1. 1
Natureza. Yago Silva.
1ºB
A PÍLLARA DAS DUNAS
As píllaras das dunas viven sobre todo en praias grandes e con moita superficie
dunar coma a Lanzada.
Miden 16 centímetros de lonxitude, teñen o peteiro curto e as patas escuras.
Aniñan nas dunas en zonas ocultas a salvo dos depredadores. A posta adoita
estar formada por 3 ovos, os cales son chocados durante 25 días polos
proxenitores, facéndoo a femia polo día e o macho pola noite. Os ovos son de cor
carne con manchas negras.
A posta da píllara ten lugar entre maio e xullo polo que esta se enfronta a un gran
perigo: a coincidencia coa chegada do verán e os primeiros bañistas.
Aliméntanse de pequenos invertebrados, mosquitos, escaravellos, moscas e máis
raramente de pequenos moluscos.
Móvese rapidamente pola praia e dunas, e tamén en zonas intermareais buscando
as súas presas, unha vez localizada algunha corre cara a ela a gran velocidade,
grazas a ter as patas situadas un pouco máis atrás do normal, o cal é unha
adaptación que lle facilita a carreira na area.
A súa voz é parecida a un pirr o píorrrr. Na época reprodutora emite un reclamo
diferente, algo así como krruuui-krruuui.
2. 2
Unha curiosidade é que cando un posible predador (incluídos os humanos) se achega
ao niño ou a algún poliño, os adultos fanse os feridos para distraer ao depredador do
seu niño.
A principal ameaza da píllara das dunas é a perda de hábitat e o mal uso das praias
por parte da xente como a presión turística, os cans ceibos, o apisoar das dunas e as
molestias directas a niños e polos. O plan de conservación da píllara das dunas,
aprobado pola Xunta de Galicia en 2014, conta con actuacións en diversos areais,
coma as gaiolas de protección aos niños, que son moi fáciles de ver na Lanzada na
época de reprodución.
