1. HEZKUNTZA-TEKNOLOGIA MUNDU
TEKNOLOGIZATU BATEAN.
Teknologia kontzeptua ikuspegi konplexu batetik ulertzea garrantzitsua
da hezkuntza munduan ematen den ezagutzen eta errealitate gero eta
multidiziplinar eta globalaren arteko erlazio desegokiari aurre egiteko eta
zientzia eta teknologia zalantzan jarri ezin diren diziplina bezala ulertzen dituen
ikuspegia aldatzeko.
TEKNOLOGIAREN LAU IRUDIAK.
- Teknologia artefaktualak: Espazio bat betetzen duten eta beren
jarduerak burutzeko gizakiarengandik independenteak diren elementu
materialez osatutako unitate identifikagarriak dira.
- Teknologia antolatzaileak: Ukiezinak dira, gauzatutako denboran
zentratzen diren eta gizakientzako ekintza-arauak ezartzen dituzten keinuen
sekuentziazio teknikak dira.
- Teknologia sinbolikoak: Zeinuen, sinboloen, erritualen, adierazpen
geometrikoen eta topografikoen eta abarren bitartez identifikatzen dira. Osagai
errealak sinboloez ordezkatuz edo hauetatik abiatuz, gauzen egoerak
erreproduzitzen dituzte eta alderantziz.
- Bioteknologiak: Osagai nagusiaren bitartez, lehenbizi produktu bat
sortuz eta ondoren gainontzeko mundu naturaletik babestuz eta existentzian
mantenduz bizitza biologikoan eragina dutenak dira.
HEZKUNTZA TEKNOLOGIA ERAISTEN

2. Davies-ek (1996) hiru Hezkuntza Teknologia (TE) mota bereizi zituen
Asby-k identifikatutako lau “hezkuntza iraultzetan” oinarrituz:
-TE bat. Hezkuntzarako laguntza eta bitartekariei garrantzia
ematen dien euskarri fisikoaren hurbilketa da.
-TE bi: Ikaskuntzarako laguntzei garrantzia ematen dien euskarri
logikoen hurbilketa da.
-TE hiru: Aurreko bi hurbilketen konbinaketa da. Garapen
sistematikoa jokatzeko modu bakar gisa bezala ulertzea errefusatzen du,
emaitza akademikoetan baino, ikaskuntza prozesuetan zentratzen diren
prozedura metodikoen alde eginez.
HEZKUNTZA TEKNOLOGIAREN EKARPENAK
Hezkuntza teknologia aparatologia gisa.
Ikuspegi honetatik egindako ikerketek honakoa ahalbidetu dute:
- Irakaskuntza formalean kognizioa moldatzen duten informazio
biltegi euskarri ezberdinen, tratamenduaren eta sarbidearen garrantzia kontuan
hartzea.
- Subjektuaren garapen integrala, autonomia intelektuala eta
bizitzea tokatu zaion munduari zentzua emateko gaitasuna lortzeko,
irakaskuntza-ikaskuntza prozesuetan baliabide multzo dibertsifikatua
erabiltzeko beharraren ebidentziak azaleratzea.
- Ikerketen arreta-fokua indibiduoek baliabide teknologiekin
dituzten interakzioetan birkokatzea.
- Teknologiek irakaskuntza-ikaskuntza prozesuetan duten
influentzia hauen erabilera testuinguruan ikertu behar direla ebidentzian
jartzea.

3. Hezkuntza teknologia irakaskuntza zientzia gisa.
Ikuspegi honetatik egindako ikerketek honakoa ahalbidetu dute:
- Helburuen araberako irakaskuntza planifikazioaren garrantzia
agerian jartzea.
- Irakaskuntza materialek ikaskuntza bitartekari gisa eta
planifikazio, martxan jartze eta curriculumaren ebaluazio prozesuen zati
garrantzitsu gisa duten balioa berreskuratzea.
- Ikasleak ikaskuntzarako duen aldez aurreko jarreraren eta hau
inhibitzeko edo sustatzeko irakaskuntza prozesuak duen paperaren
garrantziaren ebidentziak azaleratzea.
- Ebaluazioa irakaskuntza-ikaskuntza prozesuaren oinarrizko zati
bezala prestatzea, eta ez zigor ekintza bezala.
Teknologiak hezkuntzaren konplexutasuna desitxuratzen duenean.
IKT-en ugaltze botereak eta sortzen duten lilurak, ahaztarazi
egiten dizkigute hauen arrakasta ahalbidetzen duten faktoreak eta
teknologiarako joera honek eragiten dituen ondorioak.
.
Hezkuntzaren teknologia IKT-ekin gainjartzen denean.
Hezkuntza alorrean hezkuntza teknologia IKT-en erabilerara
mugatzeak hainbat ondorio dakartza:
- Ikuspuntu historiko eza.
- Testuingurua kontuan ez hartzea.
- Hezkuntza mugatzea.
- Porrot iraunkorra.
- Antsietate teknologikoa.