1. Зөвлөгөө _1
Аавууд цаг гарга !
Аав нь сонин уншиж, телевиз үзэж байхдаа хүүхдийнхээ асуусныг
сонсохгүй өнгөрөх нь олонтаа. Харин ээж нь хоол хийж юм угааж байхдаа
хүүхдийнхээ юу хийж, юу ярьж байгааг давхар хянаж чаддаг. Үүнийг хүүхэд
гярхай ажиглачихдаг. Хэрвээ энэ байдал удаан үргэлжилбэл хүүхдийн эцэгтээ
итгэх, дотносох, илэн далангүй харилцахад ан цав гарна. Үүнээс санаа авч
аав нь хүүтэйгээ чөлөөтэй ярилцах зориудын цаг гаргууштай байгаа юм. Мөн
ах эгч нары нь дүүтэйгээ ажиллахад аав ээж нь энэ чацуу анхаарч, зааж
туслах нь зүйтэй.
Зөвлөгөө _2
Сонголт эрт эхэлдэг
Хүүхэд 2 наснаасаа эхлэн өөрийн гэсэн сонголт хийж эхэлдэг. Хүүхдэд
хувцас өмсөхдөө цаг агаарын байдалд тохируулахыг тайлбарлаж зөвлөөд
өөрсдөөр нь сонгуулах хэрэгтэй. Олон тоглоомоос хүүхэд урьд нь үзээгүйгээ
сонирхон сонгож байгааг та ажиглаж болно. Үүнээс санаа авч хүүхдийнхээ
олон тоглоомыг үргэлжлүүлэхгүй, заримыг нь хэсэг хугацаагаар далд хийж
байгаад ил гаргахад шинэ юм шиг харагддаг. Туршлагатай ахмадууд хүүхэд
хуучин тоглоомоо санчихсан байдаг гэж хэлдэг нь ийм учиртай.
Зөвлөгөө _3
Жинхэнэ сайн эцэг
Зөн билгээрээ охид эцэгтээ, хөвгүүд эхдээ илүү ойр байж, эсрэг
хүйстэнтэйгээ харилцах мэдээлэл төсөөлөлийг хар багаасаа олж авдаг. Энэ нь

2. аав ээждээ эрхлэх, энхрийлэл хүсэхээсээ илүү жам ёсны шаардлага эрэлт
хэрэгцээ юм. Эх хүний хувьд хүүхэдтэйгээ нярай нялхаас нь эхлээд ойр
байсан, болохоор үгүйлэх дутагдах зүйл бага. Харин эцэг хүний хувьд
зориудын цаг зав гаргаж, ухаан сийлж, сэтгэл зориулж ажилласнаар
хүүхдээсээ хайр хүндэтгэл, ирээдүйд дурсагдах нэр хүндийг олох үндэс
суурийг тавина. Эцэг хүн ч өөрийгөө “Сайн аав” гэж итгэж үнэлдэг болсноор
жинхэнэ сайн эцгийн баталгаа бий болно.