1. FRUTAK
Zein irudi da?
Jolasa: non dago ………………?
Zein soinuz hasten/bukatzen da?
Zenbat golpe ditu?
Zenbat soinu ditu? Zeinek du soinu bera?
Bingo, dominoa
Irudia-hitza elkartu
Hitzen diktaketa
Irudia-esaldia lotu
Asmakizunak irakurri eta asmatu
Ipuina ordenatu
19. Sagarra berdea da. Sagarrak hazi beltzak ditu
barruan.
Madaria horia da. Madariak buztana du.
Laranja laranja da. Laranja zukua edaten
dugu.
Limoia horia da. Limoi-ura edaten dugu.
Marrubia gorria da. Marrubiak natarekin jaten
ditugu.
Gereziak gorriak dira Gereziak borobilak dira.
Meloia kanpotik berdea da. Meloia barrutik zuria da.
Mahatsak gorriak, beltzak eta
horiak dira.
Mahatsarekin ardoa egiten
da.
Kiwia berdea da. Kiwiak iletxoak ditu kanpo
aldean.
20.
21. Multzoka hazten dira.
Gorriak eta beltzak izaten dira.
Gereziondoetan daudenean txoriei asko
gustatzen zaizkie jatea.
Fruta horia da. Tripa lodia du.
Gainaldean estutu egiten da buztanari
tokia emateko.
Bere izena M letraz hasten da.
Berdea, gorria edo horia izaten da.
Tamainuz handia edo txikia.
Jolastorduan edo postrean, konpotan edo
tartan, jan daiteke martxan.
gereziak
madaria
sagarra
22. Laranja koloreko fruta da.
Forma borobila du. Zurituta jan daiteke.
Goizero zukutan hartzeko ere, gozoa da.
Gorriak, beltzak, zein horiak izan daitezke.
Multzotan bilduta daude garau txikiak.
Zuku eta ardoa egiteko fruta berezia da.
Hori koloreko fruta da.
Zapore mingotsa du.
Zukua egiten dugunean, azukre pixka bat
botatzen diogu.
laranja
mahatsa
limoia
23. Gorri-gorriak dira.
Buru gainean dituzte hosto berdeak.
Gainetik azukrea edo nata botaz gero, gozo-
gozo egoten dira.
Berde eta iletsua da, Barrutik berdeagoa.
Australian bizi den txoriak, badu izen
berdina.
Kanpotik hori barrutik zuri. Tximinoei
asko gustatzen zaie.
marrubia
kiwia
platanoa
30. Behin batean, herri bateko fruta-dendan
honako hauek elkartu omen ziren: Azkarra
Sagarra, Anana Mariana, Madari Kantari, Arango
Mango eta Platanotxo Aitortxo.
Elkartu ziren fruten artean, munduko
frutarik garrantzitsuena zein izango ote zen ari
ziren eztabaidatzen.
Eta Azkarra Sagarrak esan zuen:
-Ez dago inolako zalantzarik…ni naiz munduko
frutarik garrantzitsuena. Gorri-gorria eta
disdiratsua naiz. Munduan fruta perfekturik
baldin bada, hori ni naiz.
31. Eta Anana Marianak erantzun zion:
-Hara, Azkarra Sagarra laguna, erabat okerra da
zuk esan duzuna. Zuk ez duzu nik adina ur, ez
eta bitamina ere. Zientzialariek diote ni naizela
naturan dagoen frutarik osasungarriena, gizakiei
gaixotasunik ez harrapatzen laguntzen diedalako.
Horrenbestez, barkatu, baina: ni naiz munduko
frutarik garrantzitsuena.
Gero, Madari Kantarik hartu zuen hitza:
-Barkatu, Anana Mariana. Nik zuk baino ur
gehiago dut, eta gainera, jendeak ni nau
gustukoagoa zu baino, gozoagoa eta freskagarriagoa
naizelako. Beraz, Ni naiz munduko frutarik
garrantzitsuena.
32. Eta Arango Mangok esan zuen:
-Eeeee! Barkatu, Madari Kantari. Uste dut esan
duzuna ez dela zuzena. Nik zuk baino bitamina
gehiago ditut: A bitamina, B bitamina, C bitamina,
E bitamina, B1, B2, B3, B6…bitamina. Eta gainera,
burdina, kaltzioa, magnesioa…eta beste mantenugai
asko ere ematen ditut. Horrenbestez, ni naiz
munduko frutarik garrantzitsuena.
Eta orduan, Platanotxo Aitortxok, eztabaida guztian
isil-isilik egon ondoren, honela esan zuen:
-Uzten badidazue, fruta maiteok, nire iritzia
emango dizuet: munduko frutarik garrantzitsuena
ez da ez Azkarra Sagarra, ez Anana Mariana, ez
Madari Kantari, ez Arango Mango… ezta ni,
Platanotxo Aitortxo, ere.
33. -Munduko frutarik garrantzitsuena unean-unean
behar dena da. Guk guztiok daukagun gauza
benetan garrantzitsua hau da: denok desberdinak
gara eta unearen arabera nork bere
ekarpena egiten du.
-Konturatu zarete, norbait fruta-dendara sartzen
denean, gehien komeni zaion fruta hartzen duela?
Eta, horrenbestez, hori izango dela harentzat
frutarik garrantzitsuena une horretan?
-Guztiok gara ezin baliotsuagoak, baina horregaitik
ez gara besteak baino hobeak, ez eta txarragoak ere.
Hortaz, barkatuko didazue, baina eztabaida hau
erabat alferrikakoa iruditzen zait.
34. Frutek elkarri begiratu zioten eta konturatu ziren
Platanotxo Aitortxo zentzuduna eta bizkorra zela.
Harrezkero, frutak adiskidetu egin ziren eta inoiz
ez zuten berriro eztabaidatu nork zuen balio
handien.
Eta esaten dutenez, egun horretan bertan amona
bat joan zen herriko fruta-dendara eta Azkarra
Sagarra, Anana Mariana, Madari Kantari, Arango
Mango eta Platanotxo Aitortxo erosi zituen, eta
fruta-entsalada mundiala egin omen zuen
haiekin guztiekin.
35.
36. 1
Behin batean, herriko fruta-dendan fruta batzuk
elkartu ziren: Azkarra Sagarra,
Anana Mariana, Madari Kantari,
Arango Mango eta Platanotxo Aitortxo.
Munduko frutarik garrantzitsuena zein zen ari
ziren eztabaidatzen.
2
-Ni naiz munduko frutarik garrantzitsuena gorri-
gorria eta disdiratsua naizelako.
3
-Hara, Azkarra Sagarra! Ez nago zurekin ados. Ni
zu baino garrantzitsuagoa naiz ur gehiago eta
bitamina gehiago ditudalako.
37. 4
-Barkatu, Anana Mariana. Nik zuk baino ur
gehiago dut, eta zu baino gozoagoa eta
freskagarriagoa naizelako. Beraz, Ni naiz munduko
frutarik garrantzitsuena.
5
-Eeeee! Barkatu, Madari Kantari. Uste dut esan
duzuna ez dela zuzena. Nik zuk baino bitamina
gehiago ditut. Eta gainera, burdina, kaltzio eta
magnesioa ere ematen ditut. Horrenbestez, ni naiz
munduko frutarik garrantzitsuena.
6
-Munduko frutarik garrantzitsuena guztiok gara.
Denok gara desberdinak.
Konturatu zarete, norbait fruta-dendara sartzen
denean, gehien komeni zaion fruta hartzen duela?
Eta, horrenbestez, hori izango dela harentzat
frutarik garrantzitsuena une horretan?
38. 7
Frutek elkarri begiratu zioten eta konturatu ziren
Platanotxo Aitortxok arrazoia zuela.
Harrezkero, frutak adiskidetu egin ziren eta inoiz
ez zuten berriro eztabaidatu nork balio zuen
handien.
8
Eta esaten dutenez, egun horretan bertan amona
bat joan zen herriko fruta-dendara eta Azkarra
Sagarra, Anana Mariana, Madari Kantari, Arango
Mango eta Platanotxo Aitortxo erosi zituen, eta
fruta-entsalada mundiala egin omen zuen
haiekin guztiekin.
Eta egia ala gezurra…begi bien erdian sudurra.