Download to read offline
Ang araw na dapat ipangilin
- 2.
- 3. Sa loob ngIsrael ay ipinangingilin ang Sabbath. Paglabas sa Israel ay Friday at Sunday na ang pangilin. Bakit hindi Biernes at Linggo ang dapat ipangilin? May araw bang naiiba kaysa ibang araw? Gen 2:1 At nayari ang langit at ang lupa, at ang lahat na natatanaw sa mga iyon. 2 At nang ikapitong araw ay nayari ng Dios ang kaniyang gawang ginawa; at nagpahinga ng ikapitong araw sa madlang gawa niyang ginawa. 3 At binasbasan ng Dios ang ikapitong araw at kaniyang ipinangilin, sapagka't siyang ipinagpahinga ng Dios sa madlang gawang kaniyang nilikha at ginawa.
- 4. Ano ang dahilankung bakit ang ika-7 araw ay ipangingilin? At bakit hindi maaaring ilipat ang pangingilin na ito sa ibang araw? Exo 20:8 Alalahanin mo ang araw ng sabbath upang ipangilin. 9 Anim na araw na gagawa ka at iyong gagawin ang lahat ng iyong gawain. 10 Nguni't ang ikapitong araw ay sabbath sa Panginoon mong Dios: sa araw na iyan ay huwag kang gagawa ng anomang gawa, ikaw, ni ang iyong anak na lalake ni babae, ni ang iyong aliping lalake ni babae, ni ang iyong baka, ni ang iyong tagaibang lupa na nasa loob ng iyong mga pintuang daan: 11 Sapagka't sa anim na araw ay ginawa ng Panginoon ang langit at lupa, ang dagat, at lahat ng nangaroon, at nagpahinga sa ikapitong araw; na ano pa't pinagpala ng Panginoon ang araw ng sabbath, at pinakabanal.
- 5. Kinilala ba saBagong Tipan ang pangingilin ng ika-7 araw? Heb 4:3 Sapagka't tayong nagsisipanampalataya ay nagsisipasok sa kapahingahang yaon; gaya ng sinabi niya, Gaya ng aking isinumpa sa aking kagalitan, Sila'y hindi magsisipasok sa aking kapahingahan: bagama't ang mga gawa ay nangatapos mula nang itatag ang sanglibutan. 4 Sapagka't sa isang dako ay sinabi niya ang ganito tungkol sa ikapitong araw, At nagpahinga nang ikapitong araw ang Dios sa lahat ng kaniyang mga gawa;
- 6. Ang mga magsisisampalatayaba sa panahon ng Bagong Tipan ay dapat ding mangilin ng sabbath? Heb 4:9 May natitira pa ngang isang pamamahingang sabbath, ukol sa bayan ng Dios. 10 Sapagka't ang pumasok sa kaniyang kapahingahan ay nagpahinga naman sa kaniyang mga gawa, gaya ng Dios sa kaniyang mga gawa. 11 Magsipagsikap nga tayo ng pagpasok sa kapahingahang yaon, upang huwag marapa ang sinoman ayon sa gayong halimbawa ng pagsuway.
- 7. Ano ba angkaibahan ng Israel sa ibang bansa? Deu 14:2 Sapagka't ikaw ay isang banal na bayan sa Panginoon mong Dios, at ikaw ay pinili ng Panginoon upang maging bayan sa kaniyang sariling pag-aari, na higit sa lahat ng mga bayan na nasa ibabaw ng balat ng lupa. Deu 4:6 Ingatan nga ninyo at inyong isagawa; sapagka't ito ang inyong karunungan at ang inyong kaalaman sa paningin ng mga tao, na makakarinig ng mga palatuntunang ito, at magsasabi, Tunay na ang dakilang bansang ito ay isang pantas at maalam na bayan. 7 Sapagka't anong dakilang bansa nga ang may dios na napakalapit sa kanila, na gaya ng Panginoon nating Dios kailan man tayo'y tumawag sa kaniya? 8 At anong dakilang bansa nga, ang may mga palatuntunan at mga kahatulang napaka-tuwid na gaya ng buong kautusang ito, na aking inilalagda sa harap ninyo sa araw na ito?
- 8. Papaano tayong mgasumampalataya na hindi naman mga Israel? Eph 2:11 Kaya nga alalahanin ninyo, na kayo noong una, mga Gentil sa laman, tinatawag na Di-pagtutuli niyaong tinatawag na Pagtutuli sa laman, na ginawa ng mga kamay: 12 Na kayo nang panahong yaon ay mga hiwalay kay Cristo, na mga di kabilang sa bansa ng Israel, at mga taga ibang lupa tungkol sa mga tipan ng pangako, na walang pagasa at walang Dios sa sanglibutan. 13 Datapuwa't ngayon kay Cristo Jesus kayo na noong panahon ay nalalayo ay inilapit sa dugo ni Cristo.
- 9. Bakit lahat ngpaniniwala natin ay galing sa Israel? Rom 3:1 Ano nga ang kahigitan ng Judio? o ano ang mapapakinabang sa pagtutuli? 2 Marami sa anomang paraan: ang una sa lahat, ay ipinagkatiwala sa kanila ang mga aral ng Dios.
- 10. Tinatanggap ba ngDios ang pangingilin ng sabbath ng mga taga ibang bansa na umiibig sa Dios? Isa 56:6 Gayon din ang mga taga ibang lupa, na nakikilakip sa Panginoon, upang magsipangasiwa sa kaniya, at magsiibig sa pangalan ng Panginoon, upang magsipangasiwa sa kaniya, at magsiibig sa pangalan ng Panginoon, upang maging kaniyang mga lingkod,bawa't nangingilin ng sabbath upang huwag lapastangin, at nagiingat ng aking tipan;
- 11. Maaari ba natingpiliin na mapasama sa bayan ng Dios? Ruth 1:15 At sinabi niya, Narito, ang iyong hipag ay bumalik na sa kaniyang bayan, at sa kaniyang dios; bumalik kang sumunod sa iyong hipag. 16 At sinabi ni Ruth, Huwag mong ipamanhik na kita'y iwan, at bumalik na humiwalay sa iyo; sapagka't kung saan ka pumaroon, ay paroroon ako: at kung saan ka tumigil, ay titigil ako: ang iyong bayan ay magiging aking bayan, at ang iyong Dios ay aking Dios:
- 12. Eze 20:20 Atinyong ipangilin ang aking mga sabbath; at mga magiging tanda sa akin at sa inyo, upang inyong maalaman na ako ang Panginoon ninyong Dios. Ano ba ang tanda ng Dios sa kaniyang bayan? Ano ang tatak na inilagay niya sa Israel?
- 13. Ano ba angkaugnayan ni Cristo sa sabbath? Mat 12:8 Sapagka't ang Anak ng tao ay panginoon ng sabbath. Juan 1:1 Nang pasimula siya ang Verbo, at ang Verbo ay sumasa Dios, at ang Verbo ay Dios. 2 Ito rin nang pasimula'y sumasa Dios. 3 Ang lahat ng mga bagay ay ginawa sa pamamagitan niya; at alin man sa lahat ng ginawa ay hindi ginawa kung wala siya. 14 At nagkatawang-tao ang Verbo, at tumahan sa gitna natin (at nakita namin ang kaniyang kaluwalhatian, kaluwalhatian gaya ng sa bugtong ng Ama), na puspos ng biyaya at katotohanan.
- 14. Nagpakita ba siyang halimbawa ng pangingilin ng sabbath? Luk 4:15 At nagtuturo siya sa mga sinagoga nila, na niluluwalhati ng lahat. 16 At siya'y napasa Nazaret na kaniyang nilakhan: at ayon sa kaniyang kaugalian, siya'y pumasok sa sinagoga nang araw ng sabbath, at nagtindig upang bumasa.
- 15. Ano ang katunayanna nangingilin si Cristo ng sabbath? Mat 5:17 Huwag ninyong isiping ako'y naparito upang sirain ang kautusan o ang mga propeta: ako'y naparito hindi upang sirain, kundi upang ganapin. 18 Sapagka't katotohanang sinasabi ko sa inyo, Hanggang sa mangawala ang langit at ang lupa, ang isang tuldok o isang kudlit, sa anomang paraan ay hindi mawawala sa kautusan, hanggang sa maganap ang lahat ng mga bagay. 19 Kaya't ang sinomang sumuway sa isa sa kaliitliitang mga utos na ito, at ituro ang gayon sa mga tao, ay tatawaging kaliitliitan sa kaharian ng langit: datapuwa't ang sinomang gumanap at ituro, ito'y tatawaging dakila sa kaharian ng langit.
- 16. Ano raw siCristo ayon sa kaniyang mga kaaway? Joh 9:16 Ang ilan nga sa mga Fariseo ay nangagsabi, Ang taong ito'y hindi galing sa Dios, sapagka't hindi nangingilin sa sabbath. Datapuwa't sinasabi ng mga iba, Paano bagang makagagawa ng gayong mga tanda ang isang taong makasalanan? At nagkaroon ng pagkakabahabahagi sa gitna nila.
- 17. Papaano ni Cristoipinagtanggol ang kaniyang sarili sa paratang na ito? Ang pagpapagaling ba niya sa araw ng sabbath ay paglabag sa kautusan? Luk 6:1 Nangyari nga nang dumaraan siya sa mga trigohan nang isang sabbath, ay kumitil ng mga uhay ang mga alagad niya, at kinakain pagkaligis sa kanilang mga kamay. 2 Datapuwa't sinabi ng ilan sa mga Fariseo, Bakit ginagawa ninyo ang di matuwid gawin sa araw ng sabbath?
- 18. 3 At pagsagotsa kanila ni Jesus ay sinabi, Hindi baga nabasa ninyo ang ginawa ni David, nang siya'y magutom, siya, at ang mga kasamahan niya; 4 Kung paanong siya'y pumasok sa bahay ng Dios, at kumain ng mga tinapay na handog, at binigyan pati ang kaniyang mga kasamahan; na hindi naaayon sa kautusan na kanin ninoman kundi ng mga saserdote lamang? 5 At sinabi niya sa kanila, Ang Anak ng tao ay panginoon ng sabbath. 6 At nangyari nang ibang sabbath, na siya'y pumasok sa sinagoga at nagturo: at doo'y may isang lalake, at tuyo ang kaniyang kanang kamay.
- 19. 7 At inaabangansiya ng mga eskriba at ng mga Fariseo, kung siya'y magpapagaling sa sabbath; upang makasumpong sila ng paraan na siya'y maisakdal. 8 Datapuwa't nalalaman niya ang kanilang mga kaisipan; at sinabi niya sa lalake na tuyo ang kamay, Magtindig ka at tumayo ka sa gitna. At siya'y nagtindig at tumayo. 9 At sinabi sa kanila ni Jesus, Itinatanong ko sa inyo, Matuwid bagang gumawa ng magaling, o gumawa ng masama kung sabbath? magligtas ng isang buhay o pumuksa?
- 20. 10 At minamasdanniya silang lahat sa palibotlibot, at sinabi sa kaniya, Iunat mo ang iyong kamay. At ginawa niyang gayon; at gumaling ang kaniyang kamay. 11 Datapuwa't sila'y nangapuno ng galit; at nangagsangusapan, kung ano ang kanilang magagawang laban kay Jesus.
- 21. Ang mga alagadba ni Cristo ay mga Sabadista din? Papaano nila pinahahalagahan ang Sabbath? Luc 23:50 At narito ang isang lalaking nagngangalang Jose, na isang kasangguni, isang lalaking mabuti at matuwid: 51 (Siya'y hindi umayon sa kanilang payo at gawa), isang lalaking taga Arimatea, bayan ng mga Judio, na naghihintay ng kaharian ng Dios; 52 Ang taong ito'y naparoon kay Pilato: at hiningi ang bangkay ni Jesus.
- 22. 53 At ito'yibinababa niya, at binalot ng isang kayong lino, at inilagay sa isang libingang hinukay sa bato, na doo'y wala pang nalilibing. 54 At noo'y araw ng Paghahanda, at nalalapit na ang sabbath. 55 At ang mga babae, na nagsisama sa kaniya mula sa Galilea, ay nagsisunod, at tiningnan ang libingan, at kung paano ang pagkalagay ng kaniyang bangkay.
- 23. Anong ginawa ngkaniyang mga alagad pagdating ng Sabbath? Luk 23:56 At sila'y nagsiuwi, at nangaghanda ng mga pabango at mga unguento. At nang araw ng sabbath sila'y nangagpahinga ayon sa utos.
- 24. Papaano iningatan ninaPablo at ng mga sumasampalataya sa kanilang aral ang Sabbath? Gawa 13:14 Datapuwa't sila, pagkatahak sa Perga, ay nagsidating sa Antioquia ng Pisidia; at sila'y nagsipasok sa sinagoga nang araw ng sabbath, at nagsiupo. 42 At pagalis nila, ay kanilang ipinamanhik na salitain sa kanila ang mga salitang ito sa sabbath na susunod. 43 Nang makaalis nga ang kapisanan sa sinagoga, marami sa mga Judio at nangaging-Judiong masisipag sa kabanalan ay nagsisunod kay Pablo at kay Bernabe; na, sa pagsasalita sa kanila, ay sila'y hinimok na magsipanatili sa biyaya ng Dios. 44 At nang sumunod na sabbath ay nagkatipon halos ang buong bayan upang pakinggan ang salita ng Dios.
- 25. Ano ang katunayanna mahigpit na sinusunod ni Pablo ang kautusan? Act 23:6 Datapuwa't nang matalastas ni Pablo na ang isang bahagi ay mga Saduceo at ang iba'y mga Fariseo, ay sumigaw siya sa Sanedrin, Mga kapatid na lalake, ako'y Fariseo, anak ng mga Fariseo: ako'y sinisiyasat tungkol sa pagasa at pagkabuhay na maguli ng mga patay.
- 26. Papaano ni Pabloiniingatan ang sabbath? Gawa 17:2 At si Pablo, ayon sa ugali niya ay pumasok sa kanila, at sa tatlong sabbath ay nangatuwiran sa kanila sa mga kasulatan, 3 Na binubuksan at pinatunayan na kinakailangang si Cristo ay maghirap, at muling mabuhay sa mga patay; at itong si Jesus, aniya, na aking ipinangangaral sa inyo, ay siyang Cristo. 4 At nangahikayat ang ilan sa kanila, at nakikampi kay Pablo at kay Silas; at gayon din ang lubhang maraming mga Griegong masisipag sa kabanalan, at hindi kakaunting mga babaing mararangal.
- 27. Ano ang ginagawamga unang Kristiano pagdating ng sabbath kung sa lugar nila ay walang kapilya? Gawa 16:13 At nang araw ng sabbath ay nagsilabas kami sa labas ng pintuan sa tabi ng ilog, na doo'y sinapantaha naming may mapapanalanginan; at kami'y nangaupo, at nakipagsalitaan sa mga babaing nangagkatipon.
- 28. Bagong Tipan Sabbath Sunday 72verses 8 verses
- 29. Ang Bagong Tipanba ay nangangahulugan na bagong araw na pangilin? Ano ba talaga ang Bagong Tipan at kanino ito ginawa? Heb 8:8 Sapagka't sa pagkakita ng kakulangan sa kanila, ay sinabi niya, Narito, dumarating ang mga araw, sinasabi ng Panginoon, Na ako'y gagawa ng isang bagong pakikipagtipan; sa sangbahayan ni Israel at sa sangbahayan ni Juda. 9 Hindi ayon sa tipang aking ipinakipagtipan sa kanilang mga magulang Nang araw na sila'y aking tangnan sa kamay, upang sila'y ihatid sa labas ng lupain ng Egipto; Sapagka't sila'y hindi nanatili sa aking tipan, At akin silang pinabayaan, sinasabi ng Panginoon. 10 Sapagka't ito ang pakikipagtipang aking gagawin sa sangbahayan ni Israel Pagkatapos ng mga araw na yaon, sinasabi ng Panginoon; Ilalagay ko ang aking mga kautusan sa kanilang pagiisip, At sa kanilang mga puso'y aking isusulat ang mga ito. At ako'y magiging Dios nila, At sila'y magiging bayan ko:
- 30. 1Jn 5:3 Sapagka'tito ang pagibig sa Dios, na ating tuparin ang kaniyang mga utos: at ang kaniyang mga utos ay hindi mabibigat.
- 31. Ano ang pamanhiksa atin ni Cristo? Papaano natin mapapatunayan ang ating pagibig sa kaniya? Joh 14:15 Kung ako'y inyong iniibig, ay tutuparin ninyo ang aking mga utos.
- 33. KUNG BAKIT IBA-IBANGARAW ANG PANGILIN Alfred M. Vitto Ang pangilin ay depende sa Diyos na sinasamba Araw ng Sabbath kay Yahweh, Biernes naman ang kay Allah Ang pangilin nama'y Linggo pag araw ang sinasamba Pag ang Dios ay di kilala, ang pangilin ay wala na Relehiyon ng Kristiano'y nagmula sa mga Judio Lahat sila'y Sabadista kasama si Jesu Cristo Ang lahat ng disipulo pati na nga si San Pedro Ang kulturang kinagisnan ay mangilin ng Sabado
- 34. Pangingilin ng Sabado'ynagmula sa Diyos natin Isinulat pa sa bato't baka ito ay limutin Nang si Cristo'y maging tao, Sabbath ay pinangilin din Mga Judio ay nagalit bakit s'yay nagpapagaling Kung Linggo ang sinusunod sinong Diyos ang nag-utos Maganda ay patunayan, basahin na para ayos Ang pangingilin ng Biernes lalong malaki ang gusot Pagkat sa banal na Koran Sabado rin ang s'yang utos Ito kasing pangingilin laging mayrong pinagmulan Ang Sabbath sa sampung utos alaala ng paglalang Pag sinabing ika-7 hindi na pwedeng palitan Pag pangili'y naging Linggo lihis na sa kasaysayan
- 35. Pag Sabado angpangilin sumusunod ka na sa Dios Hindi 'to pagkakamali kundi pagsunod sa utos Kahit ano ang mangyari utos na 'to'y hindi bugos Mababasa sa Biblia, katunayan nga 'tong lubos Kung sakaling nagkataong ikaw ang s'yang naging Dios Baka ika'y mas mabagsik na magpasunod ng utos Kung inutos mo ay Linggo't ibang araw ang sinunod Baka tao'y laging gulpi, parusa ay sunod-sunod Salamat at ang ating Dios sa langit ay sobrang bait Siya'y laging mahabagin banayad pa kung magalit Maging pagsunod sa utos hindi niya ipipilit Piliin mong sundin siya kaligtasan ang kapalit
Editor's Notes
- #3 May tatlong araw na ipinangingilin sa sanglibutan at ato ay ang Biernes, Sabado at Linggo. Isa sa tatlong ito ay ipinangilin ng Dios at iniutos sa tao na ipangilin. Dalawa sa tatlong ito ay iniutos ng tao na ipangilin. Dalawa sa tatlong ito ay pang karaniwang araw sa Dios.
- #4 Buhat pa sa paglalang ay bukod tangi na ang ika-7 araw. Tatlong bagay ang ginawa ng Dios sa araw na ito na hindi niya ginawa sa ibang araw - at ito ay: Pamamahinga, pagbabasbas, at pangingilin. Una hanggang ika-6 na araw ay hindi nagpahinga, hindi binasbasan at hindi nangilin ng Dios.
- #5 Sa loob ng anim na araw ay gumawa ang Dios, at sa loob ng anim na araw ay inutusan din tayong gumawa. Nangilin muna ang Dios ng Sabbath at inutusan tayong mangilin din nito. Ang dahilan kung bakit mangingilin ng sabbath ay sapagkat pinagpala ito ng Dios at pinakabanal. Iniutos na alalahanin sapagkat ang ika-7 araw ay alaala ng paglalang. Ang sabbath ay hindi kahit alin sa pito kundi mismong ika-7 araw. Ang una hanggang ika-6 na araw ay mga araw ng paglalang. Ang mga araw na ito ay mga araw ng pagta-trabaho ng tao.
- #6 Ang mga sumampalataya ay pumasok din sa kapahingahang ito. Muling sinariwa ni Pablo na bukod tangi ang ika-7 araw sapagkat nagpahinga ang Dios sa araw na ito
- #7 Iniutos sa atin na pumasok sa kapahingahang ito, at magpahinga gaya ng Dios. Maliwanag po na sa panahon ng Bagong Tipan ay ika-7 araw pa rin ang pangilin.
- #8 Pinili ang Israel ng higit kaysa lahat ng bayan at binigyan ng kautusang napakatutuwid at kahanghamangha. Bukod pa sa kautusan ay binigyan pa rin sila ng Dios ng mga panuntunan at mga kahatulan
- #9 Basta hindi Israel ay mga taga ibang bayan tungkol sa mga tipan ng panako. Sa pananampalataya ay nagiging Israel tayo at napapasama sa mga tipan ng pangako. Ang Biblia ay aklat ng mga Israelita ngunit tinatanggap natin itong batayan ng ating paniniwala. Ang mga aral ng Kristianismo ay galing lahat sa Israel. Hindi natin tinatanggap na basihan ng pananampalataya ang mga turo at aral na hindi galing sa kanila.
- #10 Sa kanila pala ipinagkatiwala ang mga aral ng Dios. Kung anong araw ang sabbath ay sila ang dapat nating tanungin. Huwag tayong mangingilin ng araw na hindi nila ipinangingilin.
- #11 Paglabas ng hangganan ng Israel ay diosdiosan na ang sinasamba at hindi na sabbath ang ipinangingilin. Kung ang isang tao ay sasampalataya at iibig sa Dios ng Israel ay makakapangilin na siya ng sabbath
- #12 Ang isang manugang ni Naomi na taga ibang bansa ay bumalik na sa kaniyang dios. Si Ruth ay pinababalik na rin sa dios ng bansa nila ngunt pinili niya ang Dios ng Israel at ang bayang Israel.
- #13 Ang Dios at mga dios ay may araw na pangilin. Ang Dios ng Israel ay nangilin mismo ng sabbath at iniutos sa kaniyang bayan na ipangilin ito. Ang mga bansang Muslim na nasa palibot ng Israel ay Friday naman ang pangilin. Paglampas sa hangganan ng mga muslim ay Linggo naman ang ipinangingilin. Ang tanda ng tunay na Dios ay Sabbath. Pag hindi na Dios ng Israel ay ibang araw na ang pangilin.
- #14 Mat 12:8 Sapagka't ang Anak ng tao ay panginoon ng sabbath. Ang Founder ng Kristianismo ay Panginoon ng Sabbath. Panginoon siya ng sabbath sapagkat siya ang Dios na namahinga, nagbasbas at nangilin nito. Ano ang katunayan na siya ang Dios na Panginoon ng Sabbath? Siya ba ay katulong sa paglalang ng sanglubutan? Juan 1:1 Nang pasimula siya ang Verbo, at ang Verbo ay sumasa Dios, at ang Verbo ay Dios. 2 Ito rin nang pasimula'y sumasa Dios. 3 Ang lahat ng mga bagay ay ginawa sa pamamagitan niya; at alin man sa lahat ng ginawa ay hindi ginawa kung wala siya. 14 At nagkatawang-tao ang Verbo, at tumahan sa gitna natin (at nakita namin ang kaniyang kaluwalhatian, kaluwalhatian gaya ng sa bugtong ng Ama), na puspos ng biyaya at katotohanan. Maliwang sa mga talatang ito na Si Cristo ay katulong ng Ama sa paglalang ng sanglibutan. Lahat ay ginawa sa pamamagitan niya. Siya ang Dios na gumawa sa paglalang sa anim na araw, nangilin ng sabbath, at sumulat ng 10 utos na naglalaman ng pangingilin nito. Hindi siya nagsinungaling ng sabihin niyang siya ang Panginoon ng sabbath.
- #15 Si Cristo ay guro sa sinagoga. Siya ay Rabi ng mga Sabadistang Judio. Ang kaniyang mga magulang na sina Maria at Jose ay mga Sabadistang Judio. Ito ang dahilan kung bakit kaugalian niyang sumimba kapag sabbath
- #16 Ni isang kuwit at tuldok ng kautusan ay hindi niya sinuway. Mawawala ang langit at lupa ay hindi lilipas kahit isang tuldok at kuwit sa kautusan. Ang pagsisimba niya tuwing sabbath ay bunga ng pagsunod sa kautusan.
- #17 Ang mga Fariseo ay mga kaaway ni Cristo. Nagagalit sila kapag siya ay nagpapagaling sa araw ng sabbath. Ayon sa paniniwala nila ay hindi galing sa Dios ang hindi nangingilin ng sabbath.
- #21 Sa mga talatang ito ay hindi ni Cristo nilabag ang sabbath, sa halip ay ginawa niya itong araw ng kahabagan sa pamamagitan ng pagpapagaling. Nang gawin niya itong araw ng pagliligtas ay wala siyang sinirang kautusan. Hindi kailan man ipinagbabawal ng kautusan ang magligtas ng buhay sa sabbath. Maling isipin na hindi siya nangilin ng sabbath.
- #23 Nang mamatay si Cristo ay Biernes ng hapon. Sa kaugalian ng mga Judio ay ililibang ang patay bago dumating ang ikawalong oras pagkamatay nito. Para hindi malabag ang sabbath ay inilibing nila siya ng dalidali at saka na ayusin ang paglilibig pagdating ng araw ng Linggo. Mahigpit na iningatan ng mga alagad ang utos kahit na patay ang Panginoon.
- #24 Habang hindi pa lumulubog ang araw ay naghanda sila ng pang embalsamo. Ang panukala nila ay isagawa ito sa araw ng Linggo kapag hindi na araw ng pangingilin. Araw ng sabbath ay nasa libingan si Cristo habang ang mga alagad ay nagsisimba. Hindi mali ang ginawa ng mga alagad na ingatan ang kautusan sapagkat ito ang halimbawa na iniwan sa kanila ni Jesus.
- #25 Ang pangingilin ng Biernes at Linggo ay hindi kilala ng mga unang Kristiano. Wala silang ginawa na paghiwalay sa 10 utos.
- #26 Si Pablo ay Fariseo at anak pa ng Fariseo. Ang mga ito ay mahigpit na sinusunod ang kautusan. Maling sabihin at isipin na hindi nangingilin ng sabbath si Pablo.
- #27 Kung kaugalian ni Cristo ang pagsisimba sa araw ng sabbath ay malinaw na kaugalian din ito ni Pablo. Ang kaugalian o kultura ay isang bagay na laging ginagawa at bahagi na ng buhay
- #29 Tingnan nga natin kung may pagkakaiba ang araw na ipinagsisimba at ipinangingilin natin. Bakit Sabado ang pagsisimba nila habang ang iba ay Biernes at Linggo. Sino sa atin ang humiwalay sa aral ng Biblia. Kung ang pangingilin ng Sabbath ay hindi mahalaga sa kaligtasan, bakit si Cristo at si Pablo at ang mga unang Kristiano ay ginagawa itong regular na pagtitipon? Bakit mayroong 72 talata sa Bagong Tipan na tinatalakay ang kahalagahan ng Sabbath at 8 talata lamang ang binabanggit ang araw ng Linggo at apat na talata dito ay pagpunta pa sa sementeryo at hindi sa templo. Nangangatuwiran ang marami na sa Bagong Tipan ay Linggo na ang araw a pangilin. Ang ganitong aral ay wala sa Biblia. Hindi layunin ng Bagong Tipan na labagin ang 10 utos.
- #30 Ang Bagong Tipan ay hindi bagong araw ng pangingilin kundi pagsulat sa puso at isip ng 10 utos. Ito ay bagong kaugnayan sa kautusan. Kapag ang kautusan ay nakasulat na sa puso at isip ay hindi na ito mabigat sundin.
- #33 Sino sa inyo ang susunod sa mga halimbawa na iniwan ni Cristo kasama na ang pangingilin ng Sabbath? Sa tingin ba ninyo kung kaugalian ni Cristo, ng mga alagad, at ng mga unang Kristiano na mangilin ng sabbath ay mas tiyak t mas ligtas tayo kung hihiwalay tayo sa kanilang mga halimbawa? Sa oras na ito ay sundan natin ang yapak at halimbawa ni Cristo. Kung ito ang nais ninyo, tumayo tayo sa panalangin ng pagtatalaga.