2. Բնության մեջ մշտապես կատարվում են
բազմապիսի փոփոխություններ։
Փողոցներում շարժվում են մարդիկ և
ավտոմեքենաները, երկնքում լողում են
ամպերը, թռչում են թռչուն ներն ու
ինքնաթիռները, ջրում լողում են ձկնե րը։
Տեղափոխվելով մի տեղից մյուսը՝
մարմինները փոխում են իրենց դիրքը
շրջապատի մարմինների նկա մամբ։
Այդպիսի տեղափոխությունն անվանում են
մեխանիկական շարժում։ Մեխանիկական
շարժումը որոշակի ժամանակահատվածում
մարմնի դիրքի փոփոխությունն է այլ
մարմինների նկատմամբ։
3. Գետում լողացող ձուկն իր դիրքը փոխում է ափի նկատմամբ,
ցած ընկնող անձրևի կաթիլը՝ Երկրի մակերևույթի
նկատմամբ, ցանկապատի վրա մագլցող կատուն՝
ցանկապատի նկատմամբ և այլն։ Դիտելով մեքենայի դիրքի
փոփոխությունը ծառի կամ շենքի նկատմամբ՝ ասում ենք,
որ մեքենան շարժվում է այդ մարմինների նկատմամբ։
Իհարկե շարժվում են նաև ծառերն ու շենքերը։ Դրանք
մասնակցում են Երկրի օրական պտույտին և Երկրի
հետ պտտվում են նաև Արեգակի շուրջը։
Այն գիծը, որով շարժվում է մարմ նը, կոչվում է շարժման
հետագիծ։ Ըստ հետագծի՝ շարժումները կարող են
լինել կորագիծ կամ ուղղագիծ։ Կոր գծով են
շարժվում կարուսելի նստարանը, ժամացույցի սլաքի
ծայրը, Երկրի արհեստական արբանյակը, իսկ ու ղիղգծով՝
վերելակի խցիկը, ցած ընկնող քարը և այլն։
Մարմինները կարող են շարժվել արագ կամ դանդաղ,
հավասարա չափ կամ անհավասարաչափ։