Aurtengo oporretan Euskadiko eskaintza turistikoa kontsumitzen lehenak izateko eskatu die Lakuak EAEko herritarrei

1. Aurtengo oporretan Euskadiko eskaintza turistikoa
kontsumitzen lehenak izateko eskatu die Lakuak EAEko
herritarrei
Eusko Jaurlaritzako Merkataritza eta Turismoko sailburuorde Itziar
Epalzak euskal eskualdeen interesa eta aniztasuna nabarmendu ditu
BECeko Expovacaciones azoka inauguratzeko ekitaldian, eta aurtengo
oporretan Euskadi erreferentziako opor-leku gisa aukeratzeko deia egin
die EAEko herritarrei
Itziar Epalza:
Hementxe gaude azoka honetan; azoka garrantzitsua, benetan, turismoa
indartzeko; sektore hori ere lehia bizian ari baita, egunetik egunera hobetzen.
Ildo horretatik, bi erreferentzia aipatu nahi ditut; ezin dugu inola ere ahaztu eta
oso gogoan izan behar dugu, datozen hilabeteetan, milioika pertsona hasiko
dela oporraldian zer egin pentsatzen eta prestatzen:
Lehenik eta behin, hemengo jendeari, euskaldunoi, zuzendu behar natzaizue,
gure lurra biziki maite dugunez, bertako turismo-eskaintzaren kontsumitzailerik
handienak gu geu izan gaitezen. Euskal Herrian bertan zenbat txoko eder,
zenbat inguru zoragarri... oraindik ezagutu gabe! Gure hiru hiriburuak ere
indartsu eta erakargarri! Oraindik asko daukagu ezagutzeko eta oraintxe da
abagunea gure Herria ezagutzen hasteko!
Urte askoan estatu barneko turismoa izan da erreferente nagusi gure sektore
honetan. Baina, orain, Espainiako ekonomia egoera latz horretan egonda,
inguruko erkidegoetako bisitari-kopurua jaitsi egin da. Hemen argi izan behar
dugu Euskadi Basque-Country marka, erreferentzia dela mundu osoan... eta ez
da kasualitatea, herri berezia garelako, eragozpen eta arazoei aurrez aurre
erantzuten diegulako.
Horixe da, hain zuzen ere, gaur goizean aipatu nahi nuen bigarren
erreferentzia: Eusko Jaurlaritzan arlo guztietan ari gara lanean Euskadi-Basque
Country markaren alde, edozein gai saltzeko garaian marka berezia, bakarra
eta indartsua izateak dituen abantailak ezagutzen ditugulako, eta, batez ere,
munduan kalitatearen sinonimoa delako.
Gure mundu hau gero eta globalizatuagoa da, gero eta lehiakorragoa, eta
informazioa noiznahi eta nonahi dago; denok lehian, nork bere turismo-lekura
nor erakarriko. Gure burua garatzeko funtsezko tresna dugu marka. Gure berri
zabaldu behar dugu munduan, gurera erakarri, gure eskaintza erakutsi...
Ezinbestekoa da hori.
Joan den martxoan, atzerriko bisitarien sarrera-kopuruen emaitzak azken lau
urteotako onenak izan dira, eta, nazioarteko turistei dagokienez, bisiten eta
ostatu-gauen kopuruan gehien hazi den laugarren erkidegoa gara estatu osoan.
Horixe dugu bidea... erreferentzia bihurtzea eta lehiakor jokatzea hortxe,
erantzunik onena lortuko dugun arlo horretan; eta, batez ere, ez dugu ahaztu

2. behar urte turistikoa korapilatsua izango dela, eta gu geu aurre-aurrean egon
behar dugula geureari eusten.