Es un libro que inculca valores y crea conciencia entre el hombre y la naturaleza.

1. ÑUTILU, TATA NUNI.

2. Ñutilu, ku ñayɨu tataneñuyɨ xande’as
nanañu’uro, ndute, tachi, kɨtɨ te nantu’u
yuku.

3. Ñatu ke’e kuia nanta’karo nantu’u nɨjɨ
yuku, nde nɨjɨ luchi nde nɨjɨ ka’nu, kua xa
tekus naxa kuiniro.

4. Dova’anga nɨjɨ ka’as xa kuinikas ñu’u, inkas
kuinikas ndute, inkas kuinis tachi te xanyes
xa ka’a nuni, Ñutilu xias’as.

5. − ¡Ru’u ñatu naxi kuinin chi ñayɨu, kandekas te xa
tasva’an! ¡Ñaa’aa! Ka’as nuni. − ¡Ñayɨus ña kuini va’a!
ka’as nuni tnu. − ¡Kane nde ɨja, kane ngandí te kane
xe’e!. Xia’as nuni kui. − ¡Dichi luchi kadadikɨs te ña
tasva’a!. Xia’a nuni kue.

6. −¡Ñayɨu xandes nda’aro kua taxi xa kaxi kɨtɨ!, xia’a
nuni kua. − ¡Te taxi yuchi cho’o xa kaxiro!, nganani
nuni kuixi. − ¡Te nankuchis xi’i ndute ia! Unini
nganani nantu’u nuni.

7. Xɨja teku Ñutilu, te nxɨteni ndute nde nuchinú, te
xia’as. − ¡Ñayɨu ña kidas xa ka’as, ko taxiro ɨnka tnu’u,
chi io kue’e dichi luchi, chilidá, chun, kolo xa kaxaxis,
ko kidani vete yu’u, ɨ te ɨ xa vaxi ve’er te maki’inka
ñayɨu!. − ¡jooonnnn, io va’ani! Nganani nuni.

8. Te xa kuvete nuni, ndataka kollo xia’as xa kandekas te
ndatakas nantu’u: du’nu, idi, nda’a, xe’e, te kidani
nantu’u bilika yɨka, lelu, da’ma, ita, yolin, xa xidoña’a
dani ɨnkas.