Cuento en quechua.

1. KUNTURMANTAWAN ATUQMANTAWAN
(willakuy)
Huk punchaw chisiykuqtañas atuq
kunturwan tuparusqa; chaypis
napaykanakusqaku _Allinllachu
wawqiy Antuku. Atuqñataqsi
kutichisqa _allillanmi wawqiy José_
nispan, qari qarillaña chupantapas
sayarichisparaq.
Chaypis kunturqa nin_kunan tuta
riqsiranakusun kay riti urqu patapi,
qamchus icha ñuqachus kawsaqlla
achikyarqusun. Sichus hukninchik
wañusun chayqa, wañuqkaqta mikusun.
Hinaptinsi Antukuqa mana iskayta yuyaymanaspan_arí chaynayá
kachun nispan, nisqa.
Chaypis atuqqa rumipa sikin riti hawapi tiyaykusqa. Kunturñataqsi
rumi hawaman siqarqusqa. Chaypis Joseychaqa rapranta
wayrarichispan tapusqa_¡alalaw chiri Antuku¡. Atuqñataqsi _ñuqa
mana chiri José, nispa kutichisqa. Chaynallataqsi chawpi tutataña
tapusqa _¡Alalaw chiri Antuku¡ .Antukuqa pisillataña rimasqa _ñuqa
mana chiri José.
Kaqllas pacha achkyaqtaña tapunakunpunitaq_¡Alalaw chiri Antuku¡.
Chaypiqa manañas atuqqa rimarisqañachu. Chaysi Joseycha
qawaykuptinqa, atuqqa rumiy rumiña ritiwan panpasqa, allpaman
laqarukuspa wañurqusqa. Hinallamansi kunturqa atuqtaqa miskita
mikurqusqa.