Gizakiak ezagutzen dituen hazi barietate guztiak gordeko dituen biltoki erraldoi bat da, Artikoko izoztutako mendi baten barnean eraikia.

1. Munduko Hazien Kripta Artikoan eginiko zulo batean 100 milioi landare lagin gordetzen dira

2. Svalbard International Seed Vault (SISV), “Munduaren Hazien Kripta” bezala ezagutzen dena, gizakiak ezagutzen dituen hazi barietate guztiak gordetzeko diseinatua izan da.

4. Helburua Noeren arka bat sortzea da, ezagunak diren landare lagin guztiak jasoko dituen biltoki erraldoi bat, hondamendi ekologiko bat gertatuko balitz, naturala zein gizakiak eragindakoa, landare mota horiek Lurrean birlandatu ahal izateko.

5. XXI. MENDEKO NOEREN ARKA

6. Lagin-biltokia Longyearbyen kokatzen da, Norvegiako Svalbard uhartedian dagoen Spitsbergen uharteko herri txiki batean. Norvegiako iparraldean dago, Ipar Polotik 1.000 kilometrotara. Lekua, duen estabilitate sismikoagatik eta biltokia artikoko lur izoztuan barneratua egon ahal izateak laginen mantentzea errazten duelako aukeratu da.

7. Svalbard. Norvegiar uhartean aurkitzen da aldaketa klimatikoak ekar ditzakeen ondorio lazgarriei aurre egiteko prestatu den ganga.

10. Artikoko kripta hau izoztutako mendi baten barnean eraikia izan da.

11. Mundu guztitik iritsitako 100 milioi lagin baino gehiago jasoko ditu biltokiak.

12. Laginak Artikoko mendi baten sakonean pilatuko dira, aluminiozko paketeetan bildurik, eta metro bateko lodiera duten hormaz inguratuta. Gangak 125 metroko sakonera duen tunela du, arroka barruan eraikia. Hozte-sistema guztiek huts egingo balute ere, zientzilarien esanetan, mendiaren tenperaturak ez luke inoiz izozte tenperatura gaindituko, zonaldeko izotz kapa iraunkorrari esker.

14. Kriptako sarrerak diseinu futurista du, egunean zehar eguzki izpiak islatu eta gaueko iluntasunean distira egiten duten metalezko ispilu batzuek osatzen dute, Dyveke Sanne artista norvegiarraren obra da. Atearen ondoan konpresoreak daude, bunkerraren barnealdea hozteko erabiltzen direnak.

16. Kriptan sartzean, ikusten den lehenengo gauza 125 metroko luzeera duen pasabide bat da, bunkerreko hiru biltokietara iristen dena.

18. Pasabidearen barrualdea altzairuko estruktura zirkular batez estali zen, mendiaren higadurak sorturiko lur-erortzeetatik babesteko.

19. Pasabidearen amaieran kontrol-gela dago, bertan, gangan lan egiten duten teknikariek ordenagailuko erregistroetan sartzen dituzte munduko herrialde guztietatik iristen diren laginak.

20. Teknikariek lagin bakoitza sailkatu behar dute, espeziea, jatorria eta antzinatasuna zehaztuz. Informazio guztia web batean jasotzen da, eta zientzilari guztiek dute bertara sartzeko aukera.

21. Hazi laginak hiru kapako aluminio paketeetan bildu eta hermetikoki isten dira, baldintza egokienetan kontserbatuko direla bermatzeko.

22. Behin sailkatu eta hermetikoki itxi direnean, laginak plastikozko kaxetan sartu eta kriptako hiru biltokietako batean gordetzen dira.

23. “ Kaxa beltzetan“ kontserbatutako lagin hauek, hazi iturri guztiak amaitu edota suntsituak izan badira soilik aterako dira .

24. Segurtasun neurriei dagokienez, instalazioak ate korazatua du eta itxitura perimetro bat.

25. Honi, urrutiko lekuan kokatuta dagoela, bertako neguan egiten duen hotz ikaragarria, izotz-bankuak eta hartz zurien agresibitatea gehitu behar zaizkio, segurtasun neurri osagarri gisa .

26. Gaur egun, mundu guztian banaturik dauden milaka hazi-banku existitzen dira. Baina horietariko asko mehatxatuak daude, ur eskasia, lurrikara, uholde edota beste hainbat ezbehar naturalen arriskua, edota guda-gatazken eraginagatik, besteak beste.

28. Arrisku hauei, eta gero eta mehatxu handiagoa den aldaketa klimatikoari ere aurre egiteko, eraiki du Norvegiak biltegi hau. «Gure helburua planeta guztiko hazien segurtasun kopia bat bertan gordetzea da», Westengenen esanetan. «Horrela, edozein hondamendiren aurrean, naturak zein gizakiak eragindakoa izan, laboreen bioaniztasuna arriskutik kanpo legoke . Eraikin honek elikatzeko erabiltzen ditugun labore guztien etorkizuna bermatu nahi du».

30. Kriptan egiten den hazien kontserbazioa doako zerbitzua da. Hazien jabetza jatorrizko herrialdeak izaten jarraitzen du, bere ingurune naturaletik desagertzen bada, bunkerrean gordetzen den segurtasun kopia eskuratu ahal izango du.

33. AMAIERA