2. Information
O le ‘ava o le feiloa’iga o le fa’ailoga lea o le talia
aloa’ia o se malaga e se nu’u. O le nu’u e taunu’u
iai le malaga, e fa’atinoina le ‘ava o le
fesilafa’iga. E masani ona tofu le matai ma lona
‘ava (tugase) e usu ai i le malaga. E ave fo’i ni
mea’ai e le nu’u i le taimi lea e usu ai. O taumafa
nei e ta’u o le fono a le ‘ava. A uma le ‘ava ona
a’ai ai lea o malo. Tasi lea aganu’u sa fiafia tele i
ai tagata Samoa i aso ua te’a o le talimalo. O le
‘ava la o le feiloaiga o se tasi lea o fa’ailoga o le
talia fiafia e le nu’u o se malaga po’o ni tagata
ese. E le so’ona afe fo’i malo i se fale o le nu’u
ao maota o ali’i taua aua e malu ai mai
fa’alavelave. A uma le ‘ava o le feiloaiga o le a
fa’apea ona fai e le malaga ni lafo o tulafale o le
nu’u e talia i latou.
3. Sa le masani ona fai ni meaalofa i ali’i ua
te’a. Peita’i o nei aso ua fai fo’i tofa
(meaalofa) a tamali’i atoa ai fo’i ma faife’au.
O le fa’asologa o lafo, e amata mai lava i le
tulafale o le nu’u na lauga, soso’o ai ma tula
na fa’atau, pito atu ai ma le tufa’ava ona o’o
atu ai lea i tulafale lautele. O nisi malaga e le
lafolafoina ta’itasi ae ave atoa i ai le tupe e
fa’asoa e le nu’u o latou lafo. O le taimi nei,
ua tele ina amata mai fa’aaloaloga i ali’i ona
fa’ato’a fa’asolo ai lea i tulafale. O se tasi
lena o suiga i le aganu’u i lenei vaitaimi.
4. 1. Fesili: “AVA O LE FEILOA’IGA
2. O lea le mea e ta’ua ole ‘ava o le feiloaiga? A
3. O le a le uiga o le upu tugase? A
4. Fa’amatala mai uiga o upu ‘fono o le ‘ava’ A
5. Aisea e masani ai ona o malo i maota o ali’i? A
6. O le a le mea e fai e le malaga i tulafale o le nu’u pe a uma le ’ava’? A
7. O le a le e ta’u o le ‘fa’atau a faleupolu? E
8. O le a le galuega a le tufa’ava e fai? M
9. O a mea e masani ona fai ai lafo o tulafale? E
10. O le a le eseesega o le ali’ ma le tulafale/ M