ARTIST SHEFQET AVDUSH EMINI Text nga Faruk tTasholli 2013

1. Piktori nga Kosova pushton qendra botërore të
artit
22.10.2013 - 22:08
Home » Kultura » Piktori nga Kosova pushton qendra botërore të artit
Vetëm për pak muaj, piktori kosovar Shefqet Avdush Emini, me artin e tij, merr pjesë në tri
qendra botërore të artit, pa llogaritur pjesën tjetër të ekspozitave të mëparshme.
Piktori kosovar me qëndrim në Holandë, Shefqet Avdush Emini, tashmë është bërë një krijues
lëvizës nëpër botë, qoftë me pjesëmarrje në ekspozita të rëndësishme, qoftë me pjesëmarrje në
juri profesionale apo edhe në qëndrime krijuese. Këtë funvderë, ai ishte pjesëmarrës i
simpoziumit tradicional të pikturës në Penza të Rusisë, ku nga 400 artistë konkurrentë të 23
shteteve, u pranuan 73 prej tyre. Pas kthimit nga ky simpozium i rëndësishëm ku marrin pjesë
edhe strukturat e ndryshme politik e shtetërore, piktori ynë Shefqet Avdush Emini na
deklaroi:
Unë jam i ndarë shumë i kënaqur me organizimin, kushtet e qëndrimit, pritjen e tjera… Kam
qene shumë i lumtur, sepse puna ime artistike është vlerësuar shumë nga të gjithë. Respekti ka
qenë vërtet në nivel të lartë… Kam pasur fatin që jam takuar me shumë artistë të mëdhenj dhe
relacioni shoqëror e kulturor ka qenë shumë i mirë në mes nesh. Kam krijuar një urë të re me

2. shumë vende të tjera të botës dhe me artistë shumë të rëndësishëm e me struktura të ndryshme
krijuese. Punën të cilën e kemi krijuar, ajo do të mbetet në koleksionin e simpoziumit e nuk
preferohet të bëhet biznes me të ! Unë vërtet jam ndarë shumë i kënaqur në përgjithësi dhe do
ë isha i lumtur po qe se me ftojnë prapë. Pas përfundimit të këtij simpoziumi në jemi në
kontakt të përhershëm me shumë artistë të vendeve të ndryshme të botës. Pas përfundimit të
simpoziumit të Rusisë, kam vazhduar direkt fluturimin në Sarajevë, në Bosnje, në një
simpozium tjetër. Aty jam takuar me disa shokë të tjerë ku jam njohur në simpoziumet e tjera
nëpër botë, por edhe aty kam krijuar shokë të tjerë. Për disa ditë kemi vizituar pjesë të
ndryshme të Bosnjës. Po ashtu, sipas programit, kemi pikturuar dhe në fund, piktura e ime dhe
e tre piktorëve të tjerë nga Turqia mbetën për ’’ Muzeun e Alija Izetbegoviqit’’. Ky ishte një
satisfaksion për mua, që puna ime, te mbetet edhe në atë muze të rëndësishëm në Bosnje.
Tani pritet të marr pjesë sërish në nëntor në festivalin e pikturës në Egjipt, ku kam marrë
thirrje para një kohë të gjatë. Jam shumë i sigurt qe edhe këtu do të ndahem shumë i kënaqur
si herat e tjera… Egjipti tani më është bërë si shtëpi e dytë. Edhe këtu si në shumë vende të
botës kam krijuar një rreth të gjerë të shoqërisë, dhe kujtimet e mia përherë janë shumë të
mira.
Faruk TAShOLlI