Axo Moure Contacontos galego

1. ANXO MOURE
Anxo Moure Mosquera é un escritor, contacontos e ecopacifista galego. Ten o proxecto
cultural, medioambiental e solidario : CONTOS SOLIDARIOS
.
•

2. LIBROS DE ANXO MOURE

3. CARAMULO E A CARPINTEIRA DOS SOÑOS Anxo
Moure e Cristina Ouro
Caramulo e a carpinteira dos soños é un libro que recolle o xeito de
contar da tradición oral dirixido á xente pequena, mais tamén ás nais e
aos pais. Pódese considerar unha homenaxe á sabedoría das persoas
que construían os xoguetes populares, representadas no vello Xepeto.
Caramulo cóntanos a orixe do seu nacemento: a súa vida formando
parte desas árbores autóctonas que predominan nos nosos bosques,
soutos e fragas, a súa caída e agocho entre as silveiras tras moitos
anos de contacto coas persoas, o descubrimento de Fernanda a
carpinteira do seu seco tronco e a súa conversión nun cabaliño de
madeira con vida propia que debe axudar a Teixo e Xacia para que a
xente deixe de contaminar a terra, manchar os ríos e armar guerras.

4. A XACIA LUVIÑAS
ANXO MOURE e Cristina Ouro
A xacia Luviñas é un libro que recolle o xeito de contar da tradición oral
dirixido á xente pequena, mais tamén ás nais e aos pais. Dá a coñecer
tamén as embarcacións tradicionais máis empregadas nos labores diarios
no río Miño. Conta a historia dun barqueiriño que co seu batuxo percorre
os mil e un ríos de Galiza, e de Luviñas, unha desas mulleres peixe que
viven nos pozos máis profundos dos ríos e que na tradición das
poboacións bañadas polo Miño se coñecen como xacias, que ensina ás
nenas e aos nenos a non pelexar e loitar pola paz, a coidar os ríos, a
recuperar os bosques e, sobre todo, a acariciar.

5. O CARBALLO CON BOTAS
Anxo Moure e Cristina Ouro

6. A MÚSICA DAS ÁRBORES
Anxo Moure e Servando Barreiro
«Graciano Zoqueiro, trasniño e gaiteiro, descubriu que as árbores
facían música. Cando o vento move as pólas nace unha sinfonía,
unha orquestración. Cando a chuvia cae nas follas soa un violín,
unha gaita, unha zanfona, cada vez que unha treboada fai danzar
os freixos ármase un espectáculo de ballet»
A música das árbores é un libro-disco que conxuga a narración, a
música e a poesía para falarnos da posibilidade dun mundo onde os
seus habitantes vivan en harmonía coa natureza e onde os
problemas se amañen facendo falar aos corazóns.

7. O PARAUGAS DAMEAUGAS
Anxo Moure e Cristina Ouro
A terra está triste, non chove. Que está sucedendo? Que
as nubes xa non saber ler as cartas dos bosques, por
culpa do lume e do lixo. Pero hai alguén que pode
axudarlles.
“DAME AUGAS, DAME AUGAS. CO CANTAR DAS
TÚAS BÁGOAS
ENCHE RÍOS, ENCHE FONTES CANDO ESVARES
POLOS MONTES”

8. SALGADIÑA A ESTRELA DE FISTERRA
Anxo Moure e Cristina Ouro
A estrela Salgadiña de Fisterra ensinaralle aos nenos a
coidar o mar a través dunha fermosa historia de amor que
transcurre en distintos espazos da costa galega: A
cascada do Xallas, o monte Pindo, a praia de Carnota e a
propia Fisterra.

9. Contos Solidarios é un proxecto cultural, medioambiental e de solidariedade promovido polo
contacontos galego Anxo Moure, que dende o ano 1989 percorre as terras de Galiza, Asturias,
Portugal, O Bierzo..., contando historias solidarias coa terra e coas persoas que a habitan.
Contos Solidarios defende o conto como ferramenta educativa, de sensibilización e loita para
construír un mundo en harmonía co ecosistema e garante da xustiza social.
http://www.contosolidarios.org/contosolidarios.htm

10. DIVERSOS PROXECTOS CONTOS SOLIDARIOS
http://www.contosolidarios.org/contosolidarios.htm
O PESCADOR DE CONTOS
A TITIRICICLETA
CONTOS NA CASA DAS ÁRBORES
CONTOS DA CICLOBIBLIOTECA
CONTOS DO CARBALLO CON BOTAS

11. BIBLIO CROCAIO
Agradecemos o diseño gráfico a pngtree
CEIP
EDUARDO
PONDAL
Vigo.
Febreiro 2.018