1. Tuhan Yesus mengajar murid-muridnya untuk tidak menghakimi orang lain dan memperlakukan orang lain seperti yang mereka inginkan bagi diri sendiri.

1. Tuhan Yesus Ajar Katong Dolo 1
Untuk Kalangan Sendiri
BBaaggiiaann--bbaaggiiaann ddaarrii IInnjjiill LLuukkaass
--UUnnttuukk KKaallaannggaann SSeennddiirrii ––
OOlleehh:: WWiillhhaamm GG.. LLoouuhheennaappeessssyy
((TTaahhuunn 22000088 –– 22001144))
KRITIK DAN SARAN (Kritik deng Nasehat)
SMS ke 08158912807
-- UUNNTTUUKK KKAALLAANNGGAANN SSEENNDDIIRRII ––
-- PPaarr BBaallaajjaarr BBaahhaassaa MMeellaayyuu AAmmbboonn SSaassaajjaa ––

2. Tuhan Yesus Ajar Katong Dolo 2
Untuk Kalangan Sendiri
CCCAATTAATTAANN TTEENNTTAANNGG TTEEKKSS DDAANN AAKKSSAARRAA MMEELLAAYYUU AAMMBBOONN
Pada dasarnya kami mempergunakan referensi sebuah buku panduan kecil
karya: Bolton, Riupassa dan Tjia, yang berjudul “PEDOMAN MEMBACA &
MENULIS BAHASA AMBON [EDISI PERCOBAAN]”, TERBIT: MEI 2005. Buku
tsb. juga mengacu pada karya Don van Minde (1997) dari Leiden University.
Namun setelah mengikuti “Seminar mengenai Bahasa dan Budaya Maluku” di
bulan Agustus 2006, Agustus 2007, dan Oktober 2007, serta setelah
mengevaluasi ulang semua refrensi terlampir, maka:
kami batasi penggunaan kata “KAMORANG” atau “KAMONG”, dan
menggantikannya dengan pemakaian kata yang lebih sering dan ‘netral’
penggunaannya, ialah kata “ALE DONG”
kami memilih kamus karya D. Takaria dan C. Pieter: KAMUS BAHASA
MELAYU AMBON – INDONESIA, sebagai pedoman refrensi kata-kata
kami. Dalam kamus ini juga tidak terdapat kata “KAMORANG atau
KAMONG”. Diterbitkan oleh Pusat Pembinaan dan Pengembangan
Bahasa, Proyek Pembinaan Bahasa dan Sastra Indonesia, Dep.
Pendidikan dan Kebudayaan RI. Jakarta 1998. 138 halaman
kami menyarankan agar kata “la” yang berarti “lalu”, dapat ditulis
dengan huruf miring “la” agar membedakannya dengan kata “IA” jika
pembaca yang mengerti bahasa Indonesia membacanya (bentuk fisik
hurufnya bisa terjadi “ambigu / satu kata dua arti”. Dalam hal ini ‘ia’
artinya dalam bahasa Indonesia: ‘dia’)
kami menyarankan agar penulisan kata “kas” dengan lengkap, menjadi
“kasi”. Contoh “kasi tunju, kasi liat, kasi lapas” dsb.
kami telah mendengar saran dan wejangan dari penduduk-penduduk
lokal, yang sudah kami kenal lama maupun yang baru kami kenal, di
kota Ambon, Pulau Saparua, dan Pulau Seram (mantan pengungsi-
pengungsi asal Klasis Telutih dan sekitarnya serta orang-orang
“saudara” asal suku Seti di Seram Utara, maupun yang bukan suku
Seti).
Kami tidak memasalahkan penggunaan beberapa kata pinjaman dari
Bahasa Indonesia yang sudah menyatu dengan bahasa Melayu Ambon.
Contohnya kata: “Beruntung” menjadi “Baruntung”. Demikian juga kata-
kata seperti “keselamatan” dan “Juruselamat”.
Disamping refrensi/bahan-bahan dari Alkitab TB dan TL serta KJV dan
NIV, untuk metode terjemahan kami juga mempertimbangkan “Teori
Relevansi” dari T. Farrell dan R. Hoyle. Yang diterangkan dalam:
Jurnal “NOTES ON TRANSLATION” Volume. 9 No. 1 dengan artikel yang
berjudul “TRANSLATING IMPLICIT INFORMATION IN THE LIGHT OF
SAUSSUREAN, RELEVANCE AND COGNITIVE THEORIES”

3. Tuhan Yesus Ajar Katong Dolo 3
Untuk Kalangan Sendiri
PPAASS TTUUHHAANN YYEESSUUSS AADDAA KKAASSII AAJJAARR,,
AANNTTUUAA PPUUNNGG KKAATTAA--KKAATTAA PPOONNOO DDEENNGG KKUUAASSAA
((HHIIKKMMAATT))
Referensi: Injil Lukas Pasal 4 ayat 31-37
atu kali bagini e, Tuhan Yesus pi turung ka Kapernaum, itu
nama satu kampong dekat danau Galilea. Antua ajar
orang-orang kampong tu di ruma-ibada bangsa Yahudi
sabang hari sombayang. La orang-orang kampong tu
taherang-herang dengar Antua pung ajarang, barang Antua
pung kata-kata pono kuasa.
Tarus di dalang ruma ibada tu datang saorang yang ada dapa
masu roh pangkotor dari setang. Orang tu bataria karás-karás
paskali, bilang par Tuhan Yesus, ”Hebat, Ale mo apa deng
katong? Hei Yesus, ale dari Nazareth kapa? Ale mo datang kasi
ancor katong ka? Beta jua tau Ale tu sapa: Yang Maha Kudus
dari Tuhan jua. Yang su ada akang pung nubuat par datang ka
dunia!
Mar Tuhan Yesus mara par akang setang tu, Tuhan Yesus bilang,
“Tutu ose pung mulu tu! Kaluar dari dia!”
Deng capat, akang setang tu angka banting orang tadi ka lante,
di tenga-tenga orang-orang kampong itu. Orang tadi tabanting,
mar pas setang itu su kaluar dari dia, dia seng dapa luka apapa.
Orang-orang kampong jadi manganga taherang-herang tagal
samua itu, lalu bastori satu deng laeng, dong bilang, “Ini hotbah
macang apa sampe deng kuasa, deng wibawa, Antua bisa user
roh-roh pangkotor tu kaluar lari dari orang itu?”
Lalu carita bagemana Tuhan Yesus su user setang tu, dapa
dengar di samua negeri dekat kampong itu.
S

4. Tuhan Yesus Ajar Katong Dolo 4
Untuk Kalangan Sendiri
TTUUHHAANN YYEESSUUSS KKAASSII TTAAUU PPAARR AANNTTUUAA PPUUNNGG MMUURRIIDD--
MMUURRIIDD BBAAGGEEMMAANNAA HHAATTII BBIISSAA SSAANNAANNGG BBAATTUULL--BBAATTUULL
Referensi: Injil Lukas Pasal 6 ayat 20-26
[Hotbah di Gunong]
atu hari bagini, Tuhan Yesus kasi tau par Antua pung
murid-murid deng orang-orang yang ada iko dong.
Tuhan Yesus bilang, “Berbahagia par ale dong orang
miskin, barang ale dong nanti baku dapa Tuhan Allah di ale
dong pung hati. Tuhan Allah ada tinggal di dalang ale dong
pung hati.
Baruntung+
par ale dong orang yang sakarang ada lapar,
barang Tuhan Allah yang nanti biking ale dong kanyang.
Baruntung par ale dong orang yang ada manangis deng
yang pung hati susa, barang nanti ale dong pung hati tatawa
sanang.
Baruntung ale dong yang dapa binci dari orang-orang tagal
ale dong iko Beta, Ana Manusia. Orang-orang itu kasi pisa
ale dong, la siksa ale dong deng pi bastori bilang kalo ale
dong itu kajahatang. Dolo-dolo orang-orang macang bagitu
tu, yang siksa deng yang seng suka nabi-nabi dari Tuhan
Allah.
+
Baruntung (pinjaman dari bahasa Indonesia:”beruntung”) = Hibur hati ka biking sanáng hati sa.
S

5. Tuhan Yesus Ajar Katong Dolo 5
Untuk Kalangan Sendiri
Jadi, kalo ale dong dapa siksa
ka dapa susa macang bagitu,
berbahagia sa, angka puji
syukur par Tuhan, tagal Tuhan
nanti balas ale dong deng hadia
banya-banya di Sorga.
Mar cilaka par ale dong orang
kaya, tagal ale dong su talalu
hidop sanang sa!
Cilaka par ale dong orang yang
su kanyang skarang, barang
nanti ale dong kalaparang.
Cilaka par ale dong yang tukang tatawa skarang, barang
nanti ale dong manangis sasaja sampe tahek-hek.
Cilaka par ale dong yang dapa makang puji. Ini parsis
macang ale dong pung nabi-nabi parlente dolo yang su
dapa makang puji dari ale dong pung tete-nene-moyang.”

6. Tuhan Yesus Ajar Katong Dolo 6
Untuk Kalangan Sendiri
TTUUHHAANN YYEESSUUSS AAJJAARR AANNTTUUAA PPUUNNGG MMUURRIIDD--MMUURRIIDD
SSEENNGG BBOOLLEE CCAAPP OORRAANNGG SSAABBAARRAANNGG
Referensi: Injil Lukas Pasal 6 ayat 37, 38, 41 dan 42
eng bole cap orang sabarang, biar nanti ale dong
laiseng dapa cap sabarang. Seng bole kutok orang,
biar sabantar ale dong lai seng dapa kutok. Kasi
ampong orang jua, biar nanti ale dong dapa ampong dari
Tuhan Allah. Kalo ale dong kasi par orang apa yang dong
parlu, nanti ale dong tarima balas dari Tuhan Allah. Nanti ale
dong dapa parsen hadia banya paskali.
Sama deng kacang banya-banya dalang blek ukur, dong
koco akang, tindis kasi padat sampe akang karás. Barang
blek ukur yang ale dong pake par ukur orang laeng, Tuhan
Allah nanti pake akang par ukur ale dong.
Kanapa ale manganga sasaja par kayu kacuping di ale pung
sodara pung mata? La balok kayu basár di ale pung mata
sandiri sa, ale seng nodek.
Lalu bagemana ale bisa bilang par ale pung sodara tu,
‘Tamang! Mari beta lap abu tu dari ale pung biji mata dolo,’
padahal ada balok basár di ale pung biji mata?
Oe! Dasar ale tu orang muka-b’lakang+
! Angka lempar balok
basár tu dari ale pung muka, baru ale bisa kasi lapas ale
pung sodara pung kayu kacupeng tu.”
+
muka-b’lakang = munafik
S

7. Tuhan Yesus Ajar Katong Dolo 7
Untuk Kalangan Sendiri
TTUUHHAANN YYEESSUUSS AAJJAARR SSOOAALL FFIIRRMMAANN AALLLLAAHH
Referensi: Injil Lukas Pasal 8 ayat 4 s/d 8
rang banya dari kampong-kampong su datang
bakumpul. Tuhan Yesus ni suka bacarita par dong,
pake perumpamaan. Ini kali Tuhan Yesus carita
bagini:
“Ada saorang petani pigi ka dia pung kabong par ambor
biji-biji (bibit tanaman) ka dia pung kabong. Biji-biji tu
saparo jatu di jalang, batul orang bajalang di situ, dong inja-
inja akang. Lalu burung-burung datang tetu akang biking
abis. Biji-biji laeng saparo jatu di tana babatu. Pas akang
pung tunas kaluar, akang layu tagal seng ada aer. Tarus ada
biji-biji laeng lai yang jatu pas di tenga-tenga rumpu baduri.
Akang tumbu nai sama-sama, mar rumpu-rumpu duri gepe
akang sampe mati. Ada lai biji-biji yang jatu di tana isi yang
subur. Dong tumbu nai bae-bae sampe basár, deng babua
sampe saratus kali banya. Abis bastori perumpamaan itu,
Tuhan Yesus bilang, “Ingatang! Talinga tu su dengar! Pikir
akang pung arti bae-bae.”
Petani = orang yang karja di kabong ka orang yang pung kabong
(Pinjaman Bahasa Indonesia).
O

8. Tuhan Yesus Ajar Katong Dolo 8
Untuk Kalangan Sendiri
TTUUHHAANN YYEESSUUSS KKAASSII TTAAUU AARRTTII DDAARRII
PPEERRUUMMPPAAMMAAAANN SSOOAALL FFIIRRMMAANN AALLLLAAHH
Referensi: Injil Lukas Pasal 8 ayat 11 s/d 15
uhan Yesus bilang, “Perumpamaan tadi tu pung arti
bagini: Biji-biji tu sama deng Firman Allah. Biji-biji
yang jatu di jalang tu macang orang-orang yang
dengar Firman Allah, mar setang pung bos rampas akang
kaluar dari orang-orang tu pung hati.
Tagal itu dong jadi seng parcaya deng Firman Allah.
Ahirnya dong seng bisa dapa salamat lai.
Tarus, biji-biji yang jatu di tana babatu tu, akang
macang orang yang dengar Firman Allah deng hati sanang
paskali, mar Firman seng tatanang bae-bae dalang hati,
macang tanamang yang seng pung akar.
T

9. Tuhan Yesus Ajar Katong Dolo 9
Untuk Kalangan Sendiri
Mulai dong parcaya, mar kalo susa su datang, dong pi
kasi tinggal akang Firman tu (seng paracaya Allah lai).
Biji-biji yang jatu di tampa baduri tu, macang orang yang
dengar deng tarima Firman Tuhan, mar seng lama bagini
dong buang akang. Ini tagal dong labe maniso deng dong
pung urusang sandiri-sandiri sa. Maniso urus dong pung
harta duniawi par hidop pono deng bapesta. Itu samua su
gepe dong sampe seng barguna par Tuhan.
Biji-biji yang jatu di tana isi yang subur tu, macang orang-
orang yang dengar-dengaran par Tuhan, deng paleng bae
suda. Pas dorang dengar Firman Tuhan, dong simpang
akang bae-bae di dalang hati, la tagal itu dong bisa parcaya
Tuhan tarus-tarus, deng biking banya hal-hal bae yang
barguna.
TTUUHHAANN YYEESSUUSS AAJJAARR::
OORRAANNGG MMUUSSTTII IIKKOO JJAALLAANNGG TTUUHHAANN
Referensi: Injil Lukas Pasal 9 ayat 23 s/d 26
apa-sapa sa yang mau iko Beta, dia seng bole iko dia
pung mau sandiri, la dia musti iko Beta tarus sagala
hari. Biar ada orang yang mau bunu dia lai, dia musti
iko Beta tarus. Ini macang orang satu yang ada pikol salib,
pigi ka orang itu pung tampa mati.
Sapa-sapa sa yang mau mati tagal iko Beta, nanti dia dapa
hidop kekal deng Tuhan. Mar, sapa yang cuma mau pikir
S

10. Tuhan Yesus Ajar Katong Dolo 10
Untuk Kalangan Sendiri
hidop sandiri sa, nanti dia ta-ilang, seng dapa hidop kekal
deng Tuhan.
Katong dapa untung apa la, kalo sa’antero dunia ni
katong pegang mar katong sandiri ta-ilang? Sapa yang malu
tagal Beta pung nama, ka malu tagal Beta pung Firman,
nanti Beta lai malu par kanal orang-orang macang bagitu.
Itu nanti pas Beta, Ana Manusia datang kali ka dua (ka dunia
ini) pono deng kemuliaan, deng Bapa pung kuasa yang
hebat, deng malaekat-malaekat yang kudus.
TTUUHHAANN YYEESSUUSS AAJJAARR::
OORRAANNGG MMUUSSTTII HHIIDDOOPP BBAAKKUU SSAAYYAANNGG DDEENNGG SSAAMMUUAA
OORRAANNGG,, SSEENNGG BBOOLLEE PPIILLII--PPIILLII
((OORRAANNGG SSAAMMAARRIIAA YYAANNGG BBAAEE HHAATTII))
Referensi: Injil Lukas Pasal 10 ayat 25 - 37
alu ada satu jaksa (ahli-hukum) badiri par aju-aju?
Tuhan Yesus. Antua bilang bagini, “Bapa Guru e, beta
musti biking apa biar dapa hidop kekal?”
Tuhan Yesus manyau par dia bagini, “Ada tulis bagemana di
Hukum Taurat? La ale tafsir akang bagemana?”
Om jaksa tu manyau bagini, “Ale musti sayang ale pung
Tuhan Allah sa’antero ale pung hati, sa’antero ale pung jiwa,
saantero ale pung kuat, deng sa’antero ale pung pikirang.
Deng ale musti sayang ale pung orang-sabala-ruma deng
L

11. Tuhan Yesus Ajar Katong Dolo 11
Untuk Kalangan Sendiri
orang-orang laeng*
lai macang ale sayang ale su sandiri.”
Tuhan Yesus manyau lai par om itu, “Batul, ale su bilang
batul e! Biking macang bagitu lai nanti ale dapa hidop
kekal.” Mar om jaksa tu mau pung mau sandiri, antua
batanya lai par Tuhan Yesus, “Lalu sapa la beta pung orang-
sabala-ruma deng orang-orang laeng tu?” Tuhan Yesus
manyau pake satu perumpamaan, Antua carita, “Ada satu
om bajalang dari kota Yerusalem pi turung ka kota Yerikho.
Takajo bagini, orang-orang jahat serang om itu di tenga
jalang. Dong kasi talanjang om itu lalu dong lari kasi tinggal
om talunjur di tenga jalang. Om itu jadi s’tenga-tuli barang
antua baru abis dapa pukol.
Seng lama bagini, deng seng sangka-sangka+
ada saorang
bapa-pandita lewat di akang jalang tu. Bapa-pandita lia om
itu la antua pinda ka pinggir jalang pura-pura seng lia
(antua seng nodek). Bagitu lai, ada saorang dari suku-Lewi
*
Akang pung Bahasa Indonesia = “sesamamu manusia”
+
deng seng sangka-sangka akang pung bahasa Indonesia = kebetulan

12. Tuhan Yesus Ajar Katong Dolo 12
Untuk Kalangan Sendiri
bajalang lewat situ. Antua lai pinda ka pinggir jalang pura-
pura seng lia.
Ahirnya ada saorang Samaria yang mau pi urusan antua
pung karja lewat tampa om tadi talunjur. Takajo lia om itu,
orang Samaria tu pung hati rasa kasiang paskali. Lalu antua
datang dekat-dekat par tolong om itu. Dia tuang anggor,
kasi barsi om pung luka, dia baruba akang deng minya
zaitun, la farban luka tu bae-bae. Dia angka om itu ka atas
dia pung keledei, la bawa om itu sampe ka losmen satu
deng rawat om itu bae-bae. Akang pung eso, orang Samaria
tu pi kasi panjar kepeng dua rupia par bapa yang pung
losmen itu, deng kasi tau bagini, ‘Bu, pake kepeng ini par
urus bae-bae orang saki ini sampe antua bae kombali. Kalo
seng cukup, tolong pake bu pung kepeng dolo. Nanti pas
beta bale, beta bayar ganti bu pung uang samua e.’
Tuhan Yesus pung perumpamaan abis sampe di situ sa.
Lalu Tuhan Yesus tanya par om Jaksa tadi, “Coba ale bilang
par beta, sapa dari dong tiga, di carita tadi, yang batul-batul
jadi ‘orang-sabala-ruma deng orang-orang laeng’
(sesamamu) par om yang dapa rampok tadi?” Om Jaksa tu
manyau bagini, “Orang yang su tolong om itu.” Lalu Tuhan
Yesus bilang par om Jaksa tu, “Batul bu, pigi deng biking
macang bagitu lai.”

13. Tuhan Yesus Ajar Katong Dolo 13
Untuk Kalangan Sendiri
TTUUHHAANN YYEESSUUSS KKAASSII TTAAUU CCOONNTTOO SSOOMMBBAAYYAANNGG PPAARR
AANNTTUUAA PPUUNNGG MMUURRIIDD--MMUURRIIDD
Referensi: Injil Lukas Pasal 11 ayat 1 s/d 13
atu hari bagini, Tuhan Yesus pi sombayang di satu
tampa. Pas abis sombayang, saorang dari orang-orang
yang ada iko Antua bilang bagini, “Tuang Guru!
Yohanes-Pembaptis su ajar antua pung murid-murid par
sombayang. Katong minta Tuang Guru par ajar katong
sombayang dolo.”
La Tuhan Yesus manyau, “Kalo ale dong mau
sombayang, akang pung babunyi bagini:
Katong pung Bapa +
yang ada di Sorga,
Kudus sasaja nama Bapa
Biar Karajaang Bapa datang,
deng Bapa jadi Raja par samua orang!
Bapa tolong kasi katong,
makanang yang cukup saja sabang hari.
Bapa,
katong minta ampong, tagal dosa-dosa katong,
sama kaya katong lai, su kasi ampong
samua orang yang biking sala par katong.
Bapa tolong jangang bawa katong
par macang-macang pencobaan.”
+
Katong pung Bapa = Bahasa Indonesia-nya: Bapa kami
S

14. Tuhan Yesus Ajar Katong Dolo 14
Untuk Kalangan Sendiri
Abis ajar dong sombayang, Tuhan Yesus mulai bacarita
lai pake perumpamaan, Antua carita, “Tenga malam bagini,
ada ale pung tamang saorang, datang dari jau mau tidor di
ale pung ruma. Mar ale seng pung makanang apapa par kasi
dia makang. Capat-capat ale pigi ke ruma ale pung tamang
laeng, la toki pintu dari luar bilang, ‘Bu, e! Kasi pinjam beta
roti tiga panggal jua. La beta ini ada tamu di ruma, mar
katong seng ada pung apapa di ruma! Bu tolong dolo! Tiga
panggal jua. Nanti beta ganti!’ Lalu ale pung tamang laeng
tu manyau dari dalam, ‘Jang baganggu katong bu! Pintu su
takonci mati ni! Anana dong su sono lai! Jang mara e. Laeng
kali suda bu!’ ”
Tuhan Yesus bilang, “Beta kasi tau ni e, biar ale pung
tamang laeng tu, seng bangong par kasi roti par itu orang,
mar tagal ale barani toki-toki pintu tarus, pasti tamang laeng
tu bangong (bangun), la dia kasi roti lai par ale.
Macang bagitu lai deng sombayang:
Minta tarus dari Tuhan, nanti Antua kasi.
Cari kebenaran tarus dari Tuhan, nanti Antua kasi tunju jalang.
Toki pintu tarus sa, nanti Antua buka pintu par ale.
Sapa-sapa yang mau minta tarus dari Tuhan Allah, nanti dong
tarima.
Sapa saja yang mau cari-cari Kebenaran tarus, nanti dong dapa.
Sapa saja yang mau toki-toki pintu sasaja, nanti akang pasti
tabuka.

15. Tuhan Yesus Ajar Katong Dolo 15
Untuk Kalangan Sendiri
Coba ale pikir,
mau dapa dimana kalo ada ana satu minta ikang dari dia pung
bapa, mar bapa kasi ular?
Ka, bagemana kalo ana tu minta talor
mar bapa kasi kalajengking+?
Seng bisa ka? Manusia pung dasar kajahatang paskali.
Mar Bapa di Sorga pung dasar Kebenaran.
Jadi kalo katong manusia yang kajahatang ni sa, suka
kasi barang-barang bae-bae par katong pung anana dong,
apa lai Bapa di Sorga!
Bapa di Sorga seng cuma kasi apa yang katong parlu
saja, mar labe dari itu lai, Antua kasi Antua pung Roh yang
Kudus par orang-orang yang minta dari Antua.”
+
Untuk bahan referensi (yang menunjukan binatang kecil beracun), bisa
dipakai KAKI-SERIBU. Kaki-saribu itu akang ada banya di koliling tampa
di Tana Maluku. Naskah asli Alkitab seng tulis kaki saribu, mar
KALAJENGKING.

16. Tuhan Yesus Ajar Katong Dolo 16
Untuk Kalangan Sendiri
TTUUHHAANN YYEESSUUSS AAJJAARR AANNTTUUAA PPUUNNGG MMUURRIIDD--MMUURRIIDD PPAARR
BBAASSAANNDDAARR SSAA DDEENNGG TTUUHHAANN AALLLLAAHH
Referensi: Injil Lukas Pasal 12 ayat 29 - 34
le-dong jang kawatir deng jang babingong soal
apapa yang musti ale dong makang ka minong.
Barang orang-orang yang seng kanal Tuhan, ada
maniso urus akang hal itu samua!
Mar ale dong jang bagitu. Bapa di Sorga su tau samua
yang ale dong parlu.
Bapa di Sorga salalu urus ale dong pung makang deng
minong, kalo ale dong mau cari Kerajaan Allah labe dolo.
Stop, ale dong seng usa taku! Barang katong pung Bapa di
Sorga tu, Raja Basar. Apa yang Antua punya, Antua kasi par
Antua pung anana dong. Tagal itu, pi jual ale dong pung
barang-barang (harta), lalu akang pung kepeng tu, pi kasi
samua par orang-orang miskin. Kalo katong biking bagitu
to, katong su simpang harta di Sorga di tampa yang aman
suda. Orang pancuri seng bisa loko akang, kakarlak seng
bisa makang akang (kasi rusak akang). Inga bae-bae! Ale
pung harta yang batul tu, ada di ale pung hati.
A

17. Tuhan Yesus Ajar Katong Dolo 17
Untuk Kalangan Sendiri
TTUUHHAANN YYEESSUUSS AAJJAARR OORRAANNGG SSEENNGG BBOOLLEE MMAAKKAANNGG--PPUUJJII
DDEENNGG SSEENNGG BBOOLLEE KKAASSII JJAATTUU OORRAANNGG LLAAEENNGG
Referensi: Injil Lukas Pasal 18 ayat 9 - 14
uhan Yesus carita lai pake perumpamaan satu soal
orang yang makang-puji deng suka anggap orang
laeng tu randa. Antua carita bagini, “Ada dua bapa pi
sombayang di ruma-sombayang. Bapa nomor-satu, dari
orang Parisi, lalu bapa nomor-dua tu cuma tukang-pajak.
Sampe di ruma-sombayang bagini, bapa Parisi tu badiri
par sombayang deng suara kuat-kuat. Antua sombayang,
“Dangke banya lai Tuhan. Barang beta ini, orang bae-bae.
Beta seng kajahatang macang orang laeng dong. Beta
T

18. Tuhan Yesus Ajar Katong Dolo 18
Untuk Kalangan Sendiri
bukang pancuri, seng perna galojo, deng seng parna
maeng-parampuang. Dangke banya lai Tuhan. Beta seng
parna kajahatang macang tukang-pajak ini. Beta rajing
puasa dua kali satu minggu, rajing kasi natzar dari beta
pung hasil karja.”Mar bapa tukang-pajak tu badiri jau-jau di
balakang. Dia seng barani angka muka lia ka langit. Dia
cuma sombayang tundu kapala, deng hati yang ancor, dia
sombayang, “Sio Tuhan e! Kasiang beta jua. Beta ini orang
bardosa! Beta minta ampong dari Tuhan.” Abis bacarita
perumpamaan itu, Tuhan Yesus tanya bagini, “Pas dong dua
bajalang pulang ka ruma, orang mana yang baku-bae deng
Tuhan? Orang Parisi ka tukang-pajak? Pasti Tuhan Allah
tarima tukang-pajak pung sombayang. Orang Parisi pung
sombayang seng dapa tarima. Tuhan Allah kasi jatu orang
sombong mar Antua angka kasi nae orang-orang yang
randa-hati.”
――――――――――――
Catatan: Pada masa/jaman itu, Orang Parisi adalah orang yang
disiplin mengikuti Hukum Taurat (Kelihatannya Rohani), sehingga
dia sombong, tetapi munafik. Sedangkan Tukang Pajak pekerjaannya
ialah suka mencuri uang rakyat sehingga dia merasa dirinya tidak
layak menghadap Tuhan.

19. Tuhan Yesus Ajar Katong Dolo 20
Untuk Kalangan Sendiri
TTUUHHAANN YYEESSUUSS AAJJAARR--AAJJAARR SSOOAALL AABBIISS JJAAMMAANNGG,, PPAASS
NNAANNTTII AANNTTUUAA KKOOMMBBAALLII PPAARR JJAADDII HHAAKKIIMM AATTAASS DDUUNNIIAA
DDEENNGG KKAASSII SSAALLAAMMAATT AANNTTUUAA PPUUNNGG JJEEMMAA’’AATT
Referensi: Injil Lukas Pasal 21 ayat 8-11 deng 25-28
atu kali bagini Tuhan Yesus ada ajar Antua pung
murid-murid deng orang banya, Tuhan Yesus bilang,
“Bajaga-jaga sa, jangang sampe ale dong dapa tipu.
Banya orang nanti (pas su dekat Abis Jamang) datang
bagaya pake Beta pung nama, lalu dong bilang, ‘Ini Beta!
Sakarang iko Beta jua!’. Ale-dong seng parlu iko orang-
orang macang bagitu. La ale dong seng usa taku, kalo
dengar macang-macang barita párang deng macang-
macang barita yang biking ganggu pikirang sasaja! Ini akang
samua musti jadi dolo! Mar ingatang, kajadiang banya itu
balong langsong jadi kiamat.” Tuhan Yesus bilang lai par
dong, “Bagini, nanti ‘bangsa párang lawang bangsa’ jadi,
‘pamarenta karajaang satu baku párang deng pamarenta
karajaang laeng’, ‘tana-goyang basár nanti jadi lai, dari satu
tampa ka tampa laeng.’ Ada lai kaluar tulah kalaparang deng
tulah panyaki basár. Nanti ada lai banya kajadiang-
kajadiang jahat yang biking kaco deng kasi ancor samua,
tarus nanti ada dapa lia tanda basár di langit.
Dapa lia tanda-tanda di matahari, bulang deng di
bintang-bintang lai. Lalu bangsa-bangsa di bumi ni, jadi
takotang deng dong bingong tagal bunyi basár dari lautang,
deng tagal omba basár di laut. Samua orang jadi takotang
S

20. Tuhan Yesus Ajar Katong Dolo 21
Untuk Kalangan Sendiri
s’tenga mati pas dapa lia samua yang ada jadi di atas bumi
nanti. Samua kuasa di sa’antero (langit deng) alam-semesta
jadi ancor paskali. Abis itu nanti dong lia Tuhan Yesus – Ana
Manusia itu – ada datang, turung dalang awan satu, pono
deng Antua pung kuasa deng banya puji-pujian. Kalo akang
samua su mulai jadi dong musti bangong capát, la angka
kapala tinggi-tinggi, barang sadiki lai ale dong dapa salamat
(tarima keselamatan).
TTUUHHAANN YYEESSUUSS PPUUNNGG AAJJAARRAANNGG SSEENNGG PPEERRNNAA TTUUKKAARR--
TTUUKKAARR,, BBAARRAANNGG IITTUU KKEEKKAALL,, AAKKAANNGG BBAATTUULL SSAASSAAJJAA..
Referensi: Injil Lukas Pasal 21 ayat 8-11
uhan Yesus bilang, “Langit deng bumi pasti abis – ta-
ilang – , mar ingatang, Beta pung Firman seng bisa
abis – Akang seng bisa ta-ilang – .
LLAAMMPPIIRRAANN 11
Rasul Paulus dalam surat pertamanya kepada jema’at di Korintus (Pasal 14
ayat 9b),“ Jika kamu tidak mempergunakan kata-kata yang jelas,
bagaimanakah orang dapat mengerti apa yang kamu katakan? Kata-katamu
sia-sia saja kau ucapkan di udara!” Bahasa Melayu Ambonnya sbb.: “Kalu ale
dong seng pake kata-kata yang pas, bagemana orang bisa mangarti ale? ….”
LLAAMMPPIIRRAANN 22
BBAAHHAASSAA MMEELLAAYYUU AAMMBBOONN
Bahasa Melayu berasal dari Indonesia
bagian barat (dulu disebut Nusantara
bag. Barat) dan telah berabad-abad
menjadi bahasa antar suku di seluruh
kepulauan nusantara).
Melayu Ambon di Maluku Tengah
T

21. Tuhan Yesus Ajar Katong Dolo 22
Untuk Kalangan Sendiri
Sebelum bangsa Portugis menginjakan kakinya di Ternate (Tahun. 1512),
bahasa Melayu telah ada di Maluku dan dipergunakan sebagai bahasa
perdagangan+
. Dalam rombongan musafir / pionir dari Eropa yang
mengadakan perjalanan di Indonesia sebelah timur pada abad ke-16,
terdapat Antonio Pigafetta yang pertama kali membuat daftar kata-kata
Bahasa Melayu di Maluku (Collins 1980, seperti yang disebutkan dalam
Masinambow & Hanen 2002).
Walau hasil Sensus Penduduk 1980 menyebutkan Bahasa Indonesia (BI)
sebagai bahasa pergaulan sehari-hari antara penduduk di Maluku, namun
para linguis menafsirkannya sebagai Bahasa Melayu (Ambon), karena
penduduk Maluku saat itu hanya mengasumsikannya (menganggap) sebagai
BI. Menurut SP 1980, terdapat 693.327 penutur atau 49.26 % dari seluruh
jumlah penduduk sebesar 1.4 juta lebih di Propinsi Maluku saat itu
(Masinambow & Hanen 2002).
Melayu-Ambon sangat terkenal dengan aksennya yang seperti nyanyian
(melodious).
DDAAFFTTAARR PPUUSSTTAAKKAA
1. ALKITAB TB (Terjemahan Baru), Lembaga Alkitab Indonesia, 1974.
2. ALKITAB BIS (Terjemahan bahsa Indonesia sehari-hari), Edisi ke-2, Cetakan
Pertama LBI/I/50R/8109136. Penerbit Kalam Hidup, 1975. 336 halaman.
3. ALKITAB Amplified Bible ‘New Testament’, Zondervan, Michigan 1987
4. ALKITAB King James Version ‘New Testament’, Cambridge Univeristy
Press for the Trinitarian Bible Society, London. ISBN: 0 907861 80 6.
5. Bolton, R.A., Riupassa, M. dan Tjia, J. Pedoman Membaca & Menulis
Bahasa Ambon [ Edisi Per cobaan] - Bulan/Tahun: Mei 2005. 24 halaman.
6. Bolton, R.A., Mengembangkan Bahasa Melayu Ambon sebagai Bahasa
Tulisan. Dalam Seminar Bahasa dan Budaya Maluku 2006: Bahasa Melayu
Ambon. Diselengarakan oleh DIKOR Diknas Prop. Maluku, SIL
International, PBTM dan Univ. Pattimura. Bulan/Tahun: Agusuts 2006, di
Ambon.
7. Cooper, W.R. (Editor dari:), John Wycliffe, John Purvey dan Nicholas of
Hereford (Penterjemah-penterjmah dari:), The Wycliffe New Testament
(1388), Di edit tahun 2002 untuk “The Tyndale Society”. Penerbit: The
British Library 2002. ISBN: 07123 4728 3, 528 halaman.
+
Refrensi: Cerita Natal Bahasa Dobo (2005), Collins 2007

22. Tuhan Yesus Ajar Katong Dolo 23
Untuk Kalangan Sendiri
8. Farrel, T. and Hoyle, R. TRANSLATING IMPLICIT INFORMATION IN THE
LIGHT OF SAUSSUREAN, RELEVANCE, AND COGNIVTIVE THEORIES.
Jurnal NOTES ON TRANSLATION” Volume. 9 No. 1
9. Jacobs, J (Atang) dan Louhenapessy, W. Kres Bajalang Jau par Cari
Dame yang Tuhan Yesus su Kasi (1) [Untuk Kalangan Sendiri]. Oktober
2005. 32 halaman.
10. Komunikasi dengan para penutur lokal atau UNS (lihat ucapan terima
kasih)
11. Komunikasi “feedback” anak-anak pengungsi di desa-desa di Seram
Selatan, terhadap cerita Kres Bajalang Jau par Cari Dame yang Tuhan
Yesus su Kasi (1). Ini dilakukan dalam perjalanan penulis 2005 – 2008
(September 2005 dan Mei 2008).
12. Minde, Don van. Malayu Ambong: Phonology, morphology, syntax.
ISBN: 90-73782-94-5. Tesis S3 dari Don Van Minde ini diterbitkan oleh:
Research School CNWS, Universitas Leiden, The Netherlands. Tahun: 1997.
390 halaman
13. Takaria, D., Pieter, C. KAMUS BAHASA MELAYU AMBON –
INDONESIA. Pusat Pembinaan dan Pengembangan Bahasa, Proyek
Pembinaan Bahasa dan Sastra Indonesia, Dep. Pendidikan dan Kebudayaan
RI. Jakarta 1998. 138 halaman.
14. Tim “Melayu Kupang”, “YESUS KRISTUS PUNG AJARAN DONG”
Penerbit: SGM Indonesia, Kotak Pos 1290, Surabaya 60012. Percetakan:
Artha Wacana Press. Tahun 2003.
15. Louhenapessy, Wilham G. Artikel di dalam ASSAU [Majalah PIKOM
GPM] Edisi: September-Oktober 2007: TUHAN YESUS AJAR KATONG
DOLO [1]. Penerbit: Majalah PIKOM GPM, Ambon. INDONESIA: 2007.
Halaman 38-39. ISSN 1412-7881.
16. Louhenapessy, Wilham G. Artikel di dalam ASSAU [Majalah PIKOM
GPM] Edisi: November-Desember 2007: TUHAN YESUS AJAR KATONG
DOLO [2]. Penerbit: Majalah PIKOM GPM, Ambon. INDONESIA: 2007. ISSN
1412-7881.
17. Louhenapessy, Wilham G. Tulisan-tulisan dan rekaman-audio bahasa
Melayu-Ambon anak-anak di Maluku Tengah (Seram Utara, Telutih,
Tuhaha dll): Seminar Nasional Bahasa dan Sastra Indonesia 2007.
Universitas PATTIMURA, PGSD, 25 Oktober 2007 [Dalam Rangka: Gelar
Bulan Bahasa dan Sastra Indonesia 2007]. Penerbit: ...... Ambon.
INDONESIA: 2007. (Paper ke-3 dalam seminar tersebut)