1. BERDINTASUNAREN HELMUGA
Urrutiko herri batean, bertako biztanle guztiak oso bitxiak ziren. Izan ere, hauek
ez ziren pertsonak, autoak baizik. Nahiz eta autoak izan haurrak eskolara, parkera…
joaten ziren.Eskolan irakasten zieten beraien abiadura kontrolatzen eta handitzen.
Horrela, handiak izatean, herriko lasterketa guztietan parte hartu ahal izateko.
Ume guztiek oso gustuko zuten eskolara jutea. Gainera, bertan, beraien artean
lasterketak egiten zituzten. Baina azken hilabeteetan ume batek lasterketa guztiak
irabazten zituen. Bere izena Tximista zen. Tximista auto gorri eta polit bat zen.
Egun hartan ere, eskolan lasterketa bat egin zuten, Tximista eta bere
gelakideek. Ikus dezagun nork irabazi zuen …………
Orduan ere, Tximistak irabazi zuen. Tximista oso auto azkarra zen eta bere
gelakideen artean egiten ziren lasterketa guztiak irabazten zituenez, bere gelakideak ez
zuten berarekin lasterketarik egin nahi. Tximistak nahi gabe egiten zuen. Baina besteek
pentsatzen zuten nahita egiten zuela eta horregatik ez zuten Tximistarekin jolastu nahi.
Tximista oso triste jarri zen, inork ez zuelako berarekin egon nahi. Baina
eskolako beste auto guztiak ez ziren konturatu triste zegoela eta berari kasurik egin
gabe, beraien artean lasterketak egiten jarraitu zuten.
Egun batean, batek irabazten zuen, beste egun batean beste batek… Ez zen beti
Tximista irabazlea. Denak pozik zeuden eta ez zuten Tximista faltan botatzen.
Baina egun batean Tximista beraiei ikustera joan zen. Lehen, eskolan berarekin
zeuden autoen lasterketak ikusi nahi zituen eta hauek ikusteko ezkutatu egin zen.
Ezkutatuta zegoen bitartean hainbat lasterketa ikusi zituen eta denak pozik zeudela
ikusi zuen, ez zuelako beti auto berdinak irabazten.
Tximistak hau ikusi zuenean berriro ere triste jarri zen, ohartu baitzen inork ez
zuela faltan botatzen. Negar batean bere etxera abiatu zen, baina bidean auto zahar
batekin topo egin zuen. Auto zaharrak ikusi zuenean Tximista negarrez ari zela
beregana joan eta galdetu zion:

2. - Zer gertatzen zaizu txikito?
- Orain dela astebete ni ere auto horiekin lasterketak egiten aritzen nintzen
baina beti irabazten nituenez ez dute nirekin lasterketarik egin nahi. Gaur beraiek
ikustera joan naiz eta ni gabe hobeto eta poz pozik daudela ikusi dut.
Auto zaharra, hori entzun zuenean oso triste jarri zen eta zin egin zion
Tximistari egoera konpondu egingo zela.
Horregatik, hurrengo egunean, auto zaharra lasterketa horietako bat ikustera
joan zen. Autoengana joan zen eta honela esan zien:
-Orain dela asko hasi nintzen zuen lasterketak ikusten baina azkeneko astean
ikusi dut auto gorria falta dela, beti irabazten zuen hori. Zer gertatzen zaio auto horri?
- Beti berak irabazten zuenez ez dugu berarekin lasterketarik egin nahi – esan
zuen autoetako batek.
- Baina zuek nahiz eta orain lasterketak ez irabazi ez zarete hasarratzen eta
ondo pasatzen duzue ezta? Beraz, ez al da garrantzitsuagoa zuen artean ondo
eramatea eta lasterketak egiten ondo pasatzea lasterketa horiek nork irabazten dituen
baino?
Hori entzutean denak konturatu ziren auto zahar hark esandakoa egia zela:
Garrantzitsuena ez delako bat besteak baino hobea izatea gauza batean, denek gauza
hori egiten ondo pasatzea baizik. Horregatik handik aurrera denek oso ondo pasatu
zuten lasterketak egiten, garrantzirik eman gabe nork irabazten zuen.