни -
компаниите и вработените, го прави финансискиот аспект на мотивацијата критичен.
Но, не смее да се заборави дека сите ние сме повеќедимензионални суштества и
освен парите, успешното ангажирање побарува соодветно да се менаџираат
останатите аспекти на човечките ресурси. Тука пред сѐ мислам на менаџирање на
перцепцијата на вработените, нивните емоции, чувството на придонес кон
реализирање на целите на компанијата како и себереализацијата на вработените на
работното место. Ова, сепак е во доменот на онаа “мека реалност“ на компанијата за
што е потребна вештина и умешност од страна на ХР секторите.
П: Дали македонските компании му придаваат доволно значење на
управувањето со човечките ресурси?
Сѐ повеќе управувањето на човечките ресурси добива на значење, но потребно е
дополнително фокусирање и грижа за оваа стратешка димензија во работењето на
компанијата. Ова е врзано и со индивидуалната перцепција на компаниите, но и со
самата еволуција на македонскиот пазар.
П: Која е основната задача на ХР менаџерот во рамките на една компанија?
Основната задача на ХР менаџерот е да обезбеди човечкиот капитал во компанијата
да е на нивото на поставените бизнис цели. Односно, негова главна задача е да
обезбеди и осигура соодветност на вработените за да можат да се остварат
зацртаните цели.
П: Каква е важноста на управувањето со човечките ресурси за поголема
ефикасноста на една компанија?
Откако ќе се инвестира во основни средства за работа, откако ќе се осмисли
производот или услугата што компанијата ќе ја понуди на пазарот, откако ќе се
активираат сите средства на компанијата и ќе се излезе на “терен“, при потфрлање
во остварувањето на бизнис планот често команиите проблемот го лоцираат во три
аспекта:
 производот или услугата
 пазарната констелација - трендовите и условите што владеат на пазарот и
 вештините и способностите на работната сила
Покрај објективните и системските фактори кои компанијата не може директно да ги
2

3. контролира, аспектот на вработените може да го контролира и затоа се повеќе
компаниите му придаваат значење на управувањето на човечките ресурси. Со
правилна регрутација спречуваме идни проблеми на несоодветен кадар, а со
понатамошно унапредување на вештините на интерните вработени преку обука и
доедукација, се обезбедува потребна перформанса на работната сила. Токму во овој
домен е и функционирањето на другиот бизнис подсистем на Triple S Group - Triple S
Learning.
П: Колку е важно лидерството за управување на компаниите?
Очигледни се примерите на светски моќните компании. На оваа тема, сите
ексклузивни спикери што сме ги донеле во регионов, во рамки на елитните бизнис
конференции кој ги прави Triple S Speakers, имаат иста перцепција. За нас е
навистина важна констатацијата дека лидерството е оној фактор кој ја транзитира
компанијата особено во отежнати услови на работење. Тука посебно се нагласуваа и
потребата од континуирано иновирање.
П: Колку македонските менаџери ги следат светските бизнис токови од
аспект на постојано усовршување и образование? Може ли тие да се мерат
со странските менаџери?
Мојот впечаток е дека македонските менаџери имаат капацитет и да стекнат
софистицирано знаење и да се мерат со странските менаџери. Сепак, ова е
индивидуално за секој од нив, колку ќе посегнат по тоа. Не е масовна пракса, но има
бројни примери на македонски менаџери кои успешно менаџираат во странство - или
во рамки на компанијата во нејзини претставништва или централи во странство или
во странска компанија како таква.
П: Дали македонските компании доволно инвестираат во своите
вработени? Кои услуги најмногу ги бараат македонските компании од вас?
Има компании, а тоа најчесто се оние поголемите, кои спроведуваат ХР процедури,
но генерално во Македонија треба да се зголеми нивото на стратешко инвестирање
во човечките ресурси. Задоволен сум што услугите на Triple S Recruitment ги бараат и
мали и големи компании. Тие се одлучуваат за помош при регрутација и селекција
на кадрите од наши бази или преку огласување, а се почесто како дел од процесот
се спроведуваат и тестови - тестови за технички познавања, како и психолошки
тестови (DISC профилации). Тестирањето помага да се симулира реалноста за тоа
каков е кандидатот, кои се неговите карактеристики и како би било да се работи со
него. Сѐ поактуално е тоа што нашите клиенти бараат услуги за headhunting.
За тековни вработени на располагање се процедурите на анализата 360° фидбек,
задоволство на вработените, прашалници за инволвираност на вработените.
Она што тековно се случува во Triple S Recruitment, е третото истражување за
Најдобар работодавач во Македонија. Истражувањето овозможува увид за
објективната слика за задоволството на вработените од секојдневните работни
задачи, односно каква е перцепцијата на вработените, што на нив им е важно во
секојдневното работење, колку вработените се задоволни со различни аспекти во
3

4. работењето, какво е работното опкружување, работната средина и климата во
организацијата, односно како вработените ја доживуваат организацијата, каква е
комуникацијата и меѓучовечките односи во рамки на организацијата, односно
комуникацијата со колегите, подредените и претпоставените.
Дополнително, ова истажување ни овозможува следење на состојбата за ХР
аспектите, генерално во Македонија.
Теодор Алексов
Консултант и тренер во Triple S Group
4