Zinemaldiak euskarak duen tokiari buruzko iritzia

1. HITZ BESTE
Kuota
Loreak Zinemaldiko Sail Ofizialerako hautatu zuten iaz.
Aurten, Amama. Euskarazko film bi. Laster zabaldu da
kuoten politikaren fruitua ote den. Susmoak, errezelo
txarrak. Nahi den bezala mozorrotu, baina boteretsuaren
subkontzienteak halako destain asko egiten dio ahulari:
hire eskas horretan nola lortuko duk ba koittadu horrek
boteretsu honetan ondo kostata lortzen duguna?
Zinemaldiaren historian zehar handia izan da Espainiako edo gaztelaniaz mintzo den
Hegoamerikako zinearen parte hartzea. Ez zen kuotarik aipatzen. Edo, aipatzen bazen,
Zinemaldiaren bokazio eta konpromiso hispanoamerikarra zen beti harrotasunez
baliatzen zen argudioa. Argudioak, jakina, gaztelania hain lurralde zabala batzeko
mataza eta hari, soka eta lokarri.
Merezi duenak behar du egon. Obraren maila da galga. Kalitatea. Ados. Auzia ez baita
film honen edo haren kuotarena, euskarak Zinemaldiaren egitura osoan betetzen duen
(edo ez duen) rolarena baizik.
Eztabaidatu gai hauen inguruan, taldeka:
- Hona hemen azken urteetako euskal filmak: Loreak; Amama; Urte berri on,
Amona; Kutxidazu bidea, Ixabel; Izarren argia… Ikusi al duzu baten bat?
Gustatu al zaizkizu? Kalitate onekoak direla uste duzu? Gomendatuko zenuke?
Zergatik?
- Ados zaude Lertxundik dioenarekin? Euskal zinemak leku berezia behar luke
Zinemaldian, euskarazko izate hutsagatik? Arrazoitu, iritzia emateko formulak
erabiliz.