1. DEBUXO COMPARTIDO
* OBXECTIVOS:
· Comprobar as vantaxes de colaborar fronte a competir.
· Desenvolver actitudes positivas entre os membros do grupo.
• PROCESO DE REALIZACIÓN:
Primeira actividade. Pídese aos alumnos que por parellas intenten facer un
debuxo, cun só lapis nun folio; pero agarrando xuntos o único lapis (a man dun
compañeiro sobre a do outro).
Cada membro da parella pensará un debuxo sinxelo, que se realice con poucos
trazos e en menos de tres minutos (un sol, unha árbore, unha casa...) Non
debe comunicar ao seu compañeiro o debuxo que desexa facer.
Durante cinco minutos cada uno intentará realizar sobre o mesmo folio o seu
propio debuxo, pero coa condición de que non deben ningún dos dous soltar o
lapis en ningún momento. Despois mostrarán os seus debuxos e intentarán
explicar que ocurreu ao debuxar xuntos e sen poderse comunicar.
Terán outros cinco minutos para facer os mesmos debuxos noutro folio, pero
agora teñen que colaborar (comunícanse que debuxos desexan facer e cal
deles realizarán primeiro).
Como punto final destácanse as vantaxes da cooperación sobre a
confrontación.