Ymunwch â ni ar daith i ddyfodol disgleiriach i Gymru! Mae’r delweddau a ganlyn yn dangos sut y gall Bil Llesiant Cenedlaethau’r Dyfodol wneud Cymru’n lle ardderchog i fyw a gwneud busnes.

1. Ymunwch â ni ar daith i ddyfodol disgleiriach i Gymru….
…Mae’r delweddau a ganlyn yn dangos sut y gall Bil Llesiant Cenedlaethau’r Dyfodol
wneud Cymru’n lle ardderchog i fyw a gwneud busnes.

2. Yn y dyfodol...mae Cymru’n datblygu mewn ffordd gynaliadwy, mae ei chyrff cyhoeddus yn
gwneud penderfyniadau sy’n golygu y collir cyn lleied o natur ag sy’n bosibl ac yn helpu i leihau’r
newid yn yr hinsawdd. Mae gwledydd eraill yn dilyn llwybr Cymru i ddyfodol disgleiriach.

3. Yn y dyfodol...rydyn ni’n parchu terfynau ein hamgylchedd, gan gymryd dim ond ein cyfran deg
o’r bwyd, ynni a deunyddiau mae natur yn eu darparu, ac yn gwastraffu dim ond ychydig bach.

4. Yn y dyfodol...mae nwyddau a gwasanaethau sy’n cael eu prynu gan gyrff cyhoeddus yng Nghymru
(fel ein hysgolion a’n hysbytai) yn dod o ffynonellau moesegol a chynaliadwy – maent yn gwneud
cyn lleied o niwed i fyd natur ag sy’n bosibl ac yn rhoi sicrwydd bod y bobl sy’n eu cynhyrchu a’u
dosbarthau’n cael eu trin yn deg.

5. Yn y dyfodol...rydyn ni wedi lleihau ein cyfraniad at y newid yn yr hinsawdd yn fyd-eang gymaint ag
sy’n bosibl, ac wedi sicrhau hinsawdd fwy diogel a sefydlog i’n plant ei hetifeddu. Mae bywyd gwyllt
yn ffynnu yn yr hinsawdd hon ac rydyn ni’n gallu tyfu mwy o’n bwyd ein hunain.
.

6. Yn y dyfodol...mae gennym gomisiynydd yn llais annibynnol yr ymddiriedir ynddo sy’n
cynrychioli barn y gymdeithas yng Nghymru ac yn helpu’r llywodraeth i lywio taith Cymru i
ddyfodol disglair.

7. Heddiw...rydyn ni’n rhan o gymuned o fwy nag 20 o elusennau, mentrau cymdeithasol a
grwpiau cymunedol yng Nghymru y mae eu gwaith yn cynorthwyo pobl a natur i ffynnu.
Rydyn ni i gyd yn gweithio ar faterion gwahanol, ond rydyn ni’n llefaru ag un llais ynghylch
pam y mae Bil Llesiant Cenedlaethau’r Dyfodol mor bwysig a sut y gall helpu cenedlaethau
o’n teuluoedd yn y dyfodol i fyw bywydau iach, hapus a diogel. Cewch wybod mwy ar
www.shapingfuturewales.org.
Cafodd Dyfodol Disglair Cymru ei ddatblygu gan WWF Cymru i’r Gynghrair Datblygu Cynaliadwy © 2014