17. Sa Babaye Nga Naghubo Didto Sa Baybayon Sa Obong
Renee Estella Amper
18.
19. Nahitimbakuwas ang akong panan-aw
sa kalit nga pagdailos
sa imong patadyong
daw ang labtik sa pasol
tadlas nianang nag-ugdo nga kabilin
diha sa puti mong dughan.
Kaayong pagkaladlad
sa duha ka biyoos, nanuyhakaw
diha sa kabuntagon.
20. Kaayong isinggit paghinay!
Kaayong ikapakapa sa hilom!
Kay samtang nagpanglingi ka
kon wa bay nakaambit sa imong pagpabaya,
nagbingkil ang mga dahon,
gitukmod sa lunhaw ang laya
aron motipon sa yuta;
nasaag ang huyohoy,
miong-ong ang akong mga mata
ilalom sa gamot sa kahoy;
21. midailos pagsamot ang patadyong
napasapasa ang imong kanindot,
gisapnay ka sa mga balud,
gisapupo ka sa tinubdan
sa kahayag ug anino,
gitinguha ka sa mga lusay
aron himoong gapasan
sa ilang alimungaw,
22. gihulad kang way kaindig
sa mga tinguha sa daman ug damgo,
ang imong pusod garbo sa Ludabi,
ang imong kiaykiay lunsayng Sugboanon;
gipasangil ko sa langit
ang akong himaya
kay sa paghagtos sa pasol,
gibinlan mog taga ang akong
kasingkasing.
23.
24.
25.
26.
27. Writing a close analysis and critical interpretation of literary texts and
doing an adaptation of these require from the learner the ability to
identify:
a. the geographic, linguistic, and ethnic dimensions of Philippine
literary history from pre-colonial to the contemporary
b. representative texts and authors from each region (e.g.
engage in oral history research with focus on key personalities
from the students’ region/province/town)
