2. Անհրաժեշտ է.
1 կգ դդում, 0,5 կգ բրինձ, 2 – 3 գլուխ սոխ, 80 գրամ
հոնաչիր, 200 գրամ կարագ կամ յուղ, խառը
կանաչի, աղ:
Պատրաստման եղանակը.
Դդումը պոչի կողմից կտրել, կորիզները հեռացնել,
բրինձ, մանր կտրտած սոխ, հոնաչիր, կարագ կամ
յուղ, աղ (եթե դդումը քաղցր չէ` նաև շաքարավազ)
լցնել, խառնել, կտրած մասով նորից դդումը
ծածկել, տեղավորել թոնրի կամ ջեռոցի մեջ և եփել:
Երբ դդումը փափկի ղափաման պատրաստ է:
3. Անհրաժեշտ է.
1,5 կգ ամբողջական դդում, 70 գրամ բրինձ, 70 գրամ
կարագ, 70 գրամ ալուչա, 25 գրամ շաքար, 30 գրամ
չամիչ, 200 գրամ խնձոր, 1 գրամ դարչին, աղ:
Պատրաստման եղանակը.
Նախապատրաստած դդմի վերևի մասը կտրել,
միջնամասը կորիզների հետ գդալով հեռացնել, մի
քանի անգամ լվանալ: Եփած բրինձը, կորիզները
հեռացրած ալուչան, կեղևը հեռացրած ու մանր
կտրատած խնձորը, կարագը, շաքարավազն ու
դարչինը խառնել, լցնել դդումի մեջ: Դդումը դնել յուղ
քսած տապակի մեջ և ջեռոցում եփել: Մատուցել
կտորներով վրան յուղ:
4. Անհրաժեշտ է .
1 կգ գառան կամ ուլի միս, 500 գրամ մաքրած,
կտրատած դդում, 2-3 գլուխ կտրատած սոխ, 3
թեյի բաժակ բրինձ, 1,5-2 լիտր ջուր, աղ, աղացած
սև և կարմիր պղպեղ, ուրց:
Պատրաստման եղանակը.
Գառան կամ ուլի միսը կտրատել, ավելացնել
կտրատած դդում, համեմել աղով, սև և կարմիր
պղպեղով, ուրցով, կտրատած սոխով, տեղավորել
լայն կաթսայի մեջ, 3 թեյի բաժակ բրինձ եւ 1,5- 2
լիտր ջուր լցնել, շրջած փոքր ափսեով ծածկել,
վրան ծանրություն դնել ու եփել: Մատուցել, երբ
ջուրը քաշվի և բրինձը:
5. • Անհրաժեշտ է .
• 400 գրամ դդում, 200 գրամ միս, 3 – 4 ճաշի գդալ յուղ,
1 գլուխ սոխ, 1 ձու, 1 ճաշի գդալ ալյուր, աղ:
Պատրաստման եղանակը.
Սոխը լվանալ, կտրատել, յուղով տապակել:
Ավելացնել մանր կտրատած միս, աղ և փակ
կաթսայում շոգեխաշել: Միսն աղալ, դդումը լվանալ,
սերմերը հեռացնել, շերտաձև կտրատել, թաթախել
հարած ձվի, այնուհետև ալյուրի մեջ ու տապակել:
Տապակի հատակին յուղ քսել, դասավորել 1 շերտ
տապակած դդում, մեկ շերտ տապակած միս:
Շարքերը նույն հերթականությամբ կրկնել:
Ամենավերին շերտի վրա յուղ դնել և ջեռոցում
տապակել:
6. • Դդմի սերմերը հանել (առանց կեղևը մաքրելու),
փոքր կտորներով կտրատել, լցնել կաթսայի
մեջ, ավելացնել այնքան ջուր, որպեսզի դդումը
կիսով չափ ծածկի և փակ ամանում 20 – 30
րոպե եփել: Ապա մեկ շերտով դասավորել
սկուտեղի մեջ, վրան մեղր լցնել և տաք տաք
մատուցել:
7. • Անհրաժեշտ է.
1 միջին չափի դդում, 1 բաժակ բրինձ, 1 բաժակ
չրեր, 1 բաժակ ընկույզ, 2 ճաշի գդալ յուղ,
դարչին, բահար, աղ:
Պատրաստման եղանակը.
Դդումը պոչի մասից կտրել, մեջը մաքրել: Չրերն
ու ընկույզը յուղով քիչ տապակել, ավելացնել
բրինձ, աղ, դարչին, զանգվածը լցնել դդմի մեջ,
այնքան, որ հասնի կեսին: Ավելացնել այնքան
ջուր, որ բրինձը ծածկի, դդումը կտրած մասով
ծածկել դնել թույլ վառ վող ջեռոցը եւ այնքան
եփել, մինչեւ ջուրը քաշվի եւ բրինձը եփվի:
8. • Անհրաժեշտ է.
2 կգ խորանարդաձեւ կտրատած դդում, 0,5 կգ
խորանարդաձեւ կտրատած միս, 1 բաժակ թրջած
սիսեռ, 1 ճաշի գդալ պոմիդորի խյուս, 1 թեյի գդալ
պղպեղի խյուս, 3 կիտրոնի հյութ, 1 թեյի գդալ
սումախի, 1 թեյի գդալ աղ, 2 ճաշի գդալ կարագ կամ
յուղ, 1 ճաշի գդալ չոր անանուխ:
• Պատրաստման եղանակը.
Միսը լցնել կաթսայի մեջ, ավելացնել սիսեռ, ջուր և
տաքացնել: Երբ կիսաեփ լինի ավելացնել պոմիդորի
եւ պղպեղի խյուսեր, կիտրոնահյութ, աղ և սումախի:
12 րոպե անց ավելացնել խորանարդաձև կտրատած
դդումը և կափարիչը փակ վիճակում թույլ կրակով
եփել:
9. Տապակի մեջ յուղը տաքացնել, ավելացնել
անանուխն ու անմիջապես լցնել դդմի վրա:
Մատուցել տաք ծեծած ձավարով, յուղով եւ
տապակած հացով:
Ձավար պատրաստելու համար 3 բաժակ ծեծած
ձավարին աղ, ջուր ավելացնել ու փլավ եփել:
3 ճաշի գդալ յուղը տաքացնել, լցնել ձավարի վրա ու
խառնել:
Հացը խորադաձև կտրատել, յուղով տապակել,
դնել ձավարի վրա:
Մատուցել մեծ ափսեով, դդմով կերակրի կողքին: