6. Ном бүр хавтаснаас бүрддэг бөгөөд хавтас нь
хатуу, зөөлөн, давхар хавтастай зэрэг янз бүрийн хэлбэртэй
байдаг. Номын хатуу хавтас нь номыг гэмтэхээс хамгаалж өгдөг.
Номын хавтас нь шилтэй байдаг ба шил нь номын блокуудын
бэхлэгдсэн хэсгийг хамгаалах зориулалттай байдаг. Номын
хавтас нь нүүр хавтас, арын хавтастай байдаг ба нүүр хавтсан
дээр номын зохиогч, номын нэр, хэвлэсэн он, хэвлэсэн газар
зэрэг мэдээллүүд бичигддэг. Арын хавтас ихэнх тохиолдолд
цулгуй байдаг ба заримдаа тухайн номын зохиогчийн талаарх
мэдээллийг агуулсан байдаг.

7. - Хавтсыг номын блоктой холбосон цаасыг форзац гэдэг.
Форзацын нэг тал нь номын блокын нүүрэн талд, нөгөө тал нь
номын хавтсанд бэхлэгдэж наагддаг.Форзац нь зурагтай байж
болно. Зураг нь зарим тохиолдолд тухайн номын агуулгыг
илэрхийлсэн байж болно.
- Форзацын дараа номын дотор талын нүүр хуудас байна.
Үүнд:зохиогч, номын нэр, редактор, хэд хэдэн удаагийн
хэвлэл, орчуулагч, хэзээ хаана хэвлэгдсэн зэрэг номын талаарх
мэдээнүүд багтдаг.

8. - Номын блок нь дэвтэр болж нугалагдсан, тодорхой
дарааллаар цуглуулагдсан хоорондоо бэхлэгдсэн
хуудаснуудаас бүрддэг.
- Нугалаа болон хоорондоо бэхлэгдсэн дэвтрүүдийн
ирмэгийн хэсгүүд, мөн түүнчлэн тусдаа дэвтэр ба бэлэн
номын нугалагдсан ирмэгүүдийг номын шил, түүний
эсрэг талыг задгай талын огтлоо, номын дээд доод
хавтгайг харгалзан блокын дээд, доод талын огтлоо
гэдэг.