More Related Content
More from kotob arabia (20)
5919
- 3. ﻃﺒﻘﺎ ﻟﻘﻮﺍﻧﲔ ﺍﳌﻠﻜﻴﺔ ﺍﻟﻔﻜﺮﻳﺔ
א א א
. אא
א
)ﻋـﱪ ﺍﻻﻧﱰﻧـﺖ ﺃﻭ א אא
ﻟﻠﻤﻜﺘﺒــﺎﺕ ﺍﻻﻟﻜﱰﻭﻧﻴــﺔ ﺃﻭ ﺍﻷﻗــﺮﺍﺹ ﺍﳌﺪﳎــﺔ ﺃﻭ ﺍﻯ
א ﻭﺳﻴﻠﺔ ﺃﺧﺮﻯ (
א א .
. א א
- 4.
ﺍﻹﻫــﺩﺍﺀ .................................................... - ٤ -
ﺒﺭﺍﻤـﺞ....................................................... - ٥ -
ﻏـــﺎﺩﺓ .................................................... - ٩ -
ﺤﺠﺭ ﺩﺨـﺎﻥ................................................ - ٠١ -
ﻑ ﺍﻟﺒـﺭﻭﺍﺯ ................................................ - ٣١ -
ﺨـﺎﻟﺘﻰ ﺒﺨﻴﺘﺔ ............................................... - ٩١ -
ﺩﺭﺓ ﺒﻠﺩﻨـﺎ .................................................. - ٤٢ -
ﻜل ﻴــﻭﻡ ................................................. - ٦٢ -
ﺘﻐــﻴﻴﺭ ................................................... - ٨٢ -
ﻤــﻠل ..................................................... - ٩٢ -
ﺃﻨﺘﻴﻜـــﺎ.................................................. - ٠٣ -
ﺒﻌﺩ ﺍﻟﻠﻰ ﺤﺼل .............................................. - ٣٣ -
ﺩﻋــــﺎ ................................................. - ٦٣ -
ﻋﺸــــﺎﻨﻙ .............................................. - ٧٣ -
ﺸــﻌﺏ ................................................... - ٩٣ -
ﻏـــﺭﻭﺏ ................................................ - ١٤ -
ﺴــﻔﺭ .................................................... - ٢٤ -
ﻤـــﻭﺍل.................................................. - ٤٤ -
ﻋﺸﺎﻥ ﺃﻨﺴﺎﻜﻰ ﻟﻶﺨﺭ ........................................ - ٥٤ -
-٣-
- 5. ﺍﻹﻫــﺩﺍﺀ
ﻋﺸــﺎﻥ ﺍﻟﻌﻤــﺭ ﺠـــــﻭﺍﻴﺎ
ﻗﺼــــﺎﻴﺩ ﺤﺏ ﻤـــﺯﻴﻜــــﺎ
ﻋﺸﻘﺕ ﺒﻼﺩﻯ ﻭﺃﺼﺤﺎﺒﻰ
ﻭﻜل ﻤﻌـــــﺎﺩﻯ ﺃﻤــﺭﻴﻜــﺎ
ﻭﺭﻏﻡ ﺍﻟﺘﻭﻫــﺔ ﻭﺨـﺩﺍﻨﻰ
ﺒﻘــــ ﻡ ﻟﻴﻜـــــﻭ ﺍﻨﺘﻴﻜـــﺎ
ﺩ
א א
-٤-
- 6. ﺒﺭﺍﻤـﺞ
ﻭﺤﺩﻙ
ﻭﺍﻟﻨﺎﺱ ﻓﻰ ﻏﻔﻠﺘﻬﻡ
ﺒﺘﺨﺎﺼﻡ ﺭﺴﻤﻙ ﻭﻜﻼﻤﻙ
ﻭﺘﺤﺎﻭل ﺘﺨﺩﻉ ﺍﻴﺎﻤﻙ
ﺘﻼﻗﻴﻬﺎ ﺒﺘﻁﻠﻊ ﻗﺩﺍﻤﻙ
ﺯﻯ ﺍﻟﻌﻔﺎﺭﻴﺕ / ﺍﻟﺤﺭﺍﻤﻴﺔ
ﺒﺘﺒﺹ ﻋﻠﻴﻙ ﻭﺘﻨﺩﻫﻠﻙ
ﺭﺍﺡ ﺘﻬﻠﻙ
ﻟﻭ ﻤﺭﺓ ﺘﺴﻠﻡ
ﻭﻏﺭﺍﻤﻙ ﺩﻓﺘﺭ ﻤﺘﻌﺒﻰ
ﻋﺎﻴﺵ ﻓﻰ ﻋﺭﻭﻗﻙ ﻤﺘﺨﺒﻰ
ﺒﺱ ﺍﻟﻤﻠﻌﻭﻥ ﺒﻴﻁﻠﻊ ﻟﻙ
ﻋﻠﻰ ﻏﻔﻠﺔ ﻭﻴﻔﺭﺵ ﺍﻭﺠﺎﻋﻙ
-٥-
- 7. ﺍﻟﺠﺭﺡ ﺍﻫﻭ ﺒﺎﻴﻥ ﻑ ﺍﻟﺼﻭﺭﺓ
ﻭﺍﻟﺼﻭﺭﺓ ﻋﺭﻭﺴﺔ ﺒﺘﺘﺯﻭﻕ
ﻟﻌﺭﻴﺱ ﻤﺵ ﻗﺎﺩﺭ ﻴﺤﻀﻨﻬﺎ
ﻭﻻ ﻋﺎﺭﻑ ﻴﻤﺴﻙ ﺒﻬﻭﺍﻫﺎ
ﻭﻻ ﻗﺎﺩﺭ ﻴﺒﻌﺩ ﻴﻨﺴﺎﻫﺎ
ﻭﻻ ﺤﺴﺕ ﻗﻠﺒﻪ ﺒﻴﺘﺄﻟﻡ
ﺯﻋﻼﻥ ﻤﻥ ﻨﻔﺴﻙ
ﻭﺍﻟﺸﻴﺸﺔ
ﻤﻥ ﻜﺘﺭ ﻫﻤﻭﻤﻙ ﺒﺘﻜﺭﻜﺭ
ﺩﺨﺎﻨﻬﺎ ﺒﻴﻁﻠﻊ ﺠﺒﻼﻴﺔ
ﻭﺒﻴﻨﺯل ﺴﻜﺭ
ﻤﺎ ﻴﺴﻜﺭ
ﻋﻠﻰ ﺍﻴﻪ ﺭﺍﺡ ﺘﺯﻋل ﺘﺘﻨﺩﻡ
ﺍﻀﻐﻁ ﻋﻠﻰ ﺍﻟﺯﺭ ﻫﻴﺘﻜﻠﻡ
ﺘﻁﻠﻊ ﺭﻗﺎﺼﺔ ﺒﺘﺘﻠﻭﻯ
-٦-
- 8. ﺘﺩﺨل ﻓﻰ ﻋﺭﻭﻗﻙ ﻨﺸﻭﺘﻬﺎ
ﻭﺘﺤﺱ ﺒﻔﺭﺤﺔ ﻭﺘﺘﻬﻨﻰ
ﻟﻭ ﺘﻘﺩﺭ ﺘﺩﺨل ﺩﻨﻴﺘﻬﺎ
ﻫﺘﻼﻗﻰ ﺍﻟﺩﻨﻴﺎ ﺒﻘﺕ ﺠﻨﺔ
ﻟﻭ ﺘﻁﻠﺏ ﺸﻤﺴﻙ ﺘﻨﺯﻟﻙ
ﻭﻻ ﺤﺩ ﻴﻌﺎﻨﺩﻙ ﻭﻴﺫﻟﻙ
ﺘﻴﻠﻔﻭﻨﻬﺎ ﺍﻟﻔﺎﻓﻰ ﺍﻟﻤﺘﺴﻤﺴﻡ
ﻤﺸﻐﻭل ﻁﻭﺍﻟﻰ ﻭﺒﻴﺘﺭﺠﻡ
ﻤﻠﻌﻭﻨﺔ ﺍﻟﺩﻨﻴﺎ ﻭﺃﺨﺒﺎﺭﻫﺎ
ﺃﺨﺒﺎﺭﻫﺎ ﻗﻨﺎﺒل ﺫﺭﻴﺔ
ﺘﻘﻠﻨﺎ ﻭﺘﺤﻜﻡ ﻭﺘﻌﻠﻡ
ﻭﺍﻟﺤل ﺃﻫﻭ ﺠﺎﻫﺯ ﻴﺎ ﻫﺭﻴﺩﻯ
ﺃﻨﺎ ﻻﺯﻡ ﺃﻀﻐﻁ ﻭﺒﺎﻴﺩﻯ
ﺃﻤﺭﻴﻜﺎ ﻫﺘﺎﺨﺩ ﺼﻭﺍﺭﻴﺨﻬﺎ
ﻭﻻ ﺒﻭﺴﻨﻪ ﻫﻨﻌﺭﻑ ﻭﻻ ﺸﻴﺸﻨﺎ
ﻭﻻ ﻤﺩﻓﻊ ﻴﻀﺭﺏ ﻓﻰ ﻭﺸﻭﺸﻨﺎ
-٧-
- 9. ﻭﻻ ﺤﺩ ﻫﻴﻘﺩﺭ ﻴﺩﻭﺸﻨﺎ
ﻭﻭﺸﻭﺸﻨﺎ ﺨﺭﺍﻴﻁ ﻤﻜﺴﻭﻓﺔ
ﻟﻭ ﻴﺘﻌﺏ ﻗﻠﺒﻙ ﻴﺘﻨﻜﺩ
ﻑ ﺭﻴﻤﻭﺘﻙ ﻗﻠﺏ.. ﺘﺘﺄﻜﺩ
ﺍﻻﻫﻠﻰ ﺒﻴﻠﻌﺏ ﻭﻴﻔﻨﻥ
ﻭﺍﻟﻜﻭﺭﺓ ﺍﻟﺤﻠﻭﺓ ﺍﻟﻤﻠﻌﻭﺒﺔ
ﻋﻠﻰ ﺭﺍﺴﻙ ﺩﺍﻴﻤﺎ ﻤﻘﻠﻭﺒﺔ
ﻤﻼﻴﻴﻥ ﻤﻼﻴﻴﻥ ﺭﺍﻴﺤﺔ ﺘﻐﻨﻰ
ﻭﺘﺘﻭﺡ ﺴﺎﻋﺔ ﺨﺴﺎﺭﺘﻬﺎ
ﺨﺴﺎﺭﺘﻬﺎ ﺍﻟﺤﻠﻭﺓ ﺍﻟﻭﻻﺩﺓ
ﺨﺴﺎﺭﺘﻬﺎ ﻑ ﺤﻠﻡ ﻤﺎ ﻴﺘﺤﻘﻕ
-٨-
- 10. ﻏـــﺎﺩﺓ
ﻋﺸﺎﻥ ﺍﻟﺒﺕ ﺩﻯ ﺤﻠﻭﺓ
ﺒﺸﻜل ﻴﺠﻨﻥ ﺍﻟﻌﺎﻗﻠﻴﻥ
ﻋﺸﻘﺕ ﺍﻟﺸﻌﺭ ﻑ ﻋﻨﻴﻬﺎ
ﻜﻼﻤﻬﺎ ﺍﻟﺴﻜﺭ/ ﺍﻟﺒﻭﻅﺔ
ﻭﻋﻭﺩﻫﺎ ﺍﻟﺯﺍﻥ
ﻋﺸﺎﻥ ﺭﻭﺤﻬﺎ ﺒﺘﺴﻜﻨﻰ
ﺘﻭﺴﻭﺴﻨﻰ ﺒﺄﻟﻑ ﻟﺴﺎﻥ
ﺭﻗﻴﺕ ﺭﻭﺤﻰ ﻜﺫﺍ ﻤﺭﺓ
ﻋﻤﻠﺕ ﻜﺘﺎﺏ
ﻭﻻ ﺒﻴﻨﻔﻊ ﺩﻭﺍ ﻓﻴﺎ
ﻭﻻ ﻗﻠﺒﻰ ﻫﻴﺴﻤﻊ ﺼﻭﺕ
ﻴﻐﻴﺭ ﺴﻜﺘﻰ ﻟﻴﻬﺎ
ﻟﺤﺩ ﻡ ﺍﻤﻭﺕ
ﻋﺸﺎﻥ ﺍﻟﺒﺕ ﺩﻯ ﺤﻠﻭﺓ
ﺒﺸﻜل ﻴﺠﻨﻥ ﺍﻟﻌﺎﻗﻠﻴﻥ
-٩-
- 11. ﺤﺠﺭ ﺩﺨـﺎﻥ
ﺃﻨﺎ ﻭﺍﻟﻌﺸﻕ ﻭﺍﻻﺤﺯﺍﻥ
ﺒﻴﺠﻤﻌﻨﺎ ﻋﻠﻰ ﺍﻟﻘﻬﻭﺓ ﺤﺠﺭ ﺩﺨﺎﻥ
ﺃﺤﺱ ﺍﻟﺩﻨﻴﺎ ﻭﺨﺩﺍﻨﻰ
ﺃﻨﺎ ﻭﺤﺩﻯ ﻟﻜﻭﻥ ﺘﺎﻨﻰ
ﻭﻨﻬﺭ ﺍﻟﻨﻴل ﻑ ﺠﻭﺍﻴﺎ
ﺒﻴﺠﺭﻯ ﻤﻴﺔ ﻑ ﻋﺭﻭﻗﻰ
ﻭﺃﻨﺎ ﻋﻁﺸﺎﻥ
ﻜﺭﺍﺴﻰ ﺍﻟﻘﻬﻭﺓ ﻤﺸﻐﻭﻟﺔ
ﻭﻤﺠﺩﻭﻟﺔ ﺒﺨﻴﻁ ﺍﺴﻭﺩ
ﺒﻴﺠﻤﻌﻨﺎ
ﻭﻴﻭﺠﻌﻨﺎ
ﻭﻟﻤﺎ ﻨﻘﻭﻡ ﻴﺭﺠﻌﻨﺎ
ﻭﻴﺴﺄﻟﻨﺎ :
- ﻟﻔﻴﻥ ﺭﺍﻴﺤﻴﻥ؟
- ٠١ -
- 12. ﺸﻭﺍﺭﻋﻨﺎ ﺒﺸﺭ ﻤﺎﺸﻰ
ﻤﻠﻭﺵ ﻋﻨﻭﺍﻥ
ﻭﺃﻨﺎ ﻗﺎﻋﺩ ﻋﻠﻰ ﻜﺭﺴﻰ
ﻏﺭﻴﺏ ﻤﺭﻜﻭﻥ
ﺘﺠﻴﻨﻰ ﺍﻟﻔﻜﺭﺓ ﺘﺴﺤﺒﻨﻰ
ﻵﺨﺭ ﺍﻟﻜﻭﻥ
ﺃﺤﺱ ﺍﻟﻨﺒﺽ ﺠﻭﺍﻴﺎ
ﺒﺩﻭﻥ ﺍﺤﺴﺎﺱ
ﻜﺄﻨﻪ ﺤﻜﺎﻴﺔ ﻤﻨﺴﻴﺔ
ﺒﻘﺎﻟﻬﺎ ﺯﻤﺎﻥ
ﺃﺤﺎﻭل ﺍﻜﺴﺭ ﺍﻟﻌﺘﻤﺔ
ﺃﻁﺎﻟﻊ ﺴﻁﺭ ﻑ ﺠﺭﻴﺩﺓ
ﺒﺘﺭﺴﻡ ﺤﻠﻡ ﻑ ﻋﻴﻭﻨﻰ
ﺒﻘﺎﻟﻪ ﺴﻨﻴﻥ
- ١١ -
- 13. ﻭﺘﺸﻜﻰ ﻤﻥ ﻤﻭﺍﺠﻌﻨﺎ
ﻭﻟﻭ ﺘﺤﻜﻰ ﻤﺘﺎﻋﺒﻨﺎ
ﻜﻼﻤﻬﺎ ﺍﻟﺤﻠﻭ ﻤﺎ ﻴﻜﻔﻰ
ﻭﻻ ﻴﺸﻔﻰ ﻤﻥ ﺍﻟﺤﺭﻤﺎﻥ
ﻴﻌﺩﻯ ﺍﻟﻭﻗﺕ ﻴﺨﻨﻘﻨﺎ
ﺯﻤﻥ ﻜﺩﺍﺏ
ﻨﻔﺘﺵ ﻋﻥ ﻗﻤﺭ ﺴﺎﻫﺭ
ﻴﺴﺭ ﺍﻟﻘﻠﺏ ﻭﺍﻟﺨﺎﻁﺭ
ﻴﻨﻭﺭ ﺴﻜﺔ ﺍﻟﺩﻨﻴﺎ
ﻭﻴﻐﺴل ﻏﺒﺭﺓ ﺍﻟﻤﺸﻭﺍﺭ
ﻨﻼﻗﻰ ﺍﻟﺒﺩﺭ ﻴﺨﺩﻋﻨﺎ
ﻭﻴﻁﻠﻊ ﻨﺎﺭ
ﻭﺃﻻﻗﻰ ﻨﻔﺴﻰ ﻑ ﺍﻷﺨﺭ
ﺤﺠﺭ ﺩﺨﺎﻥ
- ٢١ -
- 14. ﻑ ﺍﻟﺒـﺭﻭﺍﺯ
ﺃﻨﺎ ﻭﺃﻨﺕ ﻴﺎ ﺼﺎﺤﺒﻰ
ﻭﻻ ﻤﺭﺓ ﻜﻨﺎ ﺴﻭﺍ
ﺍﻻ ﻑ ﻭﺵ ﺍﻟﺭﻴﺢ
ﻓﺎﻜﺭ ﺯﻤﺎﻥ ﺍﻟﺼﻔﺎ؟
ﺃﻨﺎ ﻟﺴﻪ ﻤﺎ ﻨﺴﺘﻬﻭﺵ
ﻜﺎﻥ ﺤﻠﻤﻨﺎ ﺍﻟﻭﺭﺩﻯ
ﻴﺴﺒﻘﻨﺎ ﻑ ﺍﻟﻤﺸﺎﻭﻴﺭ
ﻭﻴﺯﻭﻕ ﺍﻟﺩﻨﻴﺎ
ﻟﻤﺎ ﻨﺸﺎﻭﺭ ﻜﺩﻩ
ﻋﻠﻰ ﺒﻜﺭﻩ ﻋﺎﻴﺯﻴﻨﻪ
ﻜﻨﺎ ﺘﻤﻠﻰ ﺴﻭﺍ
ﺃﻨﺎ ﻭﺍﻨﺕ ﻭﺍﻟﺸﻴﺸﺔ
ﻭﺍﻟﻘﻬﻭﺠﻰ ﺍﻟﻌﺘﺭﺓ
ﻴﻠﻘﺎﻨﺎ ﺒﺎﻟﺒﺴﻤﺔ
- ٣١ -
- 15. ﺒﻨﻬﻨﺩﺱ ﺍﻷﻭﺭﺍﻕ
ﻭﺒﻨﻠﻌﻥ ﺍﻟﻌﺘﻤﺔ
ﻭﺍﻟﺸﻤﺱ ﺘﻐﺼﺒﻨﺎ
ﻋﻠﻰ ﺭﻓﻊ ﻁﺎﻭﻟﺘﻨﺎ
ﺘﺤﺕ ﺍﻟﺸﺠﺭﺓ ﻓﻰ ﺍﻟﺼﻴﻑ
ﻭﺍﻟﻭﺵ ﻤﺘﻠﻭﻥ
ﺒﺎﻟﺤﻴﺭﺓ ﻭﺍﻟﺒﺴﻤﺔ
ﻋﺸﺭﻴﻥ ﺴﻨﻪ ﻋﺩﻭﺍ
ﻭﺍﻟﻘﻬﻭﺓ ﻤﻠﺘﻨﺎ
ﻭﺍﻟﻘﻬﻭﺠﻰ ﺍﻻﺴﻤﺭ
ﻤﻴﺯﻨﺎ ﺒﺎﻟﺜﺭﺜﺭﺓ
ﻓﻰ ﺍﻟﻔﺎﻀﻰ ﻭﺍﻟﻤﻠﻴﺎﻥ
ﻭﺒﻤﺴﻜﺔ ﺍﻟﺠﺭﻨﺎﻥ
ﻭﺒﻘﻬﻭﺘﻰ ﺍﻟﺴﺎﺩﻩ
ﻭﺒﺸﺎﻴﻙ ﺍﻟﻤﺤﺭﻭﻕ
- ٤١ -
- 16. ﻭﺍﻟﺠﻠﺒﻴﺔ ﺍﻟﻘﻁﻥ
ﺍﻟﻠﻰ ﺒﺘﻌﺸﻘﻬﺎ
ﻟﻤﺎ ﺍﻟﻤﻭﻀﺎﺕ ﺘﻜﺘﺭ
ﻭﺒﺘﺒﻘﻰ ﻤﻥ ﻏﻴﺭ ﻁﻌﻡ
ﻓﺎﻜﺭ ﺃﻨﺎ ﺼﻭﺘﻙ :
" ﻨﻔﺴﻰ ﻓﻰ ﻗﺼﻴﺩﺓ ﺸﻌﺭ
ﻁﻠﻘﺔ ﺘﺼﺤﻰ ﺍﻟﻨﺎﺱ
ﻭﺘﻬﺩ ﺤﻴﻁ ﺍﻟﺨﻭﻑ
ﻭﺘﺤﺭﻙ ﺍﻻﺤﺴﺎﺱ
ﻴﺎ ﻤﻌﺸﺭ ﺍﻟﺸﻌﺭﺍ
ﺒﺎﻟﺠﺩ ﻤﺵ ﺒﻬﺯﺍﺭ
ﺃﻨﺎ ﻗﻠﺘﻬﺎ ﺃﺯﻤﺎﻥ
ﺍﻟﺸﻌﺭ ﻭﻗﺕ ﺍﻟﺸﺘﺎ
ﻻﺯﻡ ﻴﻜﻭﻥ ﺍﻟﻨﺎﺭ
ﻭﻑ ﻋﺯ ﺤﺭ ﺍﻟﺼﻴﻑ
- ٥١ -
- 17. ﻨﺴﻤﺎﻴﺔ ﺒﺘﺭﻓﺭﻑ
ﻋﻠﻰ ﻭﺸﻨﺎ ﺍﻟﻌﺭﻗﺎﻥ
ﻓﺎﻜﺭ ﺃﻨﺎ ﺴﻜﻭﺘﻙ
ﻭﺃﻨﺎ ﻭﺤﺩﻯ ﺒﺎﺸﻜﻴﻠﻙ
ﻤﻥ ﻗﺴﻭﺓ ﺍﻷﻴﺎﻡ
ﻭﺍﻟﻌﻴﺸﺔ ﻤﺵ ﻋ ﹼﺎﺏ
ﻨ
ﻭﻻ ﺤﺘﻰ ﺯﻯ ﺍﻟﻔل
ﻭﺍﻟﻘﻠﺏ ﻓ ﺎ ﻭﻁﻥ
ﻴ
ﻴﻁﻠﻊ ﻤﻥ ﺍﻟﻁﻐﻴﺎﻥ
ﻴﻭﻗﻊ ﻓﻰ ﺍﻴﺩ ﻤﺤﺘل
ﻭﺍﻟﺘﻭﻫﻪ ﺒﺘﺸﺩﻨﻰ
ﻤﻥ ﺃﻭل ﺍﻟﻤﺸﻭﺍﺭ
ﻭﻟﺤﺩ ﺃﺨﺭ ﺍﻟﻌﻤﺭ
ﺍﺠﺭﻯ ﻫﻨﺎ ﻭﻫﻨﺎﻙ
ﻭﺃﻨﺕ ﺍﻟﻤﻼﺫ ﺍﻟﻠﻰ ﺩﺍﻴﻤﺎ
- ٦١ -
- 18. ﻴﻨﺠﺩﻨﻰ ﻓﻰ ﺍﻷﺯﻤﺎﺕ
ﻭﻴﺯﻴﺢ ﻫﻤﻭﻡ ﺍﻟﺭﻭﺡ
ﻭﻴﺭﺠﺢ ﺍﻟﻠﻰ ﺍﺨﺘل
ﻓﺎﻜﺭ ﺃﻨﺎ ﺼﻭﺘﻙ :
ﻤﻌﺸﻭﻗﺘﻰ ﻴﺎ ﺴﻤﺭﺓ
ﻁﻭل ﻋﻤﺭﻯ ﺒﺎﻫﻭﺍﻙ
ِ
ﻑ ﺍﻟﻌﺴﺭ ﻭﺍﻟﻴﺴﺭﻩ
ﺤﺒﻴﻨﻰ ﻭﻟﻭ ﻤﺭﺓ
ﺘﻼﻗﻴﻨﻰ ﺫﻯ ﺍﻟﺠﺒل
ﻟﻤﺎ ﺘﻌﺩﻯ ﺍﻟﺭﻴﺢ
ﻭﺘﻜﺴﺭ ﺍﻟﺩﻨﻴﺎ
ﺤﺒﻴﻨﻰ ﻟﻭ ﻤﺭﺓ
ﻭﺒﻼﺵ ﺃﻀ ﻊ ﻜﺩﻩ
ﻴ
ﺍﻟﻌﻤﺭ ﻑ ﺍﻷﻭﻫﺎﻡ
- ٧١ -
- 19. ﻗﻠﺒﻰ ﺃﻨﺎ ﻨﻬﺭﻙ
ﺒﺭ ﺍﻷﻤﺎﻥ ﻓﻴﺎ
ﻟﻭ ﺘﻌﺩﻟﻰ ﺍﻟﺼﻭﺭﺓ
ﻭﺘﻐﻴﺭﻯ ﺍﻷﻭﺯﺍﻥ
ﻟﻴﻪ ﺘﻅﻠﻤﻰ ﺍﻟﻐﻠﺒﺎﻥ
ﻭﺒﺘﻨﺼﻔﻰ ﺍﻟﻤﺎﻴل
ﻓﺎﻜﺭ ﺤﺎﺠﺎﺕ ﻭﺤﺎﺠﺎﺕ
ﺯﻴﻙ ﻭﺯﻯ ﺘﻤﺎﻡ
ﻤﻌﺭﻭﻀﻪ ﻑ ﺍﻟﺨﺭﺩﺓ
ﻴﺎ ﺨﺴﺎﺭﺓ ﻴﺎ ﺼﺎﺤﺒﻰ
ﺍﻟﺤﻠﻡ ﺘﺎﻩ ﻤﻨﻨﺎ
ﻭﺍﻟﻤﺸﻰ ﺃﺼﺒﺢ ﻨﺩﻡ
ﻁﻭل ﻡ ﺍﻟﺸﻭﺍﺭﻉ ﺴﺩ
- ٨١ -
- 20. ﺨـﺎﻟﺘﻰ ﺒﺨﻴﺘﺔ
ﺨﺎﻟﺘﻰ ﺒﺨﻴﺘﻪ ﺃﻜﻴﺩ ﺍﻨﺴﺎﻨﻪ
ﻤﻬﻴﺵ ﻏﻠﺒﺎﻨﺔ
ﻭﻻ ﻤﻌﺠﻭﻨﺔ ﻑ ﻁﻴﻥ ﻋﻔﺎﺭﻴﺕ
ﻤﻥ ﺃﻴﺎﻡ ﻤﺎ ﺍﻨﺎ ﻜﻨﺕ ﺼﻐﻴﺭ
ﻋﻴﻨﻰ ﻋﻠﻴﻬﺎ
ﺯﻯ ﺍﻟﻨﺤﻠﺔ
ﺘﺸﻘﻰ ﻨﻬﺎﺭ ﻭﻟﻴل ﻭﺘﻐﻨﻰ
ﺠﻭﺍ ﺍﻟﺒﻴﺕ
ﻭﺒﺭﺍ ﺍﻟﺒﻴﺕ
ﺨﺎﻟﺘﻰ ﺒﺨﻴﺘﻪ
ﺘﻘﻭل ﺘﻤﺜﺎل
ﻻﺒﺱ ﺘﻭﺏ ﺍﻟﺤﺯﻥ ﺘﻤﻠﻰ
ﺯﻯ ﻜﺘﻴﺭ ﻡ ﺍﻟﻨﺎﺱ
ﻓﻰ ﺒﻠﺩﻨﺎ
- ٩١ -
- 21. ﺠﻨﺏ ﺍﻟﺤﻴﻁﺔ ﻤﺎﺸﻴﻥ
ﻑ ﺴﻜﻭﺕ
ﺸﺎﻴﻠﻪ ﻫﻤﻭﻡ ﺍﻟﻨﺎﺱ ﺍﻟﻔﻘﺭﺍ
ﻻ ﺒﺘﺘﻬﺠﻰ ﺍﻟﻜﻭﻥ ﻭﻻ ﺘﻘﺭﺍ
ﺁﺨﺭ ﺴﺎﻋﺔ
ﻭﺃﺨﺒﺎﺭ ﺤﻭﺍ
ﺒﺱ ﺍﻨﺎ ﺤﺎﺴﺱ ﺍﻨﻬﺎ ﺠﻭﺍ
ﻜل ﻋﻴﻭﻥ ﺍﻟﻨﺎﺱ ﻭﻗﻠﻭﺒﻬﻡ
ﻴﻤﻜﻥ ﺩﻤﻌﺔ
ﻜﻠﻤﺔ ﺤﺏ ﻤﻬﻴﺵ ﻤﻔﻬﻭﻤﺔ
ﻴﻤﻜﻥ ﺨﻭﻑ ﻉ ﺍﻟﻭﺭﺩ ﻟﻴﺩﺒل
ﻴﻤﻜﻥ
ﻴﻤﻜﻥ
ﺒﺱ ﺃﻜﻴﺩ ﺠﻭﺍﻫﻡ ﺤﺎﺠﺔ
ﺃﻜﺘﺭ ﻡ ﺍﻻﺤﺴﺎﺱ ﻭﺨﻼﺹ
- ٠٢ -
- 22. ﻟﻭ ﻨﻘﺭﺍﻫﺎ ﻑ ﺼﺤﻥ ﻋﻴﻭﻨﻬﻡ
ﻟﻤﺎ ﻴﺸﻭﻓﻭﺍ ﺒﺨﻴﺘﻪ ﻫﺘﻌﺭﻑ
ﻜل ﻫﻤﻭﻡ ﺍﻟﻜﻭﻥ ﻭﺍﻟﻨﺎﺱ
ﻟﻤﺎ ﺍﻟﺤﻅ ﻴﻌﺩﻯ ﻋﻠﻴﻨﺎ
ﻴﺴﻌﺩ ﻨﺎﺱ ﻭﻴﻌﺫﺏ ﻨﺎﺱ
ﺨﺎﻟﺘﻰ ﺒﺨﻴﺘﻪ
ﺃﻜﻴﺩ ﺍﻨﺴﺎﻨﺔ
ﺘﻌﺭﻑ ﺃﻫل ﺍﻟﻌﻴﺏ ﻭﺘﺴﻴﺒﻬﻡ
ﻭﺍﻟﻭﺍﻁﻴﻥ ﻤﺎ ﺘﺤﺏ ﻨﺴﺒﻬﻡ
ﻭﺍﻟﻜﺩﺍﺏ ﻤﻠﻌﻭﻥ ﻑ ﻟﺴﺎﻨﻬﺎ
ﻭﺍﻟﺨﺒﺎﺹ ﻟﻭﺸﺎﻓﻬﺎ ﻴﺘﻭﺏ
ﻴﻘﻔل ﺨﺸﻤﺔ ﺒﻤﻴﺔ....
ﺃﺴﻑ ﺠﺩﺍ
ﺃﺼل ﺍﻟﻜﻠﻤﺔ ﺘﻘﻴﻠﺔ ﻭﻋﻴﺒﺔ
- ١٢ -
- 23. ﺍﻟﻨﺴﻭﺍﻥ ﻑ ﻨﺠﻌﻨﺎ ﻜﻠﻪ
ﻴﻌﺭﻓﻭﺍ ﺍﻨﻪ ﺒﺨﻴﺘﻪ ﺍﻟﻘﻌﻭﺓ
ﺘﻁﺒﺦ ﺃﻜل ﺘﺤﺱ ﺒﻁﻌﻤﻪ
ﺘﺨﺒﺯ ﻟﻘﻤﺔ ﺘﺸﺭﻑ ﻭﺸﻙ
ﻟﻤﺎ ﺍﻟﻀﻴﻑ ﻴﺨﺵ ﺤﺩﺍﻙ
ﺘﻜﻨﺱ ﺒﻴﺘﻬﺎ ﺍﻟﻁﻴﻥ ﺍﻟﻭﺍﺴﻊ
ﻗﻭل ﻤﻴﺔ ﻤﺭﺓ ﻭﻻ ﺘﺘﻌﺒﺵ
ﺃﻤﺎ ﻁﻴﻭﺭﻫﺎ ﺍﻟﻤﺵ ﻤﻌﺩﻭﺩﺓ
ﺯﻯ ﻨﺠﻭﻡ ﺍﻟﻠﻴل ﺍﻟﺼﺎﻓﻴﺔ
ﺨﻠﺕ ﻜل ﺠﻴﺭﺍﻨﻬﺎ ﻴﺤﺴﻭﺍ
ﺍﻨﻪ ﺍﻟﺒﻴﺕ ﺘﻌﻤﺭﻩ ﻭﺍﺤﺩﺓ
ﺯﻯ ﺒﺨﻴﺘﻪ ﻤﻬﻴﺵ ﻜﺴﻼﻨﺔ
ﺨﺎﻟﺘﻰ ﺒﺨﻴﺘﻪ ﻜل ﻋﺸﻴﺔ
ﺘﻘﻌﺩ ﺠﻭﺍ ﺍﻟﺒﺎﺏ ﻭﺘﺒﺼﺒﺹ
ﻉ ﺍﻟﻤﺎﺸﻴﻥ ﻑ ﺍﻟﺤﺎﺭﺓ ﺍﻟﻌﺘﻤﺔ
- ٢٢ -
- 24. ﺘﻘﻌﺩ ﺴﺎﻋﺔ ﺃﻭ ﺴﺎﻋﺘﻴﻥ
ﺘﺸﺭﺏ ﻓﻴﻬﺎ ﺍﻟﺸﺎﻯ ﻨﻭﺒﺘﻴﻥ
ﻋﻴﻨﻬﺎ ﺒﺘﺭﺼﺩ ﺯﻯ ﻭﺩﺍﻨﻬﺎ
ﻜل ﺤﻜﺎﻭﻯ ﺍﻟﺒﻨﻰ ﺁﺩﻤﻴﻥ
ﺍﻟﻠﻰ ﺍﺘﺠﻭﺯ
ﻭﺍﻟﻠﻰ ﺍﺘﻁﻠﻕ
ﻭﺍﻟﻠﻰ ﺭﺍﺠﻠﻬﺎ ﻤﻬﻭﺵ ﻤﻭﺠﻭﺩ
ﺃﻤﺎ ﻟﺴﺎﻨﻬﺎ ﻑ ﻭﻗﺕ ﺍﻟﻘﻌﺩﺓ
ﻋﻤﺭﻩ ﻤﺎ ﻴﻨﻁﻕ ﻤﺭﺓ ﺒﻜﻠﻤﺔ
ﺍﺤﺴﻥ ﺤﺩ ﻴﺤﺱ ﻭﺠﻭﺩﻫﺎ
ﺠﻭ ﺍﻟﺒﺎﺏ
ﺍل
ﻤﺵ ﻤﺭﺩﻭﺩ
- ٣٢ -
- 25. ﺩﺭﺓ ﺒﻠﺩﻨـﺎ
ﺩﺭﺓ ﺒﻠﺩﻨﺎ ﺍﻟﻠﻰ ﺍﻨﻘﺘل
ﻤﺵ ﻫﻭ ﺃﻭل ﺩﻡ ﺴﺎل
ﻟﺠل ﺍﻟﻌﻴﻭﻥ ﺍﻟﺴﻬﺭﺍﻨﻴﻥ
ﺠﻭﺍ ﺍﻟﻤﻜﺎﻥ ﺍﻻﺒﻬﺔ
ﻭﻻ ﻫﻭ ﺃﻭل
ﻤﻴﺔ ﺴﺅﺍل
ﻤﺵ ﻻﻗﻴﺔ ﻓﻴﻨﺎ ﺍﻷﺠﻭﺒﺔ
ﺩﺭﺓ ﺒﻠﺩﻨﺎ ﺍﻟﻠﻰ ﺍﻨﻘﺘل
ﻨﺩﺍﻫﺔ ﻓﻭﻕ
ﻜل ﺍﻟﺒﺸﺭ
ﺍﻟﻠﻰ ﺒﻴﺠﺭﻯ ﻑ ﺩﻤﻬﻡ
ﺃﺤﻤﺱ
ﻭﺨﺎﻟﺩ
ﻭﺍﻟﺴﺎﺩﺍﺕ
- ٤٢ -
- 26. ﻴﺎ ﺼﻭﺭ ﻜﺘﻴﺭﺓ ﻤﺯﻭﻗﺔ
ﻋﺎﻴﺸﺔ ﻑ ﺴﺒﺎﺕ
ﺍﻤﺘﻰ ﻫﻨﺨﻠﺹ ﻡ ﺍﻷﻟﻡ
ﻭﻨﺨﺵ ﻏﺯﺓ.. ﺒﺩﺒﺎﺒﺎﺕ؟
- ٥٢ -
- 27. ﻜل ﻴــﻭﻡ
ﺒﺸﻭﻴﺵ
ﻁﻠﻌﺕ ﺩﻤﺎﻏﻰ ﺍﻟﻤﻭﺠﻭﻋﺔ
ﻤﻥ ﺸﻕ ﺍﻟﺒﺎﺏ
ﺒﺼﻴﺕ ﺒﻌﻴﻭﻨﻰ ﺍﻟﻤﻘﻔﻭﻟﺔ
ﺒﺎﻟﺨﻭﻑ ﺍﻟﻬﺎﻴﺞ ﻑ ﻋﺭﻭﻗﻰ
ﻋﻠﻰ ﺒﻨﺕ ﺒﺘﺼﺭﺥ ﻑ ﺍﻟﺤﺎﺭﺓ
ﻭﺍﻟﺤﺎﺭﺓ ﺍﻟﺼﺎﺤﻴﺔ / ﺍﻟﻨﻌﺴﺎﻨﺔ
ﺒﺘﺸﺩ ﺍﻟﺴﺘﺭ ﻭﺘﺘﻐﻁﻰ
ﻭﺍﻟﺼﻭﺕ ﻤﺸﻌﻠل ﻑ ﻭﺩﺍﻨﻰ
ﻴﺎﺤﺎﺭﺘﻨﺎ ﺍﻟﺤﻠﻭﺓ ﺍﻟﻜﺩﺍﺒﺔ
ﻟﻭ ﺩﺍﺴﻨﺎ ﺍﻟﻬﻡ ﻫﻨﺴﺘﺤﻤل
ﺍﺯﺍﻯ ﻭﻟﻔﻴﻥ؟
ﻭﺍﻟﻬﻡ ﺃﻫﻭ ﻤﺎﺸﻰ ﻭﻻ ﻫﻤﻭ
- ٦٢ -
- 28. ﻭﺍﻟﻨﺎﺱ ﻗﺎﻋﺩﻴﻥ ﺒﻴﺴﺘﻨﻭﺍ
ﺍﻟﻘﺩﺭﺓ ﺘﺒﺩل ﺍﺤﻭﺍﻟﻨﺎ
ﻭﺘﺸﺩ ﺍﻵﻩ ﺍﻟﻤﻜﺒﻭﺘﺔ
ﻤﻥ ﺠﻭﻑ ﺍﻟﺨﻠﻕ
ﺍﻟﺒﻨﺕ ﺒﺘﺼﺭﺥ ﻭﺒﺘﺼﺭﺥ
ﻭﺃﻨﺎ ﻗﺎﻋﺩ ﺃﻓﻜﺭ ﻭﺍﻓﻜﺭ
ﻭﺩﻤﺎﻏﻰ ﺒﺘﻭﺭﻡ ﻭﺒﺘﻭﺭﻡ
ﻭﻴﻐﻴﺏ ﺍﻟﺤﻕ
ﺠﻴﺕ ﺍﺴﺤﺏ ﺭﺍﺴﻰ ﺍﺨﺒﻴﻬﺎ
ﺍﻟﻘﻴﺕ ﺍﻟﺨﻭﻑ ﺒﻴﻘﻁﻌﻬﺎ
ﻭﻴﺴﺩ ﺍﻟﺸﻕ
- ٧٢ -
- 29. ﺘﻐــﻴﻴﺭ
ﻋﻠﻰ ﻓﻴﻥ ﻫﺘﺭﻭﺡ؟
ﻭﺍﻟﺤﺯﻥ ﺍﻫﻭ ﺴﺎﻜﻥ ﻑ ﻋﺭﻭﻗﻙ
ﻭﻤﻼﻤﺢ ﻭﺸﻙ.. ﺒﺘﻐﺸﻙ
ﻭﺍﻷﻤل ﺍﻟﺴﺎﻜﻥ ﻑ ﻋﻴﻭﻨﻙ
ﺒﻴﺨﻭﻥ ﺃﻴﺎﻤﻙ.. ﻭﻴﺨﻭﻨﻙ
ﻭﻴﻠﻭﻥ ﺼﻭﺭﺓ ﻤﻌﺸﻭﻗﻙ
ﻭﺍﺯﺍﻯ ﻫﺘﺒﻭﺡ
ﻭﺍﻨﺕ ﺍﻟﻤﺤﺒﻭﺱ ﻑ ﻋﻨﻭﺍﻨﻙ
ﻭﺤﺠﺎﺭﺓ ﺍﻟﺨﻭﻑ ﺍﻟﻤﻠﻌﻭﻨﺔ
ﻤﺭﺼﻭﺼﺔ ﺒﺤﻜﻤﺔ
ﻋﻠﻰ ﻟﺴﺎﻨﻙ
ﻟﻭ ﻜﻨﺕ ﺼﺤﻴﺢ ﻟﺴﻪ ﺒﺘﺤﻠﻡ
ﺃﺭﺠﻭﻙ
ﺘﻐﻴﺭ
ﺇﻨﺴﺎﻨﻙ
- ٨٢ -
- 30. ﻤــﻠل
ﺼﺎﺒﺢ ﻤﻠﻴﺵ ﺭﺠﻠﻴﻥ
ﻭﺍﻟﻤﺸﻰ ﻴﻡ ﺍﻟﺼﺒﺢ
ﺩﻟﻭﻗﺘﻰ
ﻤﺵ ﻤﺴﻤﻭﺡ
ﻴﺎ ﺼﺎﺤﺒﻰ
ﻗﻭﻟﻰ ﺍﺯﺍﻯ
ﺃﺨﻠﻊ ﻫﻤﻭﻡ ﺍﻟﺯﻤﻥ
ﻭﺃﻟﺒﺱ ﻓﺭﺡ ﺯﺭﺯﻭﺭ
ﻤﻠﻴﻨﺎ ﻜل ﺍﻟﺴﻜﻙ
ﻗﻌﺩ ﺍﻟﺩﻜﻙ
ﺠﻤﺎﻋﺎﺕ
ﻨﺭﺴﻡ ﻁﺭﻴﻕ ﻟﻠﻔﺭﺡ
ﻭﻨﺒﻌﺘﺭ ﺍﻷﺤﺯﺍﻥ
ﻭﺍﻟﺤﺯﻥ ﻤﺵ ﺨﻠﺼﺎﻥ
ﺇﻻ ﺒﻁﻠﻭﻉ ﺍﻟﺭﻭﺡ
- ٩٢ -
- 31. ﺃﻨﺘﻴﻜـــﺎ
ﺃﻨﺎ ﻟﺴﻪ ﺼﺎﺤﻰ ﻡ ﺍﻟﺘﻌﺏ
ﻑ ﺍﻴﺩﻴﺎ ﺤﺘﺔ ﺴﻨﺩﻭﺘﺵ
ﻉ ﺍﻟﻁﺎﻭﺍﻟﺔ ﺸﺎﻯ ﺍﺴﻭﺩ ﺘﻘﻴل
ﻤﺼﺤﻑ ﻫﺩﻴﺔ ﻡ ﺍﻟﺤﺭﻡ
ﺠﺒﻬﻭﻟﻰ ﺼﺎﺤﺏ ﻭﺍﺩﻋﺎﻟﻰ ﺩﻋﻭﺘﻴﻥ
ﺠﺭﻨﺎﻥ ﻁﻭﻴل
ﻓﺎﻀﻰ ﻭﺒﺨﻴل
ﻭﻻﻋﺔ ﻡ ﺍﻟﻨﻭﻉ ﺍﻟﺭﺨﻴﺹ
ﻋﻠﺒﻪ ﺴﺠﺎﻴﺭ ﻨﺼﻬﺎ
ﻤﺸﺭﺒﺘﻬﻭﺵ
ﺩﻓﺘﺭ ﺩﺭﻭﺱ
ﻤﺤﺸﻰ ﺒﺎﻵﻑ ﺍﻟﺘﻭﻗﻴﻌﺎﺕ
ﻤﻨﺎﺩﻴل ﻭﺭﻕ
ﻟﺠل ﺍﻟﻌﺭﻕ
ﻤﺎﻴﺒﺎﻨﺸﻰ ﻁﺎﻓﺢ ﻉ ﺍﻟﺠﺒﻴﻥ
- ٠٣ -
- 32. ﺃﺭﺒﻊ ﻗﺯﺍﻴﺯ ﻟﻠﻤﻐﺹ، ﻭﺠﻊ ﺍﻟﺩﻤﺎﻍ
ﻨﻀﺎﺭﺓ ﻤﻜﺴﻭﺭﺓ ﺍﻟﺩﺭﺍﻉ
ﻜﺎﺭﻨﻴﻪ ﻨﻘﺎﺒﺔ، ﻤﺴﻁﺭﺓ، ﺩﻋﻭﺓ ﻓﺭﺡ
ﻭﺤﺼﺎﻥ ﺨﺸﺏ ﻗـــــــﺩ ﺍﻟﺼﺒﺎﻉ
ﻤﻔﺘﺎﺡ ﻗﺩﻴﻡ
ﻓﻜﺭﻨﻰ ﺒﺎﻟﺴﺕ ﺍﻟﻠﻰ ﻏﺎﺒﺕ ﻤﻥ ﺴﻨﺔ
ﻁﻔﺎﻴﺔ ﻤﻥ ﺒﺎﺏ ﺍﻟﺤﺩﻴﺩ
ﻤﻜﺘﻭﺏ ﻋﻠﻴﻬﺎ ﺒﺎﻟﺜﻠﺙ ﻜﻠﻤﺔ ﺸﻬﻴﺩ
ﻜﺘﺎﺒﻴﻥ ﻟﺒﻴﺭﻡ ﻭﻟﺠﺎﻫﻴﻥ
ﻗﻠﻤﻴﻥ ﺭﺼﺎﺹ ﺒﺎﺤﺘﺎﺝ ﻟﻬﻡ
ﻟﻤﺎ ﺍﻟﻘﺼﻴﺩﺓ ﺒﺘﺘﻭﻟﺩ
ﺠﻭﺍﻴﺎ ﺨﺎﻴﻔﺔ ﻡ ﺍﻟﺯﻭﺍل
ﻭﺸﺭﻴﻁ ﺠﺩﻴﺩ ﻟﻠﻌﻨﺩﻟﻴﺏ
ﻭﻋﺭﻭﺴﺔ ﻡ ﺍﻟﺼﻴﻥ ﺍﻟﺒﻌﻴﺩ
ﻤﻘﻁﻭﻋﺔ ﻤﻥ ﺸﺩ ﺍﻟﻌﻴﺎل
- ١٣ -
- 33. ﺼﻭﺭﺓ ﺤﻤﺎﺭ، ﺸﺎﻴل ﺒﻴﺘﻴﻥ
ﺼﻭﺭﺓ ﻗﺩﻴﻤﺔ ﻤﻌﻔﺭﺓ
ﺃﻴﺎﻡ ﻤﺎ ﻜﻨﺎ ﺼﻐﻴﺭﻴﻥ
ﺃﺼﺤﺎﺒﻰ ﻭﺍﻗﻔﻴﻥ ﻡ ﻭﺭﺍ
ﻤﻌﺭﻓﺵ ﻟﻴﻪ ﺒﺎﺼﻴﻥ ﺒﻌﻴﺩ؟!
ﻤﻌﺭﻓﺵ ﻟﻴﻪ ﻤﺼﻬﻠﻠﻴﻥ؟!
- ٢٣ -
- 34. ﺒﻌﺩ ﺍﻟﻠﻰ ﺤﺼل
ﻤﻥ ﻗﺒل ﺠﺭﺍﺩ ﺍﻟﻐﻴﻁ ﻡ ﻴﺒﺎﻥ
ﻜﺎﻥ ﻋﻤﻰ ﻫﻨﺎﻙ
ﺒﻴﺠﻴﻨﺎ ﻑ ﻜل ﺭﺒﻴﻊ ﻤﻠﻴﺎﻥ..
ﻭﺒﻴﺤﻜﻰ ﺤﻜﺎﻭﻯ ﺒﺘﻁﺭﺡ ﺤﺏ :
- ﺒﻐﺩﺍﺩ ﻴﺎ ﻭﻻﺩﻨﺎ ﻤﻬﻴﺵ ﻏﺭﺒﺔ
ﻭﻻ ﺃﺭﺽ ﻭﺸﻌﺏ
ﺒﻐﺩﺍﺩ ﻏﻨﻴﻭﺓ ﺒﻨﻌﺸﻘﻬﺎ
ﻭﺘﻬﺯ ﺍﻟﻘﻠﺏ
ﺍﷲ ﻉ ﺍﻟﻨﺨل ﺃﻤﺎ ﺒﻴﻁﺭﺡ
ﻤﻭﺍﻭﻴل ﺘﻔﺎﺡ
ﻋﻠﻰ ﻁﻌﻡ ﺍﻟﻤﻴﺔ ﻭﺤﻼﻭﺘﻬﺎ
ﻋﻠﻰ ﻨﺎﺱ ﺒﺘﻘﺎﺒﻠﻙ ﺒﺎﻷﺤﻀﺎﻥ
ﺍﷲ ﻋﻠﻰ ﺸﺎﺭﻉ ﺒﻴﻀﻤﻙ
ﻜﻴﻑ ﺼﺩﺭ ﺍﻷﻡ
- ٣٣ -
- 35. ﻭﻗﺭﺍﻴﺒﻙ ﺠﻨﺒﻙ ﺤﻭﺍﻟﻴﻨﻙ
ﺍﻟﺨﺎل ﻭﺍﻟﻌﻡ
ﻭﺭﺴﺎﻴل ﺸﻭﻕ ﺒﺘﻭﺼل ﻟﻙ
ﺘﻤﻼﻙ ﺍﻓﺭﺍﺡ
ﻭﺘﺨﻠﻰ ﺍﻟﺭﻭﺡ ﺍﻟﻌﻁﺸﺎﻨﺔ
ﻟﻠﻨﻴل
ﺘﺭﺘﺎﺡ
ﺃﻭﻻﺩﻙ ﻨﺠﺤﻭﺍ ﺒﺩﻋﻭﺍﺘﻙ
ﻭﺍﻟﺤﺎﻟﺔ ﺘﻤﺎﻡ
ﻭﺘﻤﺭ ﺍﻟﻐﺭﺒﺔ ﻤﻬﻴﺵ ﺼﻌﺒﺔ
ﻭﺍﻟﺤﻠﻡ ﺒﻴﻜﺒﺭ ﺠﻭﺍﻨﺎ
ﻨﺭﺠﻊ ﺒﺸﻭﺍﺕ
ﻭﻻ ﻤﺭﺓ ﻨﻔﻜﺭ ﻨﺩﺍﻴﻥ
ﻭﻻ ﻴﻭﻡ ﻨﻨﻀﺎﻡ
ﻭﺒﻴﺤﻜﻰ ﺍﻟﻌﻡ ﻭﻨﺴﻤﻊ ﻟﻪ
- ٤٣ -
- 36. ﻭﺍﻟﻠﻴل ﻓﺭﺤﺎﻥ
ﻭﺃﻨﺎ ﻗﺎﻋﺩ ﺠﻨﺒﻪ ﻭﻑ ﻋﻨﻴﻪ
ﺍﻟﻜﻭﻥ ﺃﻟﻭﺍﻥ
ﻜﺎﻥ ﺤﻠﻤﻰ ﺃﺴﺎﻓﺭ ﻴﻭﻡ ﺒﻐﺩﺍﺩ
ﻭﺍﻋﻤل ﻟﻰ ﻫﻨﺎﻙ
ﻗﺭﺸﻴﻥ ﺤﻠﻭﻴﻥ
ﻭﺍﺭﺠﻊ ﺩﻓﻴﺎﻥ
ﺩﻟﻭﻗﺘﻰ ﺨــــــﻼﺹ
ﻟﻭ ﻋﻤﻰ ﻤﺼﻤﻡ ﻋﻠﻰ ﺭﺃﻴﻪ
ﺭﺍﺡ ﺃﻻﻗﻰ ﺍﻟﺩﻡ ﻑ ﺠﻭﺍﻴﺎ
ﺒﻴﻘﻭل ﻟﻰ ﺒـــــــﻼﺵ
ﻤﻴﺔ ﺍﻟﻑ ﺒــــــــﻼﺵ
- ٥٣ -
- 37. ﺩﻋــــﺎ
ﻴﺎ ﺒﺼﺭﻩ ﻴﺎ..
ﺃﺭﺽ ﺍﻷﻤﺎﻥ
ﻤﻥ ﻴﻭﻡ ﺩﺨﻭل ﺍﻷﻤﺭﻴﻜﺎﻥ
ﻭﻟﺩﻙ ﺤﺯﻴﻥ ﻑ ﻋﺯﻟﺘﻪ
ﻴﺼﺤﻰ ﻴﺩﺨﻥ ﻋﺯﺘﻪ
ﻭﻴﻠﻑ ﻑ ﺤﺩﻭﺩ ﺍﻟﻤﻜﺎﻥ
ﻴﺭﻓﻊ ﺍﻴﺩﻴﻨﻪ ﻡ ﺍﻷﻟﻡ :
- ﻴﺎﺭﺏ ﺘﻨﺼﺭ ﺸﻌﺒﻨﺎ
ﻭﺘﺩﻴﻡ ﻋﻠﻴﻨﺎ ﺃﻤﻨﻨﺎ
ﺨﻠﺼﻨﺎ ﻤﻥ ﺒﺤﺭ ﺍﻟﻬﻭﺍﻥ
ﻴﺎﺭﺏ ﺍﺤﻨﺎ ﺍﻟﻤﺴﻠﻤﻴﻥ
ﺼﺎﺒﺭﻴﻥ ﺘﻤﻠﻰ ﻭﻤﻐﻠﻭﺒﻴﻥ
ﻴﺎﺭﺏ
...........................
...........................
...........................
ﻭﻴﻁﻭل ﺍﻟﺩﻋﺎ
- ٦٣ -
- 38. ﻋﺸــــﺎﻨﻙ
ﻋﺸﺎﻨﻙ
ﻋﺸﺎﻨﻰ
ﻋﺸﻘﺕ ﺍﻷﻤﺎﻨﻰ
ﻭﺤﻠﻡ ﺍﻟﻭﺩﺍﺩ ﺍﻟﺒﺭﺉ ﺍﻟﻤﺤﺭﻡ
ﻋﺸﺎﻨﻙ ﺒﺴﺎﻓﺭ
ﻭﺃﻗﺭﺏ ﻟﺫﺍﺘﻰ
ﻭﺃﺨﺵ ﺍﻟﺨﺭﺍﻴﻁ ﻏﺭﻴﺏ ﺍﻟﻤﻼﻤﺢ
ﻭﺃﺠﻴﻠﻙ ﻭﺃﻗﻭﻟﻙ
ﺒﺤﺒﻙ ﺤﻜﺎﻴﺔ ﻤﻭﺩﺓ ﻭﺤﻨﺎﻥ
ﺘﺭﺵ ﺍﻟﻤﻭﺩﺓ
ﻭﺘﺭﻭﻯ ﺍﻟﻐﻴﻁﺎﻥ
ﻑ ﺤﺭ ﺍﻟﺯﻤﺎﻥ ﺍﻟﻌﻨﻴﺩ ﺍﻟﻌﻨﻴﺩ
ﻭﺃﺤﺒﻙ ﻤﻨﺎﺭﺓ ﻟﻜل ﺍﻟﻌﻴﻭﻥ
ﻭﻟﻬﻔﺔ ﻟﻘﺎﻨﺎ ﺒﺭﻏﻡ ﺍﻟﺠﻠﻴﺩ
ﻭﺃﺤﺒﻙ ﻨﺴﺎﻴﻡ ﺘﻬﻔﻬﻑ ﻁﺭﻴﺔ
- ٧٣ -
- 39. ﺤﺭﺍﻴﻕ ﺼﺒﻴﺔ ﺘﻌﺎﻨﺩ ﺍﻴﺩﻴﺎ
ﻭﺘﺨﻠﻕ ﻋﺯﻴﻤﺔ ﻤﺘﻌﺭﻑ ﺯﻭﺍل
ﺃﺤﺒﻙ ﻻﺨﺭ ﻤﻌﺎﻨﻰ ﺍﻟﻤﺤﺒﺔ
ﻭﺍﺨﺭ ﺤﺩﻭﺩ ﺍﻟﻔﻀﺎﺀ / ﺍﻟﻤﺤﺎل
ﻭﺃﻟﻑ ﺍﻟﻤﺩﺍﻴﻥ
ﻭﻻ ﺤﺩ ﻴﻌﻠﻡ
ﺒﺎﻨﻙ ﻤﺩﻴﻨﺘﻰ
ﺤﺒﻴﺒﺘﻰ ﺍﻟﻭﺤﻴﺩﺓ
- ٨٣ -
- 40. ﺸــﻌﺏ
ﺍﻟﻠﻴل ﻁﻭﻴل
ﻭﺍﻟﺩﻨﻴﺎ ﻻﺒﺴﺔ
ﻑ ﻨﻅﺭﺘﻙ
ﻜﻔﻥ ﺍﻟﺴﻜﺎﺕ
ﻭﺍﻨﺕ ﺍﻟﻠﻰ ﻗﺎﻋﺩ ﺘﻨﺘﻅﺭ
ﻭﺵ ﺍﻟﻨﻬﺎﺭ
ﺍﻟﻠﻰ ﺍﺨﺘﻔﻰ
ﻤﻥ ﻜل ﻭﺵ ﺒﺘﻌﺭﻓﻪ
ﺨﺵ ﺍﻟﺘﺎﺭﻴﺦ
ﻫﺘﻼﻗﻰ ﺃﺤﻤﺱ
ﻭﺍﻟﺒﻁل ﺍﺒﻥ ﺍﻟﻭﻟﻴﺩ
ﻭﺘﻼﻗﻰ ﻋﻤﺭﻭ ﺒﺤﺭﺒﺘﻪ
ﺠﻨﺏ ﺍﻟﺴﺎﺩﺍﺕ
ﺍﺴﺄل ﻭﻜﺘﺭ ﻑ ﺍﻟﺴﺅﺍل
- ﻤﻴﻥ ﺍﻟﻠﻰ ﻗﺎل
- ٩٣ -
- 41. ﺍﻨﻪ ﺍﻟﻭﻁﻥ ﺒﻴﻤﻭﺕ ﺨﻼﺹ
- ﻤﻴﻥ ﺍﻟﻠﻰ ﻋﻼ ﻑ ﺍﻟﻬﺭﻡ
ﺼﻭﺕ ﺍﻟﺸﻌﻭﺏ؟
- ﻤﻴﻥ ﺍﻟﻠﻰ ﺤﻨﻁ ﺠﺜﺘﻪ
ﻟﺠل ﺍﻟﺤﻴﺎﺓ؟
- ﻤﻴﻥ ﺍﻟﻠﻰ ﻜﺒﺭ ﻑ ﺍﻟﻘﻨﺎل
ﺍﺤﻨﺎ ﺍﻜﻴﺩ
ﺸﻌﺏ ﺍﻟﻨﻀﺎل
- ٠٤ -
- 42. ﻏـــﺭﻭﺏ
ﺴﺎﻋﺔ ﺴﻼﻡ
ﻭﺍﻟﺸﻤﺱ ﺒﺘﻠﻡ ﺍﻟﻨﻬﺎﺭ
ﻤﺼﺭﻭﺭﺓ ﻓﻴﻪ ﺍﻻﻤﻨﻴﺎﺕ
ﻜل ﺍﻟﺤﻜﺎﻭﻯ
ﻭﺍﻟﻐﻨﺎﻭﻯ
ﻭﺍﻟﺩﻤﻭﻉ
ﻗﺎﻋﺩ ﻭﺤﻴﺩ
ﻭﺍﻟﻜﻭﻥ ﻜﺘﺎﺏ
ﺠﻭﺍﻴﺎ ﻟﺴﻪ ﻤﺎﻨﻔﺘﺢ
ﻤﺴﺘﻨﻰ ﺍﻗﺭﺍ ﻗﺼﺘﻰ
ﺤﺒﺔ ﻜﻼﻡ
- ١٤ -
- 43. ﺴــﻔﺭ
ﻤﻘﻠﻭﺒﻪ ﻟﻴﻪ ﻜل ﺍﻟﺤﺭﻭﻑ؟
ﻭﺍﻟﺨﻁﻭﺓ ﺘﺎﻴﻬﺔ ﻉ ﺍﻟﺭﺼﻴﻑ؟
ﻭﺍﻟﺴﻜﺔ ﺨﻭﻑ؟
ﻭﺴﻜﺎﺘﻨﺎ ﺍﺼﺒﺢ ﻤﺸﻜﻠﺔ
ﺯﻯ ﺍﻟﻜﻼﻡ؟
ﻴﺎﺩﻨﻴﺎ ﻓﻴﻥ ﺍﻻﻏﻨﻴﺎﺕ؟
ﺍﻭﻋﻰ ﺘﻘﻭﻟﻰ ﻏﻨﻭﺘﻙ
ﺼﺒﺤﺕ ﻤﻭﺍﺕ
ﺍﻨﺎ ﻟﺴﻪ ﻓﺎﻜﺭ ﻗﺼﺘﻰ
ﺒﻴﻥ ﺍﻟﺒﻴﻭﺕ
ﺘﺤﺕ ﺍﻟﺸﺠﺭ
ﻭﺍﻟﺤﺏ ﺒﺎﻴﻥ ﻑ ﺍﻟﻌﻴﻭﻥ
ﻓﺭﺤﺎﻥ ﺒﻨﺎ
ﺯﻯ ﺍﻟﻘﻤﺭ
- ٢٤ -
- 44. ﻭﺍﻟﻁﻴﺒﺔ ﻁﺎﻟﻌﺔ ﻡ ﺍﻟﻭﺸﻭﺵ
ﻜﺎﻨﺕ ﺒﺭﻴﺌﺔ ﻜﻠﻬﺎ
ﻤﻥ ﻏﻴﺭ ﺭﺘﻭﺵ
ﻭﺍﻴﺩﻴﻥ ﻜﺘﻴﺭﺓ ﻋﺸﻘﺘﻬﺎ
ﺒﺘﻠﻤﻨﺎ ﻭﺘﻀﻤﻨﺎ
ﻓﺭﺤﺔ ﻭﺤﻨﺎﻥ
ﺁﻩ ﻴﺎﺯﻤﺎﻥ
ﻤﻜﺘﻭﺏ ﻋﻠﻴﻨﺎ ﻨﻐﺘﺭﺏ
ﺍﻤﺘﻰ ﻨﻌﻭﺩ
ﻨﻔﺭﺡ ﻭﻨﺤﻠﻡ ﺒﺎﻟﻭﺠﻭﺩ؟
ﻤﻥ ﻏﻴﺭ ﻤﺭﺍﺭﺓ ﺃﻭ ﻨﺩﻡ
ﺤﺎﺴﻴﻥ ﻏﺭﺍﻤﻙ ﻴﺎ ﻭﻁﻥ
ﺠﻭﺍﻨﺎ ﺤﻠﻡ ﺒﻴﻨﻜﺘﺏ
ﻭﻻ ﻴﻨﻘﺭﻴﺵ
- ٣٤ -
- 45. ﻤـــﻭﺍل
ﻋﻭﺩﻫﺎ ﺍﻟﻠﻰ ﻜﺎﻥ ﺩﻨﺩﻨﺔ
ﺸﺩ ﺍﻟﻭﻟﺩ ﻟﻴﻬﺎ
ﻓ ﹼﺢ ﻋﻴﻭﻨﻪ ﺍﻟﺠﺩﻉ
ﺘ
ﺸﺎﻑ ﺍﻟﺩﻟﻊ ﻓﻴﻬﺎ
ﺸﺎﻭﺭ ﺒﺎﻴﺩﻩ ﻜﺩﻩ :
ﻤﻌﺠﺏ ﻭﻜﻠﻰ ﻋﺸﻡ
ﻀﺤﻜﺕ ﻑ ﺴﺎﻋﺔ ﺼﻔﺎ :
ﺴﺎﻓﺭ ﻭﻫﺎﺕ ﻤﻬﺭﻯ
ﻋﺩﺕ ﻋﻠﻴﻪ ﺴﻨﻴﻥ
ﺍﺴﻭﺩ ﻤﻥ ﺍﻟﺨﺭﻭﺏ
ﺤﻭﺵ ﻓﻠﻭﺱ ﻭﺭﺠﻊ
ﻋﺸﻤﺎﻥ ﻴﻼﻗﻴﻬﺎ
ﻁﻘﻁﻕ ﻋﻠﻴﻬﺎ.. ﺩﺨل
ﻭﺍﻟﻔﺭﺤﺔ ﻤﺵ ﺴﺎﻴﻌﺎﻩ
ﻴﺎﺨﺴﺎﺭﺓ ﺒﻌﺩ ﺍﻟﺸﻘﺎ
ﻭﻟﺩﻴﻥ ﻋﻠﻰ ﺍﻴﺩﻴﻬﺎ
- ٤٤ -
- 46. ﻋﺸﺎﻥ ﺃﻨﺴﺎﻜﻰ ﻟﻶﺨﺭ
ﻋﺸﺎﻥ ﻗﻠﺒﻰ ﻤﻬﻭﺵ ﻤﻨﻰ
ﻋﺸﺎﻥ ﻭﺸﻰ ﻏﺭﻴﺏ ﻋﻨﻰ
ﺃﻨﺎ ﻋﺎﻴﺵ ﻭﻤﺱ ﻟﻴﺎ
ﻫﻭﺍﻜﻰ ﻏﺭﺒﺘﻰ ﻓﻴﺎ
ﻜﻤﺎ ﺍﻟﺩﻭﺍﻤﺔ ﻭﺨﺩﺍﻨﻰ
ﺍﻨﺎﺯﻉ ﺸﻭﻗﻰ ﺍﺘﺼﺩﺭ
ﻟﻭﺵ ﺍﻟﺭﻴﺢ
ﻭﺍﺤﻠﻑ ﺘﺎﻨﻰ ﻤﺎﺍﺭﺠﻌﻠﻙ
ﻴﺎﻗﻠﺏ ﺠﺭﻴﺢ
ﺃﻻﻗﻰ ﻗﻠﺒﻰ ﻑ ﻟﺴﺎﻨﻰ:
ﻤﻨﻴﺵ ﻋﺒﺩﻙ
ﻭﻻ ﺴﻴﺩﻙ
ﻭﻻ ﻟﻌﺒﺔ ﻜﺩﻩ
ﻑ ﺍﻴﺩﻙ
- ٥٤ -
- 47. ﺃﻨﺎ ﺴﻴﺩ ﻋﻠﻰ ﻨﻔﺴﻰ
ﻭﻨﻔﺴﻰ ﺨﻼﺹ
ﻤﻬﻴﺵ ﻋﺎﻴﺯﺓ
ﺘﺴﻠﻡ ﺘﺎﻨﻰ ﻟﺠﺭﻭﺤﻰ
ﺴﺒﻴﻨﻰ ﻭﺍﺒﻌﺩﻯ
ﺭﻭﺤﻰ
ﻋﺸﺎﻥ ﺍﻨﺴﺎﻜﻰ ﻟﻶﺨﺭ
- ٦٤ -