Kruxpetak egiten ikasteko saioa egin genuen azaroaren 25ean Arriarango Intxaurpe elkartean. Asel Ibañezek erakutsitakoaren oharrak hartu zituzten parte hartzaileek. Hementxe kruxpetak prestatzeko egin beharrekoa.
1. Kruxpetak nola egin
Krema egiteko:
Osagaiak:
• 1 litro esne
• 250 gramo azukrea
• 4 arrautza oso edo 8 gorringo
• maizena pixka bat.
Lehenik eta behin, arrautzak nahastu ontzi batean. Bestalde, maizena ur bero pixka batekin nahastu.
Ondoren, biak nahastu ondo. Lapiko batean, egosi esnea, azukrea eta kanela pixka batekin. Esnea
egositakoan erdia hartu eta arrautzei bota. Nahastu dena ondo. Gero, hartu dena eta lapikoan bertan
utzi dugunarekin nahastu. Ondo nahastu dena, loditzen joango da krema eta egina egongo da. Ontzi batera
atera eta hozten eduki . Tapatuta jarri . Hozkailura sartu galdu ez dadin.
Orea egiteko:
Osagaiak:
• 700 gramo olioa, gurina edo gantza
• 1 kilo irin
• 1 litro ur
• 10 gramo gatza
Ura eta olioa lapiko batean egosten jarri. Irina eta 24 arrautza aparte nahasi ur bero pixka batekin.
Gero, ura egosi denean arrautzen nahasketa bota lapikora, nahasi eta egina egongo da.
Nola frijitu kruxpetak:
Lapiko batean olioa jarri. 200 gradutan egon behar du olioak beti eta frijitu ere honela egin behar ditugu.
Tenperatura hartu olioari. Kutxara batekin borobila egin eta lapikora botatzen joan. Kolorea hartzen
dutenen atera. Amaitzeko, ontzi batean , azukrea jarri eta ateratakoan buelta batzuk ematen joan
kruxpetei.
Nola bete kruxpetak:
Betetzeko tresna horietakoren batekin egin dugun krema hartu eta kruxpetak bete. Esnegainarekin edo
txokolatearekin ere bete daitezke.
Ene, ze goxoak!
On egin!