1. Bədii ədəbiyyat oxumaq beyinə kömək edir
ABŞ-ın Atlanta Universitetinin alimləri uşaqlara daha çox bədii ədəbiyyat
oxumağı məsləhət görür. Alimlər apardıqları tədqiqatlar nəticəsində müəyyən
ediblər ki, bədii ədəbiyyata dair kitabların oxunması insan beyninə müsbət təsir
edir. Tədqiqatçılar 21 könüllüyə hər gün Robert Xarrisin real hadisələrin bəhs
olunduğu "Pompey" romanından 30 səhifə oxumağı təklif ediblər. Araşdırmalar
baş beyin kürəsinin sol hissəsində aktivləşmənin baş verdiyini və onun sonrakı
dövrdə də davam etdiyini müəyyən edib.
Alimlər qeyd edirlər ki, beyindəki dəyişikliklərin xarakteri ondan xəbər verir
ki, oxucu özünü roman qəhrəmanı kimi hiss etməyə başlayır. Alimlər bu qənaətə
gəliblər ki, bədii əsərlər insana özünü real, bioloji səviyyədə yaxşı hiss etməyə
kömək edir.
Oksford Universitetinin alimləri isə müəyyən edə biliblər ki, oxu zamanı işə düşən
mexanizmlər orqanizmə təsir edir. Öz növbəsində Susseks Universitetinin
araşdırmaçıları sübut ediblər ki, 6 dəqiqəlik mütaliə insanın streslərinin
səviyyəsini 23 dəfə azaldır.
http://www.muallim.edu.az/arxiv/2014/03/32.htm