Marrur nga: “Interpretimi i ëndrrave reflektive” Autor: Ibni Sijrijni Përktheu: Dr. Musli Vërbani

1. Marrur nga: “Interpretimi i ëndrrave reflektive”
Autor: Ibni Sijrijni
Përktheu: Dr. Musli Vërbani
INTERPETIMI I ËNDËRRIMIT TË MELAQEVE A.S.
ËNDËRRIMI I PEJGAMBERIT DHE I MELAQEVE
Kam dëgjuar Eba Fadlin Ahmed bin Amran Herevijun në Meke Zoti e ruajt
duke thënë se kam dëgjuar Eba Bekrin bin Kari duke thënë: Kam dëgjuar Eba Bekr
Xhaëfer bin el Hajat dijetar i mirë duke thënë: E kam parë Muhamedin a.s. në gjumë,
ishte ulur e pranë tij një grup i të varfërve me rroba të leshta. Kur ja qielli u qa dhe
zbriti Xhibrili me Melaqet tjera të cilat kishin në duar Ibrika dhe qitnin ujë në duar të
fukaraje dhe ia lanin këmbët atyre. Kur arritën tek unë i zgjata duart kur i thanë njëra-
tjetrës: Mos i qitni ujë duarve se nuk është prej atyre. Thashë o i dërguar i Allahut
nëse nuk jam prej tyre (i varfër) unë i dua ata. Muhamedi a.s. tha: Besimtari është me
atë që e do dhe ata qitën ujë në duart e mia derisa i pastrova.
ËNDËRRIMI I MELAQEVE A.S.
Profesori Ebu Sead r.a. ka thënë: Me i pa në gjumë Melaqet e njohura
përgëzuese tregon se do t’i paraqitet diçka atij ose forcë, fuqi, përgëzim, ndihmë pas
vuajtjes (padrejtësisë) ose shërim pas sëmundjes, ose siguri pas frikës, ose lehtësim
pas vështirësisë, ose pasuri pas varfërisë, ose dalje nga kriza pas krizës, e mundet me
shkua në haxh, ose me shkua në luftë e me ra dëshmorë.
ËNDËRRIMI I XHIBRILIT A.S.
Kush e sheh në ëndërr se Xhibrili e ushqen ai me dëshirën e Allahut do të jetë
prej banorëve të xhenetit.
ËNDËRRIMI I MIKAILIT A.S.
Kush e sheh Mikailin a.s. nëse është i devotshëm do t’i arrijë të mirat në të dy
botët.
Nëse e sheh në një qytet apo fshat do të bie shi të bollshëm për tërë vitin,
çmimet e artikujve (pemë e perime) do të jenë të lira.
Nëse e sheh duke folur me Mikailin ose duke i dhënë diçka, ai do të arrijë
begati, gëzime pse Mikaili është Melaqe e mëshirës.
ËNDËRRIMI I ISRAFILIT A.S.

2. Kush e sheh Israfilin duke i fry surit dhe banorët e atij vendi e dëgjojnë, ajo
ëndërr tregon se në atë vend do të përhapet drejtësia pas dominimit të padrejtësisë dhe
do të zhduket padrejtësia nga aty.
ËNDËRRIMI I MELEKUL MEVTIT A.S.
Kush e sheh Melekul Mevtin e gëzuar do të bie dëshmor.
Kush e sheh duke u ballafaquar me të (me përlesh): Nëse ai ia ka filluar i pari
do të shërohet nga sëmundja e vdekjes dhe do ta shpëton Allahu.
Është thënë se kush e sheh Melekul Mevtin do të jetojë gjatë.
Tregohet se Hamzetu bin Zejad ka thënë: E kam pa në ëndërr Melekul Mevtin.
E i thash o Melekul Mevt të lutem më trego a ka ndonjë të mirë për mua. Tha: Po. Ajo
e mirë është se ti do të vdesësh në Hilvan. Dhe ai ka vdekur në Hilvan.
ËNDËRRIMI I MELAQEVE A.S.
Kush sheh në ëndërr se një melek prej melaqeve e përgëzon për një fëmijë. Ai
do të furnizohet me fëmijë dijetarë, i pashëm, i ndershëm. Kjo nga thënia e Zotit të
Madhëruar: “Vërtetë Allahu ju përgëzon me një fëmijë që do të flasë.” (Ali Imran
: 45). Dhe thënia në ajetin: “Vërtetë unë jam i dërguari i Zotit Tënd për me të
dhurua një fëmijë shumë të mençur.” (Merjem : 19)
Kush i sheh melaqet në duke bartur në duart e tyre pjata me pemë ai do të dalë
nga kjo botë si dëshmor.
Nëse i sheh melaqet sikur janë në fushëbetejë do të fitoj kundër armiqve.
Nëse i sheh në ruku para vetes ose duke i bërë sexhde do të arrijë qetësi, do të
jetë i përkujtuar larg dhe do të ketë famë të madhe.
Nëse i sheh sikur melaqet zbresin nga qielli në tokë si i kanë format: Kjo
tregon se të drejtët do të ngrihen lart ndërsa të këqijtë do të poshtërohen, pra, do të
fitojnë të drejtët.
Nëse e sheh se ai fluturon me melaqet ose ngrihet në qiell me ta dhe nuk
kthehet: Do të arrijë famë në këtë botë pastaj do të bie dëshmor.
Nëse i sheh melaqet duke punuar çka punon ai, kjo tregon se prodhimi i tij do
të lartësohet.
Nëse e sheh melaqen duke i thënë lexo librin e Allahut atëherë ai do të jetë i
respektuar nëse është prej bamirësve.

3. Nëse i sheh melaqet në një vend mbi kali aty do të zhduken arrogantët dhe
kriminelët.
Nëse i sheh shpendët duke fluturuar dhe nuk i njeh mirë e ato janë melaqe, kjo
tregon se do të iu kthehet e padrejta kriminelëve dhe do të fitojnë të shtypurit.
Kush i sheh Kiramen Katibinë (shkruesit fisnik) do të arrijë gëzim e lumturi në
këtë botë dhe në botën tjetër dhe do të ketë përfundim të mirë nëse është i devotshëm
ose në të kundërtën do të dështoj nëse nuk është i devotshëm, sepse Zoti i Madhëruar
thotë: “Shkruesit fisnik e dinë çka punoni.” (Infitar : 11)
Disa dijetarë kanë thënë për këtë çështje:
Nëse meleku shihet në ëndërr si plak kjo tregon kohën e kaluar.
Nëse e sheh të ri tregon për kohën e tashme.
Nëse e sheh fëmijë tregon për të ardhmen.
Nëse e sheh njeriu veten sikur është shndërrua në melaqe:
Nëse është në rrezik e kalon rrezikun.
Nëse është rob do të lirohet.
Nëse është i ndershëm do të arrijë post shumë të madh.
Kush i sheh melaqet duke i dhënë selam atij ai do ketë vizion të qartë në jetë
dhe do të i përfundoj jeta mirë.
Tregohet nga Shemvilli se një tregtar Jehudi se deri sa ka qenë në udhëtim ka
parë ëndërr se si melaqet luten për të. E ka pyetur një shpjegues të ëndrrave e ai i ka
thënë: Ti do ta pranosh fenë e Allahut dhe sheriatin e të dërguarit Muhamedit a.s. e
kjo nga ajeti “Ai është i Cili dërgon lutje për ju, edhe melaqet gjithashtu, për me
iu nxjerrë nga terri në dritë.” (Ahzab). Dhe pastaj e ka pranua islamin pasi që Zoti
e ka udhëzuar në rrugë të drejtë.