1. Anxo Carracedo Alvarez,
Naceu en Santa Comba no ano 1955. Casado con Montserrat Robelo e con dous fillos,
Guillerme e Mar. Licenciouse en Medicina na Universidade de Santiago no ano 1978
con Premio Extraordinario, e acadou o grado de doutor na mesma universidade no ano
1982, logo de unha estadía predoutoral na Universidade de Uppsala, e tamén con
Premio Extraordinario. Catedrático de Medicina Legal no ano 1989 adscrito a
Universidade de Santiago de Compostela. Desde 1995 dirixe o Instituto de Medicina
Legal da Universidade de Santiago de Compostela
Na primeira etapa da súa carreira profesional dedicouse a Xenética forense e xenética de
poboacións onde acadou pronto unha gran sona internacional sendo o seu grupo de
Xenética forense (http://forense.xenomica.org/) o de mais número de publicacións e
mais impacto a nivel mundial nos últimos 15 anos, realizando mais de dúas mil pericias
en xenética forense.
Promoviu a creación do Grupo Español e Portugués de Xenética forense que integrou na
Sociedade Internacional de Xenética forense (http://www.isfg.org). Desta última que
integra a todos expertos do mundo neste campo é membro do seu consello desde o ano
1989, foi presidente no período 1999-2003 e é actualmente vicepresidente.
E tamén Presidente da Academia Mediterránea de Medicina Forense, vicepresidente de
Academia Internacional de Medicina Legal e membro do consello ou membro de honra
de moitas sociedades de Medicina Legal e Xenética de todo o mundo.
E Presidente da Sociedade Española de Farmacoxenética e Farmacoxenómica e
representante de España na Axencia Europea do Medicamento (EMEA) dentro do grupo
de traballo de Farmacoxenómica.
Desde finais da década dos 80 comezou tamén a dedicarse a Xenética Clínica que
culminou ca creación da Fundación Pública de Medicina Xenómica da Consellería de
Sanidade (http://fundacion.xenomica.org/) da que é o director executivo promovendo
unha estrutura da xenética en Galicia que é actualmente imitada por moitos outros
sistemas de saúde e sendo o centro español que mais probas de enfermidades xenéticas
realiza.
Na súa labor de investigación cultivou ademais da xenética forense e de poboacións a
xenética clínica, xenética do cancro e a xenética das enfermidades comúns
principalmente neuropsiquiátricas, o que o levou a conseguir para Galicia un dos tres
nodos do Centro Nacional de Xenotipado (http://www.cegen.org), un centro dependente

2. do ISCIII (Ministerio de Sanidade) para a investigación en enfermidades complexas e
farmacoxenética.
O grupo de investigación que coordina (Grupo de Medicina Xenómica,
http://forense.xenomica.org/) está integrado no CIBER de Enfermidades Raras
(CIBERER, ISCIII).
Na súa traxectoria publicou 10 libros e mais de 400 traballos de investigación algúns
deles nas mais prestixiosas revistas como Nature, Nature Genetics ou Science. E editor
da revista Forensic Science International: Genetics e editor asociado o membro do
consello editorial de mais de 15 revistas internacionais de Xenética e Medicina Legal.
Chairman ou asesor de distintos organismos reguladores de Xenética forense como o
Forensic DNA Regulator (UK ou a DNA Commission (ISFG). Coordinador de distintas
redes nacionais ou internacionais de investigación e organismos de estandarización en
xenética clínica e forense, bioinformática e xenómica. Membro do consello asesor e
comité científico de numerosos organismos e centros de investigación nacionais e
internacionais. Impartiu conferencias e talleres por todo o mundo, e dirixiu 47 teses
doutorais, 17 delas con premio extraordinario.
Recibiu numerosos premios e distincións entre eles a Medalla Castelao, Premio Jaume I
de Investigación, Medalla de Prata de Galicia, Premio Varela de Montes de
Investigación en Medicina, Medalla o Mérito Policial, Medalla de ouro Terra de Xallas
e o título de fillo predilecto de Santa Comba e diversos premios otorgados por
sociedades científicas de todo o mundo, incluíndo o doutorado Honoris Causa por dúas
universidades (Lima e Santander).