4. პროექტის მიზანი: * მოსწავლეების დაინტერესება დიდი პოეტის ცხოვრებისა და შემოქმედების შესწავლით; * პოეტის ცხოვრების ამსახველი დეტალების შესწავლა; * სლაიდშოუსა და ფოტოალბომის შედგენა. * მოგზაურობა წინაპართა ნაკვალევზე: თბილისის გ.ტაბიძის სახელობის სახლ-მუზეუმის დათვალიერება, მთაწმინდის სავანე, ვანის რაიონის სოფელი ჭყვიშში - პოეტის სახლ-მუზეუმი, პოეტის უკანასკნელი სარკმელი...
5. პროექტის აღწერა ჩვენი პროექტი ეხება პოეტების მეფის - გალაკტიონ ტაბიძის ცხოვრებას.ვმსჯელობთ, ვეძებთ და ვპოულობთ მასალებს პოეტის ცხოვრებიდან. ვესაუბრებით მის თანამედროვეებს, რამაც შესაძლებლობა მოგვცა ფოტოალბომისა და სლაიდშოუს შესაქმნელად. ,,შრომა, ცოდნა და სიმართლე, აი, ესაა მთავარი!” - ამბობდა გალაკტიონი და ჩვენც ჩვენსავე იარაღად ვაქციეთ ეს სიტყვები. პროექტის ფარგლებში ჩვენ მოვინახულეთ გალაკტიონის სახლ- მუზეუმი თბილისში, გავეცანით მუზეუმის თანამშრომლებს, შევხვდით და ვესაუბრეთ პოეტ გალაკტიონოლოგ ვახტანგ ჯავახაძეს. მან მეტად საინტერესო ლექცია წაგვიკითხა და მოკლე დროში თითქმის ყველაფერი გვითხრა, თუმცა სათქმელი ჯერ კიდევ ბევრია. მან მოიწონა ჩვენი მუშაობა და ბევრი საგულისხმო ცნობა მოგვაწოდა, როგორც გალაკტიონის ცხოვრების მკვლევარმა მეცნიერმა. ყველაფერი, რაც კი მოვიპოვეთ, ავსახეთ ჩვენს პროექტში. რაც შეეხება წინაპრის ნაკვალევს, ჩვენმა მოგზაურობამ უდიდესი ზეგავლენა მოახდინა თითოეულ ჩვენგანზე. შთაბეჭდილებებით სავსე კვლავ მაგიდას მივუსხედით მასალის ანალიზისათვის.
6. პოეტის მშობლიურმა ეზომ, სახლმა, გარემომ, მისმა მონუმენტურმა ქანდაკებამ ჩვენც შთაბეჭდილებებით აგვავსო. პირდაპირ ამ ეზოში ჩავატარეთ გაკვეთილი ღია ცის ქვეშ. ლეგენდარული იასამნის ბუჩქი, ნელი სიოს დაბერვაზე ირხეოდა. ჩვენ კი მზერა ზეცისაკენ მიგვეპყრო, თითქოს დავმუნჯებულიყავით. ახლა ნამდვილად შეგვეძლო გვეთქვა: შეჩერდი წამო , რაოდენ მშვენიერი ხარ!და ჩვენც ხარბად დავეწაფეთ გალაკტიონის პოეზიას . თბილისში დაბრუნებულებს კვლავ არ გვასვენებდა შთაგონება. ახლა ლიტერატურის მუზეუმს მივაშურეთ. ახალგაზრდა მხატვარ- დეკორატორის მარი გირკელიძის ნამუშევრები დავათვალიერეთ. საინტერესო იყო ტკბილეულის წიგნების შექმნის იდეა. აგრეთვე სიურეალისტური მხატვრობის ნიმუშები. ჩანაფიქრის განსახორციელებლად და დასაფიქრებლად უწმინდეს ადგილს მივმართეთ.,,ჰოი, მთაწმინდავ, მთაო წმინდავ...”. ხელისგულივით ჩანდა თბილისი დიდი ბორბლის ილუმინატორიდან. ელვარებდა ფერთა სამყარო, ჰორიზონტზე იკვეთებოდა ჩამავალი მზის სხივი. დიდებული იყო წამი, დაღლილობა გამქრალიყო: ,,ელვარებდა ნაპირი სამუდამო მხარეში, არ ჩანდა შენაპირი”...
7. მონაწილეთა ასაკი: მე-5კლასი, მე-6კლასი, მე-8 კლასი / 10-14 წლები ვადები / ხანგრძლივობა: 2-3 თვე
8. პროექტის შესაძლო აქტივობები: მოსწავლეები გაიღრმავებენ ცოდნას პოეტის ცხოვრებისა და შემოქმედების შესახებ, წარმოიდგენენ პოეტის ბავშვობის დღეებს, დაათვალიერებენ ულამაზეს კუთხეს- იმერეთს, შექმნიან პოეტის ცხოვრების ამსახველ ფოტოალბომს და სტენდს, გამოუშვებენ კედლის გაზეთს. ამავე დროს მოვაწყობთ დოკუმენტური ფოტოების გამოფენას და ვაჩვენებთ სლაიდ-შოუს. გამოვცემთ მოსწავლეთა ლიტერატურულ ჟურნალ ,,პერგამენტის” მორიგ ნომერს, შევქმნით ბლოგს.
9. მოსალოდნელი შედეგები/პროდუქტები: ფოტოალბომი; სლაიდ-შოუ; დოკუმენტური ფოტოებისა და მოსწავლეთა ნამუშევრების გამოფენა; ესეების კონკურსი; მუზეუმების დათვალიერება; ექსკურსიები; პრეზენტაცია