Хяналт шинжилгээ үнэлгээ мэдээллийн хэлтсийн тайлан

1. ХЯНАЛТ, ШИНЖИЛГЭЭ, ҮНЭЛГЭЭ, МЭДЭЭЛЛИЙН
ХЭЛТСИЙН ТАЙЛАН
/жилийн эцсийн байдлаар/
Дүн бүртгэлийн чиглэлээр: Харьяа эрүүл мэндийн байгууллагуудын нэгдсэн
тайланг шивж, аймгийн эрүүл мэндийн салбарын 2016 оны үйл ажиллагааны
тайланг нэгтгэж 2017 оны 1 сарын 16-наас 23-ны хооронд эрүүл мэндийн хөгжлийн
төвийн статистик тандалт судалгааны хэлтэст тушаав. 2016 оны эрүүл мэндийн
үндсэн үзүүлэлтүүдийг нэгтгэн аймгийн статистикын хэлтэст хүргүүлсэн. Мөн дээрх
эрүүл мэндийн байгууллагуудын тайланг тусгай программ дээр тухайн байгууллага
тус бүрийн дүн бүртгэгч эмч нарыг ирүүлэн, ажлын байран дээрх сургалтыг зохион
байгуулж, шивүүлэн нэгтгэх ажлыг 2017 оны 1 сарын 24-26-ны хооронд зохион
байгуулж тайлангийн нэгдсэн санг бий болголоо. Аймгийн хэмжээний 0-1 насны
хүүхдийн эндэгдэл, 1-5 насны хүүхдийн эндэгдэл, 5-16 насны хүүхдийн эндэгдлийн
дэлгэрэнгүй судалгааг гаргаж, холбогдох мэрэгжилтэнд хүргүүллээ. 7 хоног бүр
ЭХЭМҮТ-ийн тандалт судалгааны албанд эх хүүхдийн талаарх мэдээллийг сум,
өрх, БОЭТ –өөр шивүүлэн маягтыг хүлээн авч зохих мэргэжилтэн нарт шалгуулан
сканердан хүргүүлэв.
“Эрүүл мэндийн үзүүлэлт 2016” сэтгүүлийг эмхэтгэн ЗДТГ болон холбогдох
удирдлагуудад өгч, байгууллагын цахим хуудсанд байршуулж ажиллалаа. Сарын
шуурхай мэдээг сум өрх, хувийн хэвшлийн байгууллагууд, БОЭТ-өөс сар бүр
программ дээр шивүүлэн авч нэгтгэн, эрүүл мэндийн хөгжлийн төвийн статистикын
албанд тухай бүр нь хүргүүллээ.
“Төрөөс эрүүл мэндийн талаар баримтлах бодлого” –ын 2017-2020 оны
Ховд аймгийн дэд хөтөлбөрт шаардагдах тоон мэдээллийг сүүлийн 5 жилээр
эмхэтгэн орууллаа. Эхний хагас жилийн бааз мэдээг харьяа эрүүл мэндийн
байгууллагуудаас авч нэгтгэн шалгах ажлыг хийж ЭМХТ-тэй тулган
баталгаажуулав.
Эрүүл мэндийн гол үзүүлэлтүүдийг 10 жилийн байдлаар нэгтгэн аймаг
улсын дундажтай харьцуулан ном болгон гаргахад бэлдэн эмхэтгэж, холбогдох
мэргэжилтнүүдэд хүргүүлэн ажиллалаа.
Үр дүн: Эрүүл мэндийн шаардлагатай статистик мэдээ мэдээллийг цаг
тухайд нь холбогдох мэргэжилтэнүүд болон удирдах албан тушаалтнуудад
хүргүүлснээр тэдгээр албан тушаалтнуудын нотолгоонд суурилсан төлөвлөлт
сайжирч байна.
Сүлжээний чиглэлээр: Булган сумын Нэгдсэн эмнэлгийн сүлжээний ROUTER-
ын эвдрэлийг засварлан, интернетийн сүлжээг хэвийн ажиллагаанд оруулж,тог
баригч, серверийн өрөөг хэрхэн зөв ашиглах талаар зааварчилгаа өгөв.
“Шинэ зууны боловсрол” төслийн хүрээнд сумдын интернетийн холболтын
судалгаа авч нийт 16 сум 6 өрхийг утасгүй сүлжээ (WLAN) болон дотоод
сүлжээний (Router, UPS) тоног төхөөрөмж суурилууллаа.
Байгууллагын барилгын засвартай холбогдуулан бүх
сүлжээний утсыг шинэчлэн, бүх утсыг далдлав.
Үр дүн: Эрүүл мэндийн газар болон сумын эрүүл мэндийн төвүүдийн мэдээлэл
болон тоног төхөөрөмжийн нөөцийн урсгал байнгын тасралтгүй, аюулгүй

2. ажиллагаатай болсноор эмч, эмнэлгийн мэргэжилтнүүдийн хэвийн ажиллах
нэгээхэн хэсэг бүрдлээ.
Хэвлэлийн эх болон тараах материал бэлтгэх чиглэлээр: Эрүүл мэндийн
газрын 2017 оны календарьчилсан төлөвлөгөөний эх, эмч нарын баярын өдрийн
хүндэтгэлийн хүлээн авалтын урилга, тус баярт зориулсан спортын тэмцээний
өргөмжлөл, медаль, аннонс, байгууллагын схем зургийн эх, “Онол практикийн бага
хурал”-ын өргөмжлөл, “Элэг бүтэн Монгол” хөтөлбөрийн баннерын эх,
сурталчилгааны тараах материалын эх, “Мянган цагаан нөмрөгтөн”
чуулга уулзалтанд зориулсан байгууллагын товч танилцуулгын самбарын эх, ажил
мэргэжлийн уралдаанд оролцсон багуудад дурсгалын фото зураг бэлтгэж,
хэвлүүлэх, “Багш шавийн эрдмийн уулзалт”-ын аннонс эх, “Үгтэй шатны
наалддаг стикер”, “Томуу, томуу төст өвчнөөс урьдчилан сэргийлэх аргууд” тараах
материал, “Эмийн гаж нөлөө, эмийн зохисгүй хэрэглээ, эмийн зохистой хэрэглээ,
антибиотикийг хариуцлагатай хэрэглэе” сэдэвт тараах материал, “ХДХВ/ДОХ-ын
эсрэг өдөр” –ийн сурталчилгааны тараах материал, “ХШҮМ- ийн хэлтсийн
мэдээллийн самбар”, “Эх хүүхдийн эрүүл мэндийн төлөө хамтдаа” урилга, ЭМГ-
ын лого болон төрийн сүлд, статистикийн мэдээллийн самбар, Ховд аймгийн эрүүл
мэндийн салбарын хүний нөөцийн холбогдолтой самбарууд, Ховд аймгийн эрүүл
мэндийн салбарын хөрөнгө оруулалтын самбар, Төрийн албан хаагчдын эрхэмлэх
9 зүйлийн талаарх самбар, Нийгмийн эрүүл мэндийн хэлтсийн самбар,
байгууллагын алсын хараа, эрхэм зорилго, танилцуулах самбар, бүдүүвч
зураглалын эх, сумын эрүүл мэндийн төвүүд болон өрхийн эрүүл мэндийн
төвүүдийн танилцуулах самбар, өрөөнүүдийн хаягжилт, гэрчилгээ, сертификат гэх
мэт байгууллагаас зохион байгуулсан бүхий л арга хэмжээний хэвлэлийн эхийг
бэлтгэлээ.
Үр дүн: Нийт 3040ш тараах материал болон ажилчдын хэрэгцээт материал хэвлэж
эх бэлтгэлийн зардлыг тооцохгүйгээр 1.520.000 төгрөгийг байгууллагын урсгал
зардлаас хэмнэж ажилалаа.
Компьютер формат, засвар үйлчилгээний чиглэлээр: Булган сумын
нэгдсэн эмнэлгийн нийт 16 компьютерт UPS суурилуулан UPDATE хийж
шинэчилэн эмч эмнэлгийн ажилчдад нь компьютер дээр саадгүй ажиллах
боломжийг бүрдүүллээ. Байгууллагын нийт 23 компьютерт вирусийн эсрэг
программ суулгаж, аюулгүй байдлыг хангаж ажиллалаа. Эрүүл мэндийн газар
болон сум өрхийн эрүүл мэндийн төвүүдийн нийт 25ш компьютер, 3 үйлдэлтэй
принтер, Pad зэргийг засч, засвар үйлчилгээ хийлээ.
Үр дүн: Эрүүл мэндийн газар болон өрхийн эрүүл мэндийн төв, сумын эрүүл
мэндийн төвүүдийн компьютер бусад тоног төхөөрөмж хэвийн үйл ажиллагаатай
болсноор урсгал зардал хэмнэж эмч мэргэжилтнүүд ажлаа цаг алдалгүй хэвийн
явуулах нөхцөл бүрдлээ.
Хяналт, шинжилгээ үнэлгээний чиглэлээр: ХШҮ –ний ажлын хэсгийн
хурлыг 2017 онд 3 удаа хийхээр төлөвлөж, 100 хувь хийгдлээ. Нэгдүгээр хурлыг
2017 оны 2-р сарын 20 –нд байгууллагын нийт ажилчдын дунд зохион байгуулж
хурлаар 2016 онд хийсэн ХШҮ, 2017 онд хийх ХШҮ –ний нэгдсэн хуваарийг,
хоёрдугаар хурлыг тус оны 10 сарын 04 -нд хийж эхний хагас жилд хийсэн хяналт,
үнэлгээ болон түүний тайлан, зөвлөмжүүд, мөн СӨЭМТ, ЭМГ –ыг үнэлсэн сэтгэл
ханамжийн судалгааны нэгдсэн дүнг тус тус танилцууллаа. Гуравдугаар хурлаар

3. 2017 онд хийсэн ХШҮ-ний нэгдсэн хуваарийн дагуу хийгдсэн хяналт, шинжилгээ,
үнэлгээний үр дүн, сургамжуудын талаар болон 2018 онд хийгдэх ХШҮ-ний талаар
ярилцлаа.
2017 онд Булган сумын НЭ, Мөст сум дундын эмнэлэг, сум, өрхийн эрүүл
мэндийн төвийн 22 байгууллагуудад тус бүр 2 удаа, БОЭТ-ийн Амаржих газар,
Зооноз өвчин судлалын төв, хувийн эмнэлэг, эмийн сангууд гэх мэт нэр бүхий 23
байгууллагуудад батлагдсан удирдамжийн дагуу хяналт, үнэлгээ хийж, тайланг
зөвлөмж, албан тоотын хамт тухайн байгууллага, сумын Засаг дарга болон
аймгийн ЗД-ын нийгмийн асуудал хариуцсан орлогчид тус тус хүргүүлэн ажиллав.
Тайлант хугацаанд нийт 68 эрүүл мэндийн байгууллагад дэмжлэгт хяналт,
шинжилгээ, үнэлгээ хийж, мэргэжил арга зүйн зөвлөгөө өгчээ.
Үр дүн: Тухайн эрүүл мэндийн байгууллагад холбогдох чиглэлээр мэргэжил арга
зүйн зөвлөмж өгч, аливаа зөрчил болон асуудлуудыг газар дээр нь шийдвэрлэж,
сум орон нутгийн удирдлагуудад нөлөөллийн ажлуудыг хийлээ.
Дотоод ажлууд: Баруун болон хангайн бүсийн эрүүл мэндийн газрын
ажилчдын спортын 2-р бага наадамд хэлтсийн мэргэжилтнүүд холбогдох
төрлүүдээр амжилттай оролцлоо. Монгол улсын Ерөнхийлөгчийн зарлигаар хавар,
намар мод тарих ажил болон олон нийтийн газруудад нийтийн цэвэрлэгээ хийх,
байгууллага хамт олноо төлөөлөн дээд байгууллагаас зохион байгуулсан уулзалт,
хэлэлцүүлэг, сургалт гэх мэт олон нийтийн ажлуудад баг хамт олноороо идэвхитэй
оролцов. Байгууллагын барилгын засварын ажилтай холбоотой өөрсдийн албан
өрөө тасалгааны ая тухтай байдлыг хангаж, холбогдох цэвэрлэгээ үйлчилгээ,
бусад ажлуудыг санаачлан хийлээ. Аймгийн эрүүл мэндийн газраас нэгтгэгдэх
холбогдох баримт бичгүүдийг хагас болон бүтэн жилээр хэрэгжилтийг тооцож,
дээд байгууллагуудад хуулийн хугацаанд нь хүргүүлж ажиллалаа.
Үр дүн: Хамт олны хоорондын харилцаа, хамтын үйл ажиллагаа болон
хамтач байх, багаар ажиллах чадварууд нэмэгдэж байна.
ХЯНАЛТ, ШИНЖИЛГЭЭ, ҮНЭЛГЭЭ, МЭДЭЭЛЛИЙН ХЭЛТЭС