Monkey and Rabbit are best friends in the jungle. They think highly of themselves until they get into trouble.

1. Sugilanon ni: Ruth Romarate-Garcia
Dibuho ni: Alex Rubia Aparre
Ang Buotang
Bao
huni-huni.com

2. Si Luli kuneho ug Nato unggoy
nagpuyo sa usa ka lasang. Suod
kaayo sila nga managhigala.
Kanunay sila makadaog sa mga
dula sa mga mananap sa
kakahoyan.
huni-huni.com

3. “Nato, wala na’y makapildi
natong duha. Ikaw paspas ug
kusgan kaayo,” dayeg ni Luli.
“Ikaw Luli, abtik ug isog,”
tubag pa ni Nato.
Nagkinataw-anay ang duha
ka managhigala.
huni-huni.com

4. Niagi si Berting bao sa ilang tungod. “Maayong
buntag, Luli ug Nato,” malipayong pagtagad ni Bao.
Nangyam-id lang sila Nato ug Luli pagkakita nila ni
Berting. “Dali na Nato, manlakaw na ta,” ingon ni
Luli.
“Di kaapas nato ang mga hinayon," tubag ni Nato.
huni-huni.com

5. Masulub-ong nagtan-aw si Bato kay
Berting og Luli nga nibiya niya. Ganahan
siya makighigala nila apan nasayod siya sa
iyang kahinayon.
huni-huni.com

6. Usa ka buntag, nakahunahuna sila si Nato ug Luli nga moadto sa dako nga
sapa.
“Karon pa gyod ko nakaanhi dinhi kay layo-layo man ni sa atong gipuy-an,”
ingon ni Luli sa iyang higala.
“Dali na, mangambak na ta!” Nisablig ang tubig pag-ambak ni Nato.
huni-huni.com

7. Nagduhaduha sa pag-ambak si Luli. Kusog
siya modagan apan dili siya kabalo
molangoy. Wala niya ni gisulti kay Nato kay
nahadlok siya sungogon sa unggoy.
“Luli, dali na!” tawag pa ni Nato.
“Ha? Ah... ikaw lang usa. Mopahuway usa ko
dinhi sa may batohan,” pasumangil ni Luli.
huni-huni.com

8. Nagpadayon si Nato og salom-salom sa sapa. Sa iyang kalingaw, wala
siya nakabantay nga naabot siya sa lalom nga dapit. Nakuyawan siya
kay dili na siya makatugkad. Sa iyang kataranta, nakainom siya og
tubig. “Luli, tabang...tabang...” singgit niya.
huni-huni.com

9. “Hala, si Nato!” Nitindog si Luli ug nilingi siya sa
palibot kon naa bay laing mananap nga
makatabang og luwas ni Nato. Nakita niya si
Berting nga naglakaw.
“Berting! Pangita og tabang kay si Nato hapit na
malunod.”
“Mao ba? Sige, luwason nako siya,” maisog nga sulti
ni Berting.
“Ha? Ikaw ang moluwas niya?” dili makatuo nga
pangutana ni Luli.
huni-huni.com

10. Nitando si Berting. Iya dayong gipaspas og sulod
ang iyang ulo sa iyang kabhang ug gipaligid kini
sa sapa.
huni-huni.com

11. Nisalom si Berting ug gipangita si
Nato. Pagkakita niya niini,
gipasakay niya ang unggoy sa iyang
kabhang. Nilangoy dayon siya
padulong sa batohan aron ibutang
si Nato didto.
huni-huni.com

12. Naghingak-hingak ug nag-ubo-ubo si
Nato.
“Kumusta ang imohang paminaw, Nato?”
nabalaka nga pangutana ni Berting.
“Maayo na, Berting. Salamat ha,”
maulawaong tubag ni Nato. “Kon wala ka,
basin nalunod nako.”
huni-huni.com

13. “Pasayloa mi ni Nato, Berting. Dili ka namo ginatagad apan wala ka
nagduha-duha og luwas niya,” ingon ni Luli.
“Kinsa lang man ang magtinabangay nga kita ra man?” tubag ni Berting.
Gitabangan ni Luli ug Berting nga makabarog si Nato. Malipayon silang tulo
nga nagkinataw-anay ug nag-agbayay nga naglakaw palayo sa sapa.
huni-huni.com

14. Sugilanon ni: Ruth Romarate-Garcia
Dibuho ni: Alex Rubia Aparre
Gisusi ni: Claire Apigo-Guillano ug Cindy Velasquez
Walay bahin niining basahon nga mahimong
kopyahon sa bisan unsang paagi, elektroniko kon
kini walay pagtugot sa tigsulat ug tigpatik.
Bisita sa www.huni-huni.com aron makakuha og
uban pang materyales sa pampanudlo.
Ang Buotang Bao