PARA TI CUSCO CON AMOR

1. SUMAQ QOSQO LLAQTALLAY KUNAN P’UNCHAYNIYKIPI TUKUY
SONQOYWAN NAPAWKUYKI
HINALLATAQMI LLAPAN TEQSI MUYU QHARI WARMIKUNA
TUKUY SONQONKUWAN QHAWAYSUNKIKU
ÑAWPAQ WATAKUNA ALLINTA INKA NISQANCHIS
TAYTANCHISKUNA ÑAWPAQMAN PURIRICHISQASUNKI
IMAYMANA YACHAYKUNAPI T’IKARISQANKI
MANATAQMI PAYKUNA MANCHAKUSQAKUCHU HOQ AYLLU
MASINKUNA AWQAKUNA LLALLIPAYTA, CHAYMI HATUNTA
QESPERISQAKU LLAPA ALLPAKUNATA RURANTINTA
,,….HOQKUNATAQ SUMAQ WASIKUNATA KANCHAKUNATA
RUMILLAMANTA PERQAYUSQAKU, CHAYTAQ KUNAN ALLINTA
K’ANCHARIN, MACHUPIKCHU, MORAY, SAQSAYWAMAN,
Q’ENQO, PUKAPUKARA, P’ISAQ, OQKUNAPAN.
WAWAYKIKUNA KAY KILLAPI KUSISQA TARIKUYKU:
ASTAWAN UYARIYKU: WAYÑUCHAKUNATA, HARAWIKUNATA;
WAYNA SIPASTA TUSUQTA, TAKIQTA; RUNASIMI RIMAQTA,
CHAYPI K’AMINAKUYTA, PUKLLAYTA, MAQANAKUYTA,
ASWANTAQA MUNANAKUYTA, WAQAYTA.
YACHAY WASIKUNAPI LLAPAN ERQEKUNA HUÑUNAKUNKU
ÑAWINCHAYPAQ, LLANK’AYPAQ, ….PUKLLAYPAQ
KAY P’UNCHAYNIYKIPI NOQA NIYKIMAN QHESWA SIMITA
RIMALLASAQPUNI, MANAN P’ENQAKUYMANCHU,
WAYNUYTAPAS TUSULLASAQMI, TAKILLASAQMI WAÑUYPA
PACHAKAMA.
AÑAY.
SAYWA