1. Դիջիպատում
• Այս տարի ինձ համար շատ հետաքրքիր սկսվեց: Մենք
շատ ուրախ օրեր անցկացրեցինք ընկեր Աշխենի և
ընկեր Արմինեի հետ: Ուզում եմ առաջինը նշել մեր
կատարած ուսումնական ճամփորդության մասին
դեպի Մեղրաձոր: Այդ օրը ես ինձ շատ լավ էի
զգում, որովհետև իմ մայրիկն էլ էր եկել մեզ հետ
ճամփորդության: Երբ հոգնած եկանք տուն, այնքան
ոգևորված էինք, որ միանգամից նեթբուքս
վերցրեցի, կանչեցի մայիրիկիս և միասին սկսեցինք
պատրաստել մի տեսաֆիլմ այդ ճամփորդության
մասին:
2. Հաջորդ շատ հետաքրքիր վայրը, որ գնացինք`
աստղացուցարանն էր: Մինչև այնտեղ գնալը, մենք ընկեր
Աշխենի և ընկեր Արմինեի հետ շատ հետաքրքիր բաներ
իմացանք աստղերի, արեգակի, լուսնի մասին: Օրինակ ես
գիտեմ որ աշխարհում առաջին անգամ տիեզերանավով
թռիչք կատարեց Յուրի Գագարինը, կամ էլ գիտեմ, որ
լուսինը մեզ ամենամոտ երկնային մարմինն է, որ այն օդ
չունի և այդ պատճառով էլ այնտեղ կյանք չկա:
3. Հաջորդ հետաքրքիր բանը եղավ էն, որ պատրաստվում էինք
թթու դնել դպրոցում: Ինձ համար ամենահետաքրիր պահը
թթվի համար գնումներ կատարելն էր: Ընկեր Արմինեն այդ
ժամանակ հանդիսանում էր իմ մայրիկը: Երբ գնումները
կատարեցինք ու եկանք դպրոց, սկսեցինք դպրոցի
խոհանոցում թթու դնել: Այդ օրը ես ինձ մի տեսակ մեծ
զգացի, որովհետև առաջին անգամ դանակ վերցրեցի ձեռքս և
փորձեցի ինքս կտրատեմ վարունգը, կաղամբը և գազարը:
4. Վա՜յ, հիմա ամենա -ամենա հետքրքիր պահին հասա:
Կռահեցի՞ք: Ասեմ. ձմեռային ճամբարը, որտեղ մենք շատ
հետաքրքիր օրեր անցկացրեցինք: Պատրաստվում էինք
Ամանորին: Մենք ներկայացնում էինք Ֆրանսիան: Ճամբարի
ընթացքում շատ հետքարքրքիր բաներ իմացանք Ֆրանսիայի
մասին: Ընկեր Արմինեի և ընկեր Աշխենի հետ
պատրաստեցինք Սուրբ ծննդյան թղթե հրեշտակներ և
զարդարեցինք մեր դասարանը գունավոր լույսերով և
փուչիկներով:
5. Մի օր դպրոցից ուրախ վազելով մտա տուն, վերցրեցի տեսախցիկը ու
մայրիկիս պահանջեցի, որ ինձ նկարահանի տոնածառ զարդարելուց և
տեղադրի մեր դպրոցի կայքում: Չնայած մայրիկս շատ հոգնած էր, բայց
իմ պահանջը սիրով կատարեց: Մենք միասին մի փոքրիկ տեսաֆիլմ
պատրաստեցինք: Ճամբարի վերջում ամանորյա մեծ ծես եղավ, որտեղ
մենք ֆրանսիական վալս պարեցինք: Իմ մայրիկը այդ օրը ինձ շատ
գեղեցիկ էր հագցրել: Այդ օրը ես երկու շատ կարևոր բան հասկացա.
Առաջինը, որ ես իսկական սեբաստացի եմ և երկրորդը որ ես աշխարհի
ամենալավ մայրիկն ունեմ:
Այս տարվա մասին այսքանը: Երևի էլի շատ հետաքրքիր բաներ բաց
թողեցի, բայց հուսով եմ, որ իմ դասընկերները կլրացնեն իրենց
պատումների մեջ:
