1. Հովհաննես Թումանյան
1869-1923
Ծնվել է Դսեղ գյուղում:Դսեղ նշանակում է դուրս
տեղ, այսինքն բնակավայրից առանձնացված
տեղ, գեղ:
2. Ըստ ավանդազրույցի, ձորի գյուղերից
տարբերելու համար, բարձրադիր գյուղը
կոչել են Դրսի գեղ կամ Դըզի գեղ, որը
հետագայում հնչյունափոխության է
ենթարկվել և դարձել Դսեղ:
3. Հովհ. Թումանյանը խիստ կանոնավոր կրթություն
երբևէ չի ստացել: Նախնական գրաճանաչություն
սովորել է հորից: Ութ տարեկան հասակում մի
խումբ գյուղացիների հետ գրել-կարդալ է
սովորում հորեղբոր` Գրիշկա բիձու նորաբաց
«դպրոցում», որտեղ մատիտները արճիճից
էին, թանաքը` կակաչ ծաղկից, որ աշակերտներն
իրենք էին պատրաստում: Մի քանի ամիս
այդտեղ սովորելուց հետո, 1877 թ. Սկսում է
հաճախել գյուղում բացված Սահակ վարժապետի
դպրոցը, որն իր «Ինքնակենսագրության» մեջ
Թումանյանը շատ վառ ու պատկերավոր ձևով է
նկարագրում: