менің сыныбым ерекше

1. Менің сыныбым ерекше...
Себебі , менің сыныбымда 9 оқушы

2. Мынау менің класым,
Кірерде көзді жұмасың.
Папкаңды ұстап кіресің
Жағаңды ұстап шығасың!

3. Әрқашан да мектептің жыры құнды,
Мақтан тұтам жетекшілік бүгінімді.
Ұлағатты, ұстамды ұстаздарды
Оқушылар жүреді қылып үлгі.
Мана мен таныстырғам өз-өзімді
Ал енді таныстырам сыныбымды.

4. Көп сабақты үндеместен бұл ұғар,
Саматымның ел білмейтін сыры бар.
ҰБТ-ға таңда десе бір пәнді
Д/ш пәнін таңдайтындай түрі бар.

5. Қайсарды кіші дейді жалпы бәрі,
Бұл баланың биікте қарқыны әлі.
Бойым өссе екен деп футбол ойнап,
Ойым өссе екен деп талпынады.

6. Әрине,сыныпта көп бала,
Нұржауған тұрады боп дара.
Керемет айтады-ау сабақты ,
Дауысы шықпайды тек қана.

7. Бұл балаға шығарам сыйлы етіп жыр,
Бұл да менің көшімді сүйретіп жүр.
Мен бұған тәрбиені үйретемін,
Бұл маған орысшаны үйретіп жүр.

8. Қазақ тілдің жанашыр жанжолдасы.
Сайраса жұрттың қалмас таңқалмасы.
Дина мен Жадыраға жандай құрбы,
Петр мен ағайына аудармашы.

9. Бұл оқушым сондай қызық ой,тоба-ай,
Қуантам деп көп әңгіме айтады-ай.
Көңіл-күйді көтерем деп кей кезде
Қанқысымды көтереді байқамай.

10. Бұл баланың мақтаймын бек талабын,
Кей кезде қызық жайға тап боламын.
Наурызбекті оқушылар мазақтаса
Мені айтып жатқан жоқ па деп қаламын.

11. Әлижаным білмейді сарсаң күйді,
Көштен қалам сабақтан қалсам дейді.
Мектебі мақтанатын бұл оқушым,
Елімнің мақтанышы болсам дейді.

12. Жадыра сөзбен атар құралайды,
Бір бағадан басқасы ұнамайды.
Неше алу керектігін өзі білед,
Сондықтан төртке қарай құламайды.
Тоқсан ауыз сөзімді түйіндесем,
Тоқсанның қорытындысын сұрамайды.

13. Бұл мектепті кеше ғана аттағам,
Бүгін міне жетекшімін ақтабан.
Әрбір бала бір-бір үйдің жалғызы.
Жалғызым ғой тоғыз бала қаптаған.
Жолдастарым бір балам бар деп айтса
Менің тоғыз балам бар деп мақтанам!